حرام مش كده؟

[omima ramadan]

السلام عليكم ورحمة الله

طبعاً مش عارفة أكتب الموضوع ده إلا بالعامية عشان أوصل احساسى
الموضوع متعلق بالخريجين وطبيعى يكون مكانه قسم الخريجين بس حبيت أعمله في قسم الجودة وقسم الخريجين وأرجو من الادارة عدم حذفه لأنه مكرر.
لأنى متأكدة ان جودة التعليم الصيدلى بتفرض علينا اننا نراعى الخريجين كمان ونساعدهم
أنا دفعة 2009 ومن اللي ربنا أكرمهم بالامتياز مع المرتبة
لكن للأسف في التكليف ما بيعترفوش ان فيه ناس تعبت وناس لعبت بالعكس ده بيفضلوهم في حاجات كتير .
الموضوع باختصار انى مش عاوزة حد من دفعة 2009 يسكت علي الظلم ده.
نفسى نكون جروب كبير ونقف مع بعض ضد الظلم والمهازل اللي بتحصل
لما فتحوا لنا رغبات التكليف كان متاح لغير المتزوجات حتى لو أوائل في الجهات الأساسية 3 مستشفيات بس:
المستشفى الدولى.
الحميات
مركز الاسعاف.

تعالوا بقى نشوف المتزوجات متاح لهم ايه في الجهات الاساسية:
الدولى
الحميات
مركز الاسعاف
مركز طب الأسنان
مستشفى الرمد
مستشفى الصدر
المستشفى العام

يعنى هو ده يرضي ربنا ؟
اننا تعبنا في المذاكرة وبعدين عشان لسة مش متزوجات يفضلوا علينا المتزوجات ولو تقديرهم جيد ومقبول؟
ويبقي متاح لهم في الرغبات حاجات كتير مش متاحة لنا أساساً؟

طيب هنعدى دى.
أنا كنت كاتبة الحميات أول رغبة والدولى تالت رغبة لقيت اللي جالي الدولي يعني تالت رغبة
قلت مش مهم يمكن مجموعي مش جابها.
أدخل علي نتيجة تكليف المتزوجات ألاقى ان واحدة تقديرها جيد جداً جايلها الحميات لمجرد انها متزوجة
وأنا تقديري أعلي منها بكتير وفاتتني
طيب هو ده يرضي ربنا؟

ما علينا
بصوا عشان مش أطول
أنا برجوكم اننا نكون ايد واحدة في وجه الظلم ده
وكل اللي لقي ان مكان فاته وأخدته متزوجة يتواصل معايا عشان هنصعد الأمر للرقابة الادارية وشكوى للسيد وزير الصحة والاعلام ان لزم الأمر.
مش هنكتفى بالتظلمات اللي مش هتتقبل يا جماعة
لازم نقف كلنا في وجه الجهل والظلم ده.

أنا مش ضد ان المتزوجة ييجي لها مكان قريب عشان لم شمل الأسرة لكن أعتقد ان العدل ان ده يحصل بعد لما المجاميع الأعلي منها تتحط في الأماكن اللي اختاروها.

حد متفق معايا؟
حد هينضم ؟
حد هيتكلم؟
حد هيثور في وجه الظلم اللي بنتعرض له من أول ما تخرجنا؟
يعني مش كفاية المركز القومى للبحوث عين الناس باعلان داخلى علي جدرانه!
لأ التكليف كمان بيعاقبنا اننا مش متزوجات!!!!!!!!!!!!!!!!!!!!!!

حابة أعرف رأى زمايلي وأساتذتنا كمان.

شكراً

[rofida]

انا معاكى ياأميمه فى اللى بتقوليه لكن دا قانون زى مااخدنا بينص ان المتزوجات يتحقق لهم الرغبه الأولى على الرغم ان ده تخلف وجهل لأن ايه علاقة الزواج بالعمل هل معنى انها متزوجه يعطى لها الأحقيه عن اللى معاها تقدير اعلى
المفروض ده بيكون مقياس لتعب خمس سنين ومجهود جبار علشان نتخرج بامتياز وفى الأخر يقولوا قانون ليه نستسلم لقانون طالما هو غلط
بس هنروح بعيد ليه كان عندك كام مشكله للصيادله بالنسبه للمساحه وايضا الرواتب وعملوا تجمعات وسافروا القاهرة وايه اللى حصل ؟ لم يتغير اى شىء لم اقصد ان نستسلم ولكن بحكى واقع
انتى مستغربه انك اتظلمتى على مستوى الجمهوريه طب واللى حصل معايا بعد التخرج يبقى اسمه ايه
لما يعذبونى لما يعطوا ليا حقى فى التظلم عشرين درجه وفى الأخر لما اخدهم بعد مذله وعذاب اكتشف وانا بسجل البيانات فى التكليف ان البيانات داخله غلط من الكليه وانها داخله بالمجموع القديم ولما جيت اتكلم فى الكليه قالوالى انها مش غلطتهم وطلبوا منى ان اسافر القاهره علشان اصلحها وسافرت فعلا على الرغم ان ده تقصير منهم لأن اولا نتيجة البكالوريوس لاتعتمد من مجلس الجامعه الا بعد النظر فى التظلمات وبعدين تخرج كلها مع بعضها دى حاجه الحاجه التانيه ان شئون الخريجين عارفيين ان فى طلاب لهم درجات ومستنين ان مجلس الجامعه يتكرم ويعتمده وكأنهم بيمنوا علينا ازاى يبعتوا النتيجه لاداره التكليف من غير تصحيح النتيجه للطلبه اللى لهم درجات (مهزله) وفى الأخر يقولوا لى هى غلطتنا بس سافرى علشان تخلصى ورقك علشان محدش هيسافر من الكليه فمتستغربيش للبيحصل من ده كتير اللى تقدرى تعمليه هو التظلم وربنا معانا كلنا ................................اسفه على الإطاله

[omima ramadan]

انا معاكى ياأميمه فى اللى بتقوليه لكن دا قانون زى مااخدنا بينص ان المتزوجات يتحقق لهم الرغبه الأولى على الرغم ان ده تخلف وجهل لأن ايه علاقة الزواج بالعمل هل معنى انها متزوجه يعطى لها الأحقيه عن اللى معاها تقدير اعلى
المفروض ده بيكون مقياس لتعب خمس سنين ومجهود جبار علشان نتخرج بامتياز وفى الأخر يقولوا قانون ليه نستسلم لقانون طالما هو غلط
بس هنروح بعيد ليه كان عندك كام مشكله للصيادله بالنسبه للمساحه وايضا الرواتب وعملوا تجمعات وسافروا القاهرة وايه اللى حصل ؟ لم يتغير اى شىء لم اقصد ان نستسلم ولكن بحكى واقع
انتى مستغربه انك اتظلمتى على مستوى الجمهوريه طب واللى حصل معايا بعد التخرج يبقى اسمه ايه
لما يعذبونى لما يعطوا ليا حقى فى التظلم عشرين درجه وفى الأخر لما اخدهم بعد مذله وعذاب اكتشف وانا بسجل البيانات فى التكليف ان البيانات داخله غلط من الكليه وانها داخله بالمجموع القديم ولما جيت اتكلم فى الكليه قالوالى انها مش غلطتهم وطلبوا منى ان اسافر القاهره علشان اصلحها وسافرت فعلا على الرغم ان ده تقصير منهم لأن اولا نتيجة البكالوريوس لاتعتمد من مجلس الجامعه الا بعد النظر فى التظلمات وبعدين تخرج كلها مع بعضها دى حاجه الحاجه التانيه ان شئون الخريجين عارفيين ان فى طلاب لهم درجات ومستنين ان مجلس الجامعه يتكرم ويعتمده وكأنهم بيمنوا علينا ازاى يبعتوا النتيجه لاداره التكليف من غير تصحيح النتيجه للطلبه اللى لهم درجات (مهزله) وفى الأخر يقولوا لى هى غلطتنا بس سافرى علشان تخلصى ورقك علشان محدش هيسافر من الكليه فمتستغربيش للبيحصل من ده كتير اللى تقدرى تعمليه هو التظلم وربنا معانا كلنا ................................اسفه على الإطاله

آسفة على ايه يا نورة شرفتي الموضوع طبعاًوأنا عارفة فد ايه عانيتي في الموضوع ده ربنا معاكى يارب وشكراً جزيلاً لمشاركتك القيمة.
-----

يعنى ايه المطلوب مثلا

الواحد يتجوز فى المنصورة وزوجته تتكلف فى دمياط؟؟؟؟؟؟

وبعدين بقى اشمعنى بتتكلموا فى النقطة دى

ومحدش بيتكلم على الاولاد اللى بيترموا فى اخر الدنيا مهما كان تقديرهم وده عشان الاولوية للبنات؟؟؟؟؟؟

الموضوع كده ماشى صح

المتزوجة تكون قريبة من بيتها عشان تقدر توفق بين عملها وشغلها

والبنات يكون تكليفهم بردوا فى نفس المحافظة عشان هما بنات

والاولاد يروحوا السودان او يدخلوا تجنيد

أهلاً بحضرتك يا دكتورعلي فكرة كلامى واضح جدا لو كنت قرأت الموضوع كويس أنا قلت بالحرف أنا مش ضد ان المتزوجات يروحوا في أماكن قريبة لكن العدل بيقول نحطهم بعد لما المجاميع الاعلي تاخد فرصتها يعني مثلاً ايه المانع يتحطوا في ادارة المنصورة؟ بدل ما نحطهم في المستشفيات اللي كاتبها ناس مجموعهم أعلي منهم يعني نحرم اللي يستحقها بالجهد عشان نجيب الناس في أماكن قريبة المفروض ان الهدف كان يبقي:اننا نوزع تبعاً للمجموع +نجيب المتزوجات في أماكن قريبة لازم يكون فيه توازن في الموضوع اللي حصل ان ادارة التكليف جارت علي المتفوقين لصالح المتزوجاتوبصراحة أنا كمان ضد بهدلة الولد المتفوق لكن انتوا اللي مش بتتكلموا ولا بتعترضوا.كلامى واضح جداً وما قلتش أبداً ان الواحدة يبقى زوجها في المنصورة وهي تشتغل في دمياط.أتمنى يكون قصدي وصل لك.وشكراً جزيلاً لمرورك.
-----

انا معاك يا دكتور بصراحة الواحدة المتجوزة عليها ضغوط و اعباء كتير جدا مش على العزباء ماشي حق كل واحد ياخد فرصته لكن لو واحدة من المنصورة متجوزة و جالها التكليف فى بلقاس مثلا مش هتروح و لو راحت هتتبهدل و تتمرمط اخر مرمطة ثم انك يا دكتورة جالك الدولى بدل الحميات افتكر الفرق مش شاسع للدرجة دى ثم ان حضرتك لما تتجوزى هيبقى من حقك النقل ساعتها لمكان قريب و ساعتها هتعرفي قيمة القانون ده لانك بالتاكيد هتاخدى مكان واحدة مش متجوزة مثلا
انا مقدرة شعورك و الله بس صدقينى الموضوع مينفعش يتبصله من جانب واحد لان لو كده يبقى المفروض الولاد يتساوا معانا و ساعتها ممكن واحدة تلاقي نفسها فى اسوان و زميلها فى السنبلاوين
ليا عودة مع خالص الشكر

أهلا يا دكتورةما قلتش اني ضد ان المتزوجة تاخد مكان قريب نفس الرد السابق هو ردي علي حضرتك.ما قلتش يودوها بلقاس لكن أبسط مبادئ العدل بتقول يكون فيه توازن واللي حصل ان المتزوجات بقى لهم امتيازات فوقنا بمعني انهم اتفتح لهم مستشفيات ما اتفحتش لنا أساساًو أبقي أنا كاتبة حاجة رغبة أولى يقوموا يفضلوا مجموع أقل لأنه يخص متزوجةلأ وألف لأ يا دكتورة ولو مقتنعة باللي بتقوليه يبقي لازم تراجعي نفسك المتزوجة ممكن تيجي في نفس البلد لكن مش ضروري تاخد أماكن معروف انها للأوائل وبس وبصراحة بسجل اعتراضي علي جملتك اللي ااستفزتني فعلاً ""مفيش فرق شاسع بين الدولي والحميات"وجملة لما تتجوزي هتحسي بقيمة القانون كمان أنا عارفة قيمته وما اعترضتش عليه اللي قلته انهم ييجوا في أماكن قريبة لكن للمرة التانية مش أماكن الأوائل ومش يزيدوا في الامتيازات علي الباقيين كمان.لما تتخرجي وتبقي زينا هتعرفي وهتحسي بالكلام ده كله.وعموماً شكراً جزيلاً لمشاركتك ونورتي الموضوع
-----

و عليكم السلام و رحمة الله وبركاته

انا طبعا مقدرش افيد حضرتك دكتورة أميـمة ، لكن اللي اعرفه ان التكليف بيتحدد بالتنسيق حسب الدرجات للكل
لكن القانون فيه exceptions للتنسيق ده لفئات معينة بتتحقق لهم الرغبة الأولي مباشرة ، منهم المتزوجة

بيتهيألي صعب اوي يتغير الوضع ده لان دي مواد في القانون و التشريعات الصيدلية

عموما ،، ربنا ييسرلك و يوفقك لما فيه الخيــر

خالص تحياتي و احتـرامي

أهلا يا دكتورة بونبونة منورة الموضوع أنا عارفة ان القانون بيعطى الحق للمتزوجة انها تيجي في مكان قريب بغض النظر عن المجموع تبعاً لقانون لم شمل الأسرة لكن للمرة التالتة بقول انهم ممكن ييجوا في اماكن قريبة من غير ما ياخدوا مكان الأوائل واللي حصل انهم جاروا علينا احنا وفتحوا 7 مستشفيات للي عاقدة قرانها مقابل 3 بس لنايعني بأى منطق ده؟صدقيني الموضوع مش انهم بيجمعوا شمل الأسرة الموضوع كان ممكن يتحقق فيه العدل اكتر من كده مع الاحتفاظ بالمتزوجات في اماكن قريبة لكن اللي حصل ظلم بين.شكرا لك مرة تانية
-----

طيب ماهو اللى مش متجوزه مسيرها هتتجوز يعني ..

وبعدين زي ما قال محمد الولاد كلهم بيترموا بره خالص لدرجة بتوصل انهم بيروحوا محافظات تانيه ..

افتكر حتى لما كنا في تدريب الطرشوبي .. خلوا البنات تختار المواعيد اللى هن عاوزينها .. والمواعيد اللى فضلت وزعوها على الولاد عشان كده مروحتش خالص

انا مش فاهم نظام التكليف أوى الحقيقه .. بس اللى فاهمه إن اللى ليه حق لازم ميسبوش ويتمسك بيه ..

أهلا ً يا محمدبصراحة احسن تخليك مش فاهمه لأننا كلنا مش فاهمين البلد دي ماشية ازاى لكن أرفع القبعة احتراماً لجملتك الأخيرة "اللي له حق لازم يستمسك به"وكويس اني لقيت حد ما بيهاجمش وبيتكلم بحياد.شكراً جزيلاً لمرورك.

[Dr/HULK]

يعنى ايه المطلوب مثلا

الواحد يتجوز فى المنصورة وزوجته تتكلف فى دمياط؟؟؟؟؟؟

وبعدين بقى اشمعنى بتتكلموا فى النقطة دى

ومحدش بيتكلم على الاولاد اللى بيترموا فى اخر الدنيا مهما كان تقديرهم وده عشان الاولوية للبنات؟؟؟؟؟؟

الموضوع كده ماشى صح

المتزوجة تكون قريبة من بيتها عشان تقدر توفق بين عملها وشغلها

والبنات يكون تكليفهم بردوا فى نفس المحافظة عشان هما بنات

والاولاد يروحوا السودان او يدخلوا تجنيد

[The Princess]

يعنى ايه المطلوب مثلا

الواحد يتجوز فى المنصورة وزوجته تتكلف فى دمياط؟؟؟؟؟؟

وبعدين بقى اشمعنى بتتكلموا فى النقطة دى

ومحدش بيتكلم على الاولاد اللى بيترموا فى اخر الدنيا مهما كان تقديرهم وده عشان الاولوية للبنات؟؟؟؟؟؟

الموضوع كده ماشى صح

المتزوجة تكون قريبة من بيتها عشان تقدر توفق بين عملها وشغلها

والبنات يكون تكليفهم بردوا فى نفس المحافظة عشان هما بنات

والاولاد يروحوا السودان او يدخلوا تجنيد

انا معاك يا دكتور بصراحة الواحدة المتجوزة عليها ضغوط و اعباء كتير جدا مش على العزباء ماشي حق كل واحد ياخد فرصته لكن لو واحدة من المنصورة متجوزة و جالها التكليف فى بلقاس مثلا مش هتروح و لو راحت هتتبهدل و تتمرمط اخر مرمطة ثم انك يا دكتورة جالك الدولى بدل الحميات افتكر الفرق مش شاسع للدرجة دى ثم ان حضرتك لما تتجوزى هيبقى من حقك النقل ساعتها لمكان قريب و ساعتها هتعرفي قيمة القانون ده لانك بالتاكيد هتاخدى مكان واحدة مش متجوزة مثلا
انا مقدرة شعورك و الله بس صدقينى الموضوع مينفعش يتبصله من جانب واحد لان لو كده يبقى المفروض الولاد يتساوا معانا و ساعتها ممكن واحدة تلاقي نفسها فى اسوان و زميلها فى السنبلاوين
ليا عودة مع خالص الشكر

[BoNbOoNa]

و عليكم السلام و رحمة الله وبركاته

انا طبعا مقدرش افيد حضرتك دكتورة أميـمة ، لكن اللي اعرفه ان التكليف بيتحدد بالتنسيق حسب الدرجات للكل
لكن القانون فيه exceptions للتنسيق ده لفئات معينة بتتحقق لهم الرغبة الأولي مباشرة ، منهم المتزوجة

بيتهيألي صعب اوي يتغير الوضع ده لان دي مواد في القانون و التشريعات الصيدلية

عموما ،، ربنا ييسرلك و يوفقك لما فيه الخيــر

خالص تحياتي و احتـرامي

[Mohamed Al Gohary]

طيب ماهو اللى مش متجوزه مسيرها هتتجوز يعني ..

وبعدين زي ما قال محمد الولاد كلهم بيترموا بره خالص لدرجة بتوصل انهم بيروحوا محافظات تانيه ..

افتكر حتى لما كنا في تدريب الطرشوبي .. خلوا البنات تختار المواعيد اللى هن عاوزينها .. والمواعيد اللى فضلت وزعوها على الولاد عشان كده مروحتش خالص

انا مش فاهم نظام التكليف أوى الحقيقه .. بس اللى فاهمه إن اللى ليه حق لازم ميسبوش ويتمسك بيه ..

[عامر إبراهيم]

أنا أكتر حاجة ضايقتنى توجيه السباب و الكلمات الخارجة عن الذوق للمتزوجات أو الأقل فى المجموع, وماقصدش حد معين.

وماينفعش نبص للموضوع إنى تعبت وجبت إمتياز, وواحدة تانية لعبت واتجوزت وعاشت حياتها وتتعين فى مكان أحسن منى.

أنا شخصيآ, مش مقتنع بموضوع التكليف ده سواء للبنات أو حتى الأولاد, علشان كده مش هتكلم فيه, بس ياريت مانوجهش كلام جارح لحد إحنا ممكن فى يوم من الأيام مكانه ... حد هيقولى أنا جايب إمتياز ومش ممكن أكون مكانه ... لو تزوجتى إن شاء الله ... هيتحتم على الإدارة تلبية رغبتك ونقلك للأقرب و الأنسب ليكى, ولو إنت طالع الأول فى سنة هاييجى سنة هيكون فيها حد غيرك الأول برده وهيقول عليك نفس كلامك اللى جرح غيرك.

شخصيآ, مش هوافق على موضوع التكليف لزوجتى لأنى شايفه مهانه مش أكتر, واللى عايز يشتغل يشتغل فى مكان محترم يقدره مش يهينه, زى ماحضرتك حاسه دلوقتى يادكتورة منهم.

ربنا يكرمك يارب وينصرك ويوفقك للشغل و المستفشى المناسبة لحضرتك.

[omima ramadan]

أنا أكتر حاجة ضايقتنى توجيه السباب و الكلمات الخارجة عن الذوق للمتزوجات أو الأقل فى المجموع, وماقصدش حد معين.

وماينفعش نبص للموضوع إنى تعبت وجبت إمتياز, وواحدة تانية لعبت واتجوزت وعاشت حياتها وتتعين فى مكان أحسن منى.

أنا شخصيآ, مش مقتنع بموضوع التكليف ده سواء للبنات أو حتى الأولاد, علشان كده مش هتكلم فيه, بس ياريت مانوجهش كلام جارح لحد إحنا ممكن فى يوم من الأيام مكانه ... حد هيقولى أنا جايب إمتياز ومش ممكن أكون مكانه ... لو تزوجتى إن شاء الله ... هيتحتم على الإدارة تلبية رغبتك ونقلك للأقرب و الأنسب ليكى, ولو إنت طالع الأول فى سنة هاييجى سنة هيكون فيها حد غيرك الأول برده وهيقول عليك نفس كلامك اللى جرح غيرك.

شخصيآ, مش هوافق على موضوع التكليف لزوجتى لأنى شايفه مهانه مش أكتر, واللى عايز يشتغل يشتغل فى مكان محترم يقدره مش يهينه, زى ماحضرتك حاسه دلوقتى يادكتورة منهم.

ربنا يكرمك يارب وينصرك ويوفقك للشغل و المستفشى المناسبة لحضرتك.

أهلاً يا د.عامربداية أنا لم أوجه السباب للمتزوجات ولا الكلمات الجارحة زي ما حضرتك تفضلت والمشاركة الأولي موجودة لسة وحضرتك هاتلي كلمة واحدة أنا أخطأت فيها.علي فكرة هم مش من الأعداء ومسيري هكون متزوجة في يوم ان شاء الله. لو تسمحلي بما انك من الرموز اللي بحترمها في العمل الطلابي بالكلية ...كلامك مش عادل يا د.عامر وراجعه تانى وهل هو ده العدل الي ربنا أمرنا به؟لكن هلخص اللي قلته في الردود السابقة:*أنا مش ضد ان المتزوجة تيجي في مكان قريب لبيتها.*ده ممكن يتحقق انها تكون داخل المنصورة مثلاً لكن مش بالضرورة واخدة أماكن معروف انها للأوئل وبس.*مش من العدل أبداً يتفتح للمتزوجات 7 مستشفيات والناس التانية كلها 3 مستشفيات بس يعني الحركة دي مفيهاش أي نوع من العدل ومتأكدة انها ما ترضيش ربنا بالعكس ده ظلم بينوهبصلها وهحسبها من منطلق التعب يا د.عامر مع الأخذ في الاعتبار برده ان المتزوجة تيجي في مكان قريب يعني لو هننظر للموضوع من الزاويتين هنلاقي ان الكفة مايلة باتجاه المتزوجات اللي احنا بنطالب به تبقي الكفة موزونةوبس مالكم كيف تحكمون؟!لما واحدة ترتيبها أكتر من 800 تاخد رغبة أولي لواحدة أعلي منها في المجموع وسهرت وتعبت يبقي ده حراممع انها ممكن تاخد مكان تاني في ادارة المنصورة برضه وهتبقي جنب بيتها .ما توقعتش أبداً الهجوم منكم يااما كلامي ما اتفهمش صح يا اما دي بقت سياسة دولة حاكم ومحكوم.لكن بص للموضوع لو كانت بنتك أو أختك أو انت شخصياً كان هيبقي وجهة نظرك كده برضه؟وللمرة المائة.........أنا مش ضد المتزوجة تيجي في مكان قريب وده ممكن يتحقق من غير ظلم للمجاميع الأعلي,وشكراً لمرورك ونورت الموضوع

[عامر إبراهيم]

انا قصدت أقول كلمة :

وماقصدش حد معين.

علشان الكلام اللى ضايقنى مش فى رد حضرتك يادكتورة.

وربنا يكرمك يارب مالوش داعى الكلام ده, وربنا يديم الإحترام المتبادل بين الجميع يارب

انا قلت إنى مش مقتنع أصلآ بنظام التكليف لوجود الأخطاء الكثيرة فيه, وماكنتش بدافع عنه لأنى مش واخد منه حاجة, ولا قلت إن هما صح.
وربنا يوفقك يارب لما فيه الخير, وماحدش يعرف الخير فين, ربنا معاكى يارب.