تعالوا يا سنه تالته ... عاوزاكوا في موضوع ...

[*Jessy*]

السلام عليكم ورحمه الله وبركاته

دفعتي العزيزه ........................

انا مش هتكلم كتير بس بصراحه جوايا كلام كتير نفسي اقوله ..لان شفت حاجات كتير وزعلت عشانها اوي ...

اولا كلنا متفقين اننا في نفس الكفه وان كلنا اكيد يهمنا مصلحه بعض .. معايا ولا ايه ؟؟؟؟

>
>
>
>
>
>
>

لو حد معترض علي السؤال ده يبقي مايكملش قراءه الموضوع ....




بصوا دلوقتي احنا كان فيه مطالب ومش هقول كلنا كنا موافقين عليها لان مش كل الدفعه مضت اسمائها ... بس اعتقد ان اللي المفروض نتفق عليه هو اننا نخاف علي بعض .. وان الناس اللي مامضتش اسمائها اكيد فيها المحايد وفيها المعارض انا مش هقول ان كلهم معارضين ....................

المهم انا بطلب منكم طلب ومن القلب اننا نحس ببعض ونخاف علي بعض ومنجرحش حد بأي كلمه او اي حاجه لاننا اخوات وزملاء وعايشين كل ايامنا في الجامعه بحلوها وبمرها ....

انا اولا: عاوزه اشكر زملائنا الافاضل اللي اتكلموا بأسم الدفعه واقولهم ان مهما ان حصل من أخطاء فأكيد كلنا بنقدركم وبنحترمكم وعارفين ان اللي انتوا عملتوه ده كان هدفه الاصلاح .... مهما ان اختلفت وجهات النظر .......


ثانيا : بوجه رساله لكل طالب اذا كان اخطأ بكلمه او بلفظ او بأسلوب في حق دكاترنا الافاضل يتقدم لهم بالاعتذار سواء هنا في المنتدي او في الحقيقه لانهم مهما ان كانوا فهم سيظلوا آبائنا وستظل مكانتهم محفوظه .............

ثالثا: عاوزه اوجه رساله لدفعه سنه تالته ... عاوزه اقولكم خافوا علي بعض وخليكوا كلكم ايد واحده واتحملوا عيوب بعض وصلحوها .. يعني لو حد اخطأ احنا نصلح له الخطأ مش نفضل ماسكنهاله ونذله بيها ... لاننا لو احنا اللي ولاد دفعه واحده متحملناش بعض مين هيتحملنا ..........


رابعا : اي حد حاسس انه غلط في حق حد من زملائه يتدخل هنا ويعتذرله ويكلمه ......عشان النفوس تصفي


انا الهدف من الموضوع ده اننا نلم شملنا ونكبر في عيون نفسنا اولا ثم في عيون غيرنا ..... واننا نرجع زي ماكنا ونفضل دائما ايد واحده ونكن الاحترام والتقدير لبعض .............

ممكن تعتبرو ا من هنا ساحه حوار لكل واحد عاوز يصفي قلبه او يوصل كلمه او رساله لحد ... وياريت كله يشارك لاني بجد بجد نفسي كلنا نبدأ من هنا صفحه بيضه جديده بنفوس صافيه وراضيه ................


وشكرا لكم ........... بالتوفيق بأذن الله

[the king]

بجد يشرفني اكون اول من يعلق على موضوع بالروعة والجمال دا
تقبلي فائق الاحترام والتقدير

[*Jessy*]

بجد يشرفني اكون اول من يعلق على موضوع بالروعة والجمال دا
تقبلي فائق الاحترام والتقدير

بجد انا اللي يشرفني رد حضرتك الجميل ده


شكرا للمرور

[romaysaa]

معاكي في كل الكلام الجميل ده
وأسفة لو كنت زعلت حد مني
واعتراضي كله كان على تصرفات وليس أشخاص
وانا آسفة إذا كنت غلط في حق أي حد دكتور أو طالب
لأني مرضاش ازعل حد مني
تقبلوا اعتذاري

[dr queen]

مبادرة جميله جدا منك ،

جزاكِ الله كل خير

ربنا يهديكم ويصلح لكم الحال يا سنة تالته يارب

[da_mysterous]

[DR.BIBO]

شكرا لكل واحد ضيع جزء من وقته عشان يدافع عن حقنا
شكرا لكل واحد اتحمل الاذى المعنوى عشان خاطرنا كلنا
شكرا لكل واحد شاف انه غلط واعتذر عن غلطه
شكرا لكل انسان كان بيدور على مصلحة دفعتنا
(حتى لو اختلفنا فى الاسلوب) فشكرا ليهم كلهم لانهم وصلونا ان احنا نقدر نطالب بحقنا من غير خوف
واتعلمنا منهم من مزاياهم قبل اخطائهم
فشكرا شكرا شكرا

[L SMA7Y]

انا اسف لو كنت عليت صوتي (( بعد مالدكتور حمدي مشي )) ,, لان كانت العامله قافله المايك وانا تعبان ومش قادر اتكلم واتعصبت

فاسف لو حد شاف العصبيه دي موجهه ليه او اهانه ليه ,, انا مقصدش

واسف علي كلمه تانيه قولتها هنا في المنتدي ومع اني سمعتها اكتر من مره غيري بيقولها ونفس الناس اللي انتقدوني وهو اننا الدكاتره الي مش عايزين يدخلولنا شفوي نلملهم

انا عن نفسي اول مبيعدي عليا 24 ساعه بعمل فورمات لكل حاجه حصلت في اليوم اللي قبلها ,, وبنسي مين شتمني او مين عاب عليا (( من ورايا )),, بس مش بنسي انا عملت ايه غلط لو من كام سنه


شكرااااا

[Dr_semsemah]

بصراحة ياجماعة رغم كل المشاحنات اللى حصلت كلها انا فى منتهى السعادة من اللى احنا وصلنا له الان.احنا كنا متفرقين جدا قبل كده وحسة اننا اتجمعنا واتوحدناوكمان شعرت اد ايه احنا عندنا عقول متفتحة والسنة لبقة تقدر تمثل مجموعة فى اى مكان صحيح ينقصنا الخبرة لكن الاساس موجود, انا سعيدة وفخورة بدفعتى سنة تالتة وبكل زميل وزميلة فيها واتمنى الاستمرار والتميز والتوفيق للجميع

[*Jessy*]

معاكي في كل الكلام الجميل ده
وأسفة لو كنت زعلت حد مني
واعتراضي كله كان على تصرفات وليس أشخاص
وانا آسفة إذا كنت غلط في حق أي حد دكتور أو طالب
لأني مرضاش ازعل حد مني
تقبلوا اعتذاري

مبادره جميله من حضرتك وان شاء الله أكيد محدش زعل .........

مبادرة جميله جدا منك ،

جزاكِ الله كل خير

ربنا يهديكم ويصلح لكم الحال يا سنة تالته يارب

آمين ياااارب

شكرا لكل واحد ضيع جزء من وقته عشان يدافع عن حقنا
شكرا لكل واحد اتحمل الاذى المعنوى عشان خاطرنا كلنا
شكرا لكل واحد شاف انه غلط واعتذر عن غلطه
شكرا لكل انسان كان بيدور على مصلحة دفعتنا
(حتى لو اختلفنا فى الاسلوب) فشكرا ليهم كلهم لانهم وصلونا ان احنا نقدر نطالب بحقنا من غير خوف
واتعلمنا منهم من مزاياهم قبل اخطائهم
فشكرا شكرا شكرا

بجد قولتي الكلام اللي كان نفسي اقوله .............

انا اسف لو كنت عليت صوتي (( بعد مالدكتور حمدي مشي )) ,, لان كانت العامله قافله المايك وانا تعبان ومش قادر اتكلم واتعصبت

فاسف لو حد شاف العصبيه دي موجهه ليه او اهانه ليه ,, انا مقصدش

واسف علي كلمه تانيه قولتها هنا في المنتدي ومع اني سمعتها اكتر من مره غيري بيقولها ونفس الناس اللي انتقدوني وهو اننا الدكاتره الي مش عايزين يدخلولنا شفوي نلملهم

انا عن نفسي اول مبيعدي عليا 24 ساعه بعمل فورمات لكل حاجه حصلت في اليوم اللي قبلها ,, وبنسي مين شتمني او مين عاب عليا (( من ورايا )),, بس مش بنسي انا عملت ايه غلط لو من كام سنه


شكرااااا

جميل جدا يا دكتور ........ وياريت تفضل حضرتك كده علطول تنسي الاساءه .............

بصراحة ياجماعة رغم كل المشاحنات اللى حصلت كلها انا فى منتهى السعادة من اللى احنا وصلنا له الان.احنا كنا متفرقين جدا قبل كده وحسة اننا اتجمعنا واتوحدناوكمان شعرت اد ايه احنا عندنا عقول متفتحة والسنة لبقة تقدر تمثل مجموعة فى اى مكان صحيح ينقصنا الخبرة لكن الاساس موجود, انا سعيدة وفخورة بدفعتى سنة تالتة وبكل زميل وزميلة فيها واتمنى الاستمرار والتميز والتوفيق للجميع

الحمدلله ......... دفعه جميله وانا فخوره اني منها
-----

-----

انا اسفةة يادكتور ان قولتلك انى انا اللى نزلت الاعتذار بطريقة مش حلوة شويتين ومتزعلش يادكتور ان رديت وقلتلك هو انتو يعنى هتنقو الدكاترة اللى هتمتحنكو بمزاجكواانا ف عصبيتى بتكلم باسلوب مش ظريف خالص بس كلنا ادركنا خطئنا وعرفناة اقبلوا اعتذارى

جميل يا دكتوره وربنا يكرمك ....... وان شاء الله كل الامور هتتصلح ..............

شكرا لحضرتك علي الموضوع الجميل
اتمني مفيش أي حد يكون زعلان مني انا ممكن أكون قلت كلام في المدرج ممكن يزعل حد وهو اني قلت لو كان الدكتور اللي بيتكلم ده ابويا وحد كلمه كده كنت ضربته انا عارف ان الكلمة دي ممكن تكون زعلت حد مني
انا محبش اي حد يكون زعلان

العفو يا دكتور ............... وان شاء الله محدش زعلان

وأخيرآ ......... بدأنااااااااا

لكل دفعه تالته صيدله... الدفعه العظيمه اللى أفتخر انى واحد منها .... أحب أهنيكم باللى انتم عملتوه( بعيدا عن المظاهرات والمطالب ودا كله ) يكفى اننا اكتشفنا اننا بنحب بعضنا وبنخاف على بعضنا وعلى مصلحه كل واحد فينا
وان احنا بجد رجاله ( والبنات طبعا معانا ) ووقت الجد بنقف وقفه رجاله ..... ورونى وقفه الرجاله يلا هوبا

ثانيا :- عندى طلب صغنطوط وهو ان اى حد يزعل أو يتضايق أو ياخد على خاطره من حد سوتء يعرفه او مش يعرفه ان هو يعاتبه علطول أو يقوله ان فى موقف زعله منه سواء ليه مباشره أو على المنتدى ( لو يعرف اسمه على المنتدى ) علشان كله يحاول يحسن من نفسه ونبقى قد المسئوليه ........

وأخيرا قبل ما أمشى ورونى وقفه الرجاله يلا هوبا 1 2 3 ............!

ياريت كل الناس تعمل بالطلب ده ...... انا دايما بقوله لاصحابي علطول .................