عيشوا حياتكم كمان أسبوع

[بحلم ببكره]

بسم الله ما شاء الله


عمر حد فينا أخد أجازة نصف السنة شهر كامل

أظن كدا الناس اللي سافرت بره هترجع تزغرد لأن مش هيفوتها حاجة من الدراسة


كدا يبقي التأجيل أسبوعين

بس ياتري المرة دي ليه؟؟


في كلام سمعته إن رئيس الجامعة استقال (دا كلام واحد صاحبي بس مش متأكد) والجامعة بكره أجازة من الموظفين

جامعة القاهرة أخدوا هناك 3 أيام أجازة


ربنا يستر في اللي جاي

[star]

انا برده قرايبي في طب قالولي علي موضوع رئيس الجامعة ده بس هما مش متأكدين اوي

[L SMA7Y]

بس دا قرار علي مستوي الجمهوريه

وللمدارس والجامعات ,, فمظنش القرار دا علشان رئيس الجامعه استقال

-*************-

عموما انا مكنتش عايزهم يمدوا الاجازه علشان بحب ايام الدراسه اكتر

وكمان المشكله لما نرجع نلاقي نفس المناهج زي ماهيا والامتحانات في معادها

ساعتها بقا هدور علي ميدان تحرير في قلب الجامعه ولو ملقتش هبني ميدان جديد واعتصملهم فيه

[بحلم ببكره]

فمظنش القرار دا علشان رئيس الجامعه استقال

لا طبعا مش عشان كدا

لكن في قلق في الجامعات عموما

[Amira]

اخويا قالى ان كان فى مظاهرات ضد رئيس الجامعه ...الموظفين والعاملين هم اللى كانوا عاملينها وقالى انه اتضرب كمان !
وفى القاهره فى كليه تجاره اعضاء هيئه التدريس كسروا لافته قاعه عاطف عبيد
الاوضاع شكلها لسه مش مستقره
بس كده كتير اوى على الاجازه ....الترم التانى هيتضغط علينا احنا فى الاخر

[N00R EL _SHAMS]

اخويا قالى ان كان فى مظاهرات ضد رئيس الجامعه ...الموظفين والعاملين هم اللى كانوا عاملينها وقالى انه اتضرب كمان !
وفى القاهره فى كليه تجاره اعضاء هيئه التدريس كسروا لافته قاعه عاطف عبيد
الاوضاع شكلها لسه مش مستقره
بس كده كتير اوى على الاجازه ....الترم التانى هيتضغط علينا احنا فى الاخر

فعلا انا خالى قالى على حكاية رئيس الجامعه دى...

يالا خلى الاجازه تطول شويه

[بحلم ببكره]

وقالى انه اتضرب كمان

الكلام دا وصل لي فعلا بس مش متأكد

[NeScaFE]

احسن برده على اما البرد يروح

[muna7assan]

أنا سمعت ان رؤساء الجامعات هددوا بالاستقاله لو الاجازه ما اتمدتش لأن الأوضاع غير مستقره ومفيش حرس وما

يقدروش يتحملوا المسئوليه دى ! بس الخبر الأكيد ان الاجازه اتمدت كمان لحين استقرار الاوضاع

[لؤلؤه النيل]

اسؤ خبر سمعته ان الاجازه اتمدت
يارب بقى ميجيش على دماغنا فى الاجر
ويارب فى الاجازه الطويله دى يكون حصل تطوير فى الجامعات
فى نظام الامتحانات والمناهج
واهم حاجه معامله الدكاتره مع الطلبه
والاجبار على شرا الكتب

والا ساعتها هنعتصم فى ميدان الجامعه
(اصل ميدان التحرير كفايه عليه كده)