القذافي قتل المصريين و لسه بيطول اللسان عليهم

[Ahmed Nada]

من شوية انتهى خطاب الاخ القائد معمر القذافي
وكان مجمل كلمته اللي كلها كانت باللهجه الليبية الاتي
----
- أنا مش رئيس عشان اتنحى و انا قائد ثورة للابد
- أنا مجد تفتخر بيه ليبيا و كل الشعوب
-اللي بيحصل عندنا تقليد للي حصل في مصر و تونس
- مش هسيب ليبيا مهما حصل وهموت على ارضها شهيدا مع اجدادي
- انا محارب حقق المجد لليبين
- ليبيا سيده اافريقيا و اسيا و امريكا اللاتينيه وكمان اوروبا
- كل وسائل الاعلام العربي الشقيق بتحاول تشوه صورة الشعب الليبي امام العالم
- انا مش قاعد في منصب عشان استقيل منه
- تخليت انا و الظباط الاحرار عن السلطه للشعب من 1975 واعطينا ليكم فلوس البترول
-مصريين وتوانسه أعطوا المحتجين حبوب مخدره مضره بالقلب و العقل وامروهم بالتخريب
-المحتجون هم عصابات و فئران و مرتزقه يريدون باكستان جديده في شما افريقيا
- المحتجون عاوزين ليبيا تتحول لبلد إسلامي
- هحارب لحد اخر نقطة دم
- الثورة يعني القذافي يعني المجد
- من قتل نفس بريئة كأنما قتل البشرية كلها !!!
-مش عاوز حاجة لنفسي كل حاجة لليبياو الشعب
- لسه مستخدمتش القوة و انا حر في استخدامها
أمريكا عصابه دائما وابدا مع التخريب في غزة و العراق
------
لا تعليق
كلامه غير منطقي بالمره نازل يشتم بس في المحتجين و المصريين و كمان سمعت كلمة السادات انا في خطابه واكيد كان بيشتمه
ويشتم في القاعده و امريكا و التوانسه وايطاليا
والغريب انه بيقول انه لسه مستخدمش القوة
بصراحه تحس انه شمام بيتكلم ع القهوه ولا ابنه اللي طلع وقال هنغير كل حاجه حنى العلم و النشيد !! هي المشكلة في العلم و النشيد

لكي الله يا ليبيا

[المعلم]

ابو جهل كان بيخطب النهارده بيخطب ايه ده كان بيخرف

[fulla m]

كان بيقول أنه حارب السادات واسرائيل وحمى الحدود الشرقية
ومحدش يسألني من امتى السادات كان بيحارب مع اسرائيل ضد ليبيا
ربنا يستر وينجى أهل ليبيا وينجي المصريين اللي هناك
وربنا ينتقم منه
لا وقال انهم مجموعة بتتناول حبوب مهلوسة
وبعدين يقول بيحاولوا يعملوا امارة اسلامية في ليبيا

[ضياء القلب]

استحاله ده يكون رئيس دوله وف ايده تقرير مستقبل شعب
حسبى الله ونعم الوكيل
منتهى الجهل ده اقل مايقال عليه
ولا منظره وهو ماسك الكتاب العجيب بتاعه ده
حاجه تكسف والله

ربنا ينجى الشعب منه ويرجع كل المصريين سالمين ان شاء الله

[رقة القلب]

ربنا يستر على اخواتنا المسلمين يارب

[Ahmed Nada]

ده مجنون رسمي
ونهايته هتكون النهارده او بكره على اقصى تقدير
الجيش الليبي ابتدى ينحاز للشعب

[mahd reusski]

عماااااااااااااااااااااااااااااااااااار ياليبيا

[asfourelgana]

لا حول ولا قوة الا بالله

لما هو لسه مستخدمش القوة وقتل كل الاعداد دي؟

لو استخدمها (وه حر ) هيعمل ايه اكتر من كده

حسبي الله ونعم الوكيل فيه

حسبي الله ونعم الوكيل

صحيح نسي يقولنا نوع الحبوب اللي مصر بتصدرها لليبيا

اتغفر الله العظيم ولا حول ولا قوة الا بالله

[*Jessy*]

ليس علي المريض حرج بصراحه انا مبقتش بركز معاه لانه فعلا انسان مريض وبجد انا مشفقه عليه من اللي هو فيه ده بس لكل ظالم نهايه وانا متوقعه ان نهايته مش هتبقي كويسه

انا مش عارفه ايه اللي بيعمله ده ولا اللي بيقوله ده مفكر نفسه اشتري البلد وان ليبيا دي بتاعته والشعب شويه غنم عنده وخلاص

بس ربنا أكبر من الكل وان شاء الله هاينصر الشعب الغلبان ده

( يمهل ولا يهمل )

[تابعة محمد]

بسم الله الرحمن الرحيم
مش عارفة اقول ايه بعد الى قولته ...............
ريحتونى من الكلام الى كنت هقوله بس حاجة واحدة بس هو كان النهارده بيدور على تبرير للى بيحصل فى ليبيا و اعقد يجيب مساوىء امريكا و الانتهاكات الى هو عملها ولا لأ ؟
حسبى الله و هو نعم الوكيل .