احنا مهمين .....بس مش حاسين

[NeScaFE]

السلام عليكم ورحمة الله و بركاته

******************

احنا مهمين بس فعلا مش حاسين......


وممكن نعمل حاجة بس مكسلين .....
او بمعنى اصح مطنشين........

وممكن من افكارنا تطلع حاجات جميلة ومفيدة...وقبل مالحاجات الحلوة فينا تنطفى(او هى انطفت اصلا) قررت اننا نفكر سوا...كشباب عشان بلدنا تبقى احسن......

والله ما مجرد كلام وياريت نتشارك

كل اسبوع باذن الله هنختار مشكلة...اوحاجة مضيقانا فى المجتمع...

بس ياريت مش مجرد سمع ...يعنى فعلا نبقى بنعانى منها....

وممكن اضرب مثل لمشكلة عندنا وهى ............الواسطة .........

ويبقى بينقل الكلام وبس.......

وكمان عايزين نناقش الموضوع من اسبابه.......وحلوله...وازاى احنا ممكن نساعد فى الحلول دى..........

ورجاء يكون كلام عملى مش كلام شعارات ومنقدرش نحققه.....


وانا هتكلم عن اول مشكلة وهى ......

ادمان الانترنت ....

عاوزة تفاعل مع الموضوع ........كله يشارك برايه ......

مستنية ردودكم ..


دمتم برعاية الله

[M.32L]

شكراا على الموضوع الجميل جداا دا كان نفسى افتحه من زمان بس الحيطان لها ودان

[chocolata]

شكرا ياريماس على فكرة الموضوع الجميله وانا سعيدة انى اكون اول مشاركه معاكى
بالنسبه لموضوع ادمان الانترنت انا شايفه ان فكرة ان الانترنت عالم مفتوح بيجيلك كل حاجه لغايه عندك هى اكتر حاجه شدت ناس كتير ليه بس ايه معنى ادمان الانترنت؟ هل هو الشات ولا القعدة طول اليوم تقريبا ادام المنتدى او مش شرط طول اليوم بس على الاقل كل يوم ندخل ؟
هل دا يعتبر ادمان فى رايك ؟رغم ان المنتدى موقع على النت مثمر وجميل جدا بس بيشدنا لدرجه اننا لما بنلاقى فيه اصلاحات بنحس اننا بنفتقد جزء مناا وبنزعل حقيقى لان لينا صداقات مواضيع وردود وتفاعل مع الاخرين من خلاله
كذلك حاجه زى الفيس بوك فكرته بتعتمد على تكوين حساب وازاى انك تخليه متطور ويجذب اكبر عدد من الاعضاء والفكرة دى الى حد ما مثيرةبس لما بتوسع اوى بتبقى ملهاش لازمه
انا رايى ان الادمان هو ان النت يبقى جزء من حياتنا رهيب يبقضى على اوقاتنا مع عيلتنا او اصحابنا او خروجنا.
فى ناس بتفضل انها تقعد على النت تشيت او تكتب حاجه او تتصفح عن الخروج وكانها بتقول انا هشوف الحياة من خلال النت طب ودى تبقى حياة ؟
فانا مع الاستفاده من الانترنت وانا منكرش انه افادنى شخصيا يكفى بجد انى قدرت اتوصل للمنتدى واوصل كتاباتى اللى كان نفسى حد غيرى يقراها
لكن مش هاقعد كل يوم فى البيت مخصوص على النت ولا هسمح انه يوصل لحد الادمان لدرجه انه يدمر نظرى وحياتى الاجتماعيه
اسفه على الاطاله وبشكر الاعلاميه ريماس على منحى المايك شويه صغننين

-----

ياخسارة راحت عليا اول مشاركه

[بسطامى]

موضوعك فعلا جميل
بس أنا كمان مش فاهمة يعنى إيه إدمان الإنترنت؟
أنا بقعد على الإنترنت بس ده فى الأجازة لأنى فى الدراسة مبيكونش عندى وقت أعمل حاجة
وأنا بقعد عليه فى الأجازة لأنى مش بلاقى حاجة أعملها والتليفزيون مليش مزاج ليه
وأنا مبحبش أروح عند حد
نادرا لما بزور حد
فاأنا عن نفسى أعتقد مش مدمنة نت
وطبعا إدمانه ده مشكلة
والحمد لله الواحد مش بيستخدمه استخدام سئ
بالعكس أنا بحاول أستفيد منه على قد ماأقدر
وكمان للأسف أنا شوية مش إجتماعية فبحب أقعد لوحدى
انا آسفة إنى طولت وإنى اتكلمت عن نفسى
بس ده هو الإنترنت بالنسبة لى
يعنى وقت فراغ وبس يعنى أجازة وبس ومش كل الأجازة لأنى بمل منه بسرعة

[Pharmcist_girl]

هو طبعا استخدام الانترنت معروف انه سلاح ذو حدين

لكن ادمان النت فى راى سلاح ذو حد واحد خاصه لو هيبعدنا عن العالم بتاعنا ويخلينا ننطوى وميكونش لينا علاقه بحد

لكن ده ميمنعش النت بجد اللى يشتغل عليه صح هيستفيد منه كتير اوى

وشكرا للموضوع اللى بجد فكرته حلوة

[yojeena]

ادمان الانترنت معناه انك تقعد علي النت اكتر من 6 ساعات يوميا
كمان لو حصل و ما قعدتيش ع النت لاي ظرف كان تحسي انك زعلانه و مكتئبه زي ما يكون ناقصك حاجه
و طبعا بالطريقه دي يبقي الشخص دا مدمن
و بينعكس ادمانه للنت علي مسار حياته و علاقاته مع الناس حتي اقرب الناس اليه
الشخص دا في النهايه بيبقي مدمر اجتماعيا .....عايش في عالم تاني غير العالم الواقعي .....فاصل نفسه عن الحياه
لان معني الحياه مش انك تتفرج عليها لكن تعيش فيها بكل تفاصيلها و يبقي ليك خبرتك من التجارب اللي خضتها بنفسك
كمان الصداقات اللي بيتخيلها اصلا ما ينفعش ان يكون صديقك حد عمرك ما شفته الصديق الحقيقي هوا اللي بتتفاعل معاه اللي بيكون جنبك في حزنك وفرحك
ممكن ان علاقه من علي النت تتحول لصداقه حقيقيه بس لو عرفت طريقها لعالم الواقع

عشان كدا لازم كل واحد حاسس ان النت بقي اساسي في حياته يحاول يقاوم احساسه دا
لازم يخلي ليه هدف ادام عنيه و يحاول انه يوصله
الفرااااااااااغ و دا من اهم اسباب ادمان النت
قتل الفراغ باي حاجه مفيده او ممارسه هوايه معينه
بشكرك يا ريماس علي فكرة الموضوع وكمان القضيه اللي طرحتيها خطيره لان النت سلاح ذو حدين
وفي عصرنا دا مع انتشار البطاله و فقدان الامل في التغيير بقي سلاح مرفوع علينا مش سلاح ماسكينه بادينا

[NeScaFE]

تمام كده يوجينا هو ده اللى انا قصدى عليه ......وانا مش بتكلم عن ادمان الانترنت لينا مش بخصنا احنا بس بالكلام لان احنا معظمنا بنقضى اكتر وقت قدام فارما بورد بس .لكن انا اقصد المجتمع كمان .
اخواتنا زمايلنا اصحابنا جيراننا الناس ..مهما مش كلهم بيعدو قدام فارما بورد يعنى ....
ادمان الانترنت هو ان الانسان يعد عليه اكتر من 38 ساعة اسبوعيا .ويظهر عليه حالة من الاكتئاب لو مقعدش عليه يوم ولا حاجة وده طبعا بياثر على سلوكه الاجتماعى .......علاقاته مع الاخرين .....سلوكه فى بيته مع اسرته
ده غير طبعا تاثيره البدنى .....يؤدى الى التعب والارهاق ...الخمول...التهاب العينين
ده غير المخاطر الناتجة عن الاشعاعات الصادرة من الدوائر الكهربية الالكترونية ......

اما بالنسبة لحلول المشكلة .....فانا بطلب منكم كل واحد يدخل يقول حلوله

واقتراحاته .......وياريت نطبق الكلام ده يا جماعة مش عاوزينه يبقى كلام بس

لو مكانش لينا .......يبقى اقل حاجة ننصح بيه اللى نعرفهم

مستنية ردودكم ....

[The promise]

الانترنت شىء مفيد جدا وانا راى ان الكمبيوتر ليس لة اهمية بدونة

[D.NOOR]

بجد موضوع مهم اوى
بس كتير مننا مش بيقعد على النت الوقت المتواصل دة كله يعنى شوية وشوية

[NeScaFE]

الكمبيوتر من غير انترنت طبعا مينفعش ......بس مش ده اللى بتكلم عنه

انا بتكلم عن ادمان الانترنت ذات نفسه.........كون ان احنا او غيرنا يعد عليه ساعات كتيرة متواصلة اسبوعيا ده بنسميه ادمان.......وطبعا ده له اضرار كتير .....زى ماقلت امثلة عليهم فوق
وياريت نعالج المشكلة دى............

اتفضلى دكتور نور ودام ويا دكاترة قدموا الحلول.............محدش لسة حل المشكلة .......