نقدي لقصيدة (أنا احسن شاعر في المنتدى)

[Dr Deya]

بسم الله الرحمن الرحيم

السلام عليكم ورحمة الله وبركاته
انا كنت عايز ارد في موضوعك لكن خفت الرد يتوه وحضرتك ممكن متشفهوش

طبعا انا كنت بطلت أرد في المنتدى الادبي لاني مش من هواة الشعر المرسل ........... بالاضافه حسيت ان ناس زعلت من ردودي ووجهوا لي طلبات بعدم الرد تاني:

لكن وبما ان حضرتك كتبت بالعربية فتقبل توابعها..............

وارجو ان حضرتك يكون صدرك رحب ........

على بركة الله نبدأ

أنا أحسن شاعر في المنتدى

أولا
قال تعالى :
)وعباد الرحمن الذين يمشون على الأرض هونا ) ومعناها المتواضعين الخاشعين لله عز وجل

وقال صلى الله عليه وسلم

(إن الله أوحى إلى أن تواضعوا حتى لا يفخر أحد على أحد ، ولايبغى أحد على أحد(

وكما قال أبو تمام :
تواضع تكن كالنجم لاح لناظـر **** على صفحات الماء وهو رفيع
ولا تك كالدخـــــان يعلو بنفسه **** إلى طبقات الجو وهو وضيع


ندخل على القصيدة ::



طبعا في الاول انا بتكلم من وجهة نظري الشخصيه كقارئ فقط وبقول اللي انا شايفه افضل لسمعي :

أعــانـق الآمــال أبـتـغـي نصرا>>>وأقـدّم روحـي للـعـلا مـهــــــــــــــرا

حضرتك هنا بتتكلم عن موضوع محدد وجبت النصر نكره فأطلقت البيت
واعتقد ان وجود الواو هنا زايد وبوظ مطلع العجز كان بامكانك تقول :

أعــانـق الآمــال أبـتـغـي النصر>>>أقـدّم روحـي للـعـلا مـهــــــــــــــرا

*******************

سيـفــي قـلـم والـرؤى ورقــــي >>>أرســـل للهالكين حـروفــي تتــــــــرا

حضرتك نسبت السيف لنفسك فعرفته بالاضافه لياء المتكلم لكن في نفس الوقت جعلت القلم نكره في حين ان العكس واجب والسيف هيعرف ب ال ......لان ميدانك الكتابه لا الحرب فانت كده شبهت الحرب بالكتابه ...المفروض العكس (ان كتابتك حرب)عشان يكون للبيت معنى قوي خصوصا ونك عملت كده في الورق ....وهنا بقه هنضيف الواو عشات تتابع الكلام في البيت ونستبدل ارسل بنرسل .. و ياء المتكلم في حروفي ب نا الداله على الفاعلين (طبعا لزيادة المعنى اما بتقدير نفسك او كانك انت والقلم والورق (السيف والرؤى)
مشتركين في الفعل وبكده نحافظ على وزن البيت ونزيد في معناه فنقول :

السيف قلمي والـرؤى ورقــــيو >>>نرســـل للهالكين حـروفــنا تتــــــــرا
************

ألبـست قـصائـدي نارا وطرقتها>>>فـشّـكـلت فـي يـدي لـهـم قـــبـــــــــرا

البيت وزنه مكسوركده وبعدين خليك في زمن المضارع افضل : ممكن تقول

ترتدي القصائد نارا حين أطرقها ***** حتى تشكل في يدي لهم قبـــــرا (بضم التاء)
او ممكن تقول :
طرقت قصائدي فارتدت نارا **** تشكل في يدي لهم قبرا
************

شــهــب تـمـــزّق سمـاءهم إربا>>>وتـشـعــل تــحـتـهم الأرض جمـــــرا

الشهب لا تمزق السماء ابدا (ومتقولش استعاره مكنيه) والتشبيه غير صحيح...و تحتهم الارض(اعكسها)
ببساطه ممكن تقول :

شهب تمزق أسماءهم اربا ****** وتشعل الارض من تحتهم جمرا

شـــعـري كـفـيض أشهر سيفـه >>>وأقــســم لـن أبـق عـبـدا وحــــــــــرّا

مامعنى ان لن يبقى عبدا وحرا ؟؟
ايه رأيك كده :

شعري كفارس اشهر سيفه ***** وأقسم ألا يبقى لهم خبرا

*****************

أبـيـاتـي كالندى لامست أزهارا>>> تــصـنـع رحـيـقـها للـورى عطـــــرا

ايه رأيك كده ؟ ؟؟؟؟

أبياتي كالندى لامست زهرا ***** ففاح رحيقها للورع عطرا

*****************

الـشـعـر أنـثـى عـشـقـها فـرض >>>أبـثـّهـا عطشي فـتـرويني خمــــــــرا

الـشـعـر أنـثـى عـشـقـها فـرض >>>أبـثـّهـا عطشي فـتـرويني الخمــــــــرا (بفتح الياء)

****************

لا تـسألـي تمـهلا أو بهم إحسانا >>> فـالشعر من صخري ثار وانفجــــــر
طب شوف كده :

لا تـسألـني بهم رفقا ولا مهلا >>> فـالشعر من صخري ثار وانفجــــــر

*************

كـتـبـوا هواجس وأسمـوها شعـرا >>>والــشـعـر لـجـهلهم كان قد صبــــر

بلاش توجه الكلام لحد (الا لو كان خصمك معروف) وخليه مبني للمجهول :
ايه رأيك كده (بضم الكاف والس)
كتبت هواجس سميت شعرا ****** والشعر منها يلعق الصبرا
ايه رأيك في التشبيه ده ..
(انا بزود الالف عشان القارئ ميسكنش الحرف الاخير والقافيه تبوظ ) واكسر صاد الصبر
*****************

حـدثـنـي الشـعـر واشتكى بغيهم >>>أعـطـانـي سيـفـا وبـالـفتـك أمـــــــــر

ونخلي البيت ده كمالة اللي قبله في المعنى فنقول

حدثته سرا فاشتكى اسفا ******** فاشهرت سيفي سابقا امرا
ايه رأيك ؟؟؟

******************

دخـلـوا المـنـتـدى وأحدثوا أسماء >>> بـعثـروا كـلـمات وظـنوها شعـــرا

معلش انا مش هعلق على البيت ده واظن ملهوش لزمه في القصيده لانه تجريح مباشر واحنا مش الفرزدق والاخطل وجرير يعني ....

فالـشعــر ما قـــال الأوّلــون حقا >>>والتابـعــون بإحسان أثابهم خيـــــرا

وطب وكده :
الشعر ما قال الأولون حقيقة *******والتابعون باحسان اثابهم خيرا

الـشـعـر مـدح و هـجـاء يــنـتـقى >>>ومـــن كـان الإسـلام أبـيه افتخـــــر

هنا وقعت يا دوك ...... كان ترفع اسمها وتنصب خبرها فنقول اباه ...... وممكن نمشي البيت كده عشان المعنى .....

الشعر مدح و هجاء ينتقى ***** او رثاء لحبيب اقفرا

وكانك تعلم الناس انواع الشعر بس بما انك ذكرتها في بيت تاني فممكن تمشيه زي ما قلت ولكن:

الـشـعـر مـدح و هـجـاء يــنـتـقى >>>ومـــن كـان الإسـلام أبـا له افتخـــــرا

بكاء أطـــــــلال ورثـاء أحـــبـة >>>أو آيــــــات حـب تـفـتن البشـــــــــر

شيل الهمز من رثاء عشان وزنك ....... وهنخلي أو ....تبقى واو

بكاء أطـــــــلال ورثـا أحـــبـة >>> و آيــــــات حـب تـفـتن البشـــــــــر

الشـعــرعـمـــودي وزن وقـافــية >>>فـــوّجـه شـراعك وانـتـق البـحـــــر

الشـعــرالعـمـــودي وزن وقـافــية >>>فـــوّجـه شـراعك وانـتـق البـحـــــر

إبراهيم رأفت (عضو اللجنة الفنية بالإتحاد)

ضياء الدين محمد

اللجنة الثقافيه بالاتحاد


اتشرفت بمعرف حضرتك يا دوك وارجو انك تقبل نقدي ....... اسف على الاطاله


والسلام ختام

-----
على فكره انا عندي بكره امتحان اساي وبعده بايو الثلاثاء وضيعت يجي ساعه من وقتي فالله يسامحك ....

[M.Hegazy]

تسلم إيدك يا دكتور ضياء .. نقد بنّاء و جميل جدا ..

يا ريت يا دكتور حضرتك تتابع معانا على قد ما تقدر .. بجد أنا شخصيا اتعلم و استفيد منك دائما .. و أقبل كلماتك بصدر رحب جدا ..

جزاك الله خيرا يا دكتور

[Come back]

لا جامد يا ضياء اول مرة اتعلم منك حاجة تنفع

[Aya Farouk]

الله عليك
نقد جميل جدا ...

[E.Raafat]

وأنا متقبل النقد وبطلب منك تجمع الأنيات اللي انت عدلتها وتحاول تقرأها وشوف هيه على وزن واحد ولا لأ

وان كانت على نفس الوزن تقريبا إرفعها كقصيده

[محمد فهمي]

أنا شايف أن النقد مطلوب في كل حاجة طالما هو في أعمال الشخص وطالما هو نقد قائم علي أسس ويبني ولا يهدم ويصل بنا لإنجاز الأفضل وتصحيح أخطائنا...إذا
النقد هو فعل صحي طالما لايصل إلي السب والقذف والإساءة
أما عن القصيدة فهي نوع مختلف تم عرضه في المنتدي وهذا النوع يجب أن يتواجد أيضا مع الألوان الأخري حتي ولو كان هجاء أو ذم أو حتي افتخار بالذات أو أي شئ آخر لايخرج عن الأدب واللياقة
والقصيدة أراها من النوع الغاضب الذي يهجو ويفتخر وهذا ليس عيبا لأنها كما قلت أحد ألوان الشعر التي يجب أن تتواجد لتثري المنتدي حتي ولو كان بها أخطاء لغوية ونحوية هنا يأتي دور النقد حتي نتعلم كلنا من الأخطاء التي وقعنا فيها والنقد أيضا علي ما كتب وليس علي الشخص بعينه فهنا نحكم علي كتاباته

أبيات أراها مختلفة وجميلة
ونقد أراه رائع وصحي وتعلمنا منه
ويجب أن تتواجد هذه الأبيات ويجب أن يتواجد هذا النقد
شكرا د.ابراهيم وشكرا د.ضياء

[elmagnifico]

والله وحشني كلامك يا واد يا ضيا بجد

[dr-aya]

نقد أكثر من رائع أنا بجد منبهرة

[andromeda]

دكتور ابراهيم رأفت
دكتور ضياء
دكتور حجازي


بسم الله ما شاء الله شخصيات قمه ف الاحترام
القصيده رائعه
والنقد اروع
واسلوب حضراتكم ف الحوار اروع و اروع
بجد ربنا يكرمكم
والي الامام ي شباب

[Moonlight]

نقد حقيقة أكثر من رائع
أنا ماكنتش بدخل على المنتدى الأدبي خالص بس بجد بدأ يحيا هذا المنتدى