إقالة ميشيل .. المدرب : فعلت ما في وسعي ولا فائدة

[3aSseM]

أصدر مجلس إدارة نادي الزمالك قرار بإقالة الفرنسي هنري ميشيل من تدريب الفريق بعد خسارته على يد اتحاد الشرطة بهدفين نظيفين.
وقال عمرو الجنايني عضو مجلس إدارة الزمالك في تصريحات لـFilGoal.com إن علاقة الزمالك بميشيل انتهت وأن مجلس الإدارة سيجتمع مساء الأحد لتحديد البديل.
وقال الفرنسي هنري ميشيل المدير الفني لنادي الزمالك إن مشاكل الفريق مازالت دون حلول على الرغم من من محاولاته المستمرة مع اللاعبين لتطوير أداء الفريق.
وأضاف ميشيل في المؤتمر الصحفي عقب نهاية مباراة اتحاد الشرطة والتي انتهت بهزيمة الفريق بهدفين دون رد "نفس المشاكل التي تواجهنا في كل مباراة، نسيطر على مجريات اللعب وتتاح لنا العديد من الفرص ولكن نفشل في ترجمتها لأهداف".

* لازم مرتضى منصور يمسك الزمالك *

وحسام حسن في التدريب

[wh_kaboo]

بجد مش عارف الزمالك الى اين ؟؟؟؟؟
بس اكيد اللى بيعملوه ده مش صح كل شويه هزايم يقيلوا المدرب
ما يخلوا الحساب اخر الموسم وخلاص

[د///*مطحونة*\\\]

الله يكون فى عونكم
حاجة سيئة ان تيم يبقى مغير اكتر من مدرب
وخصوصا فى المرحلة دى من الدورى
لازم يبقى فيه تركيز بقا
ويختاروا مدرب صح ويثبتوا عليه لحد مايبنى تيم كويس
_________________________________
بس واضح انه كان ماشى

زوجته كانت قاعدة فى المدرجات
وكانت بتشجع اتحاد الشرطة يا جماعة
ولما سالوها
قالت اه انا عارفة انى بشجع الفريق المنافس
يعنى كدة كدة ميشيل كان جاب اخره مع الزمالك

[dr.noody]

المشكلة مش فى التدريب بس
الفريق عناصر الخبرة فيه اقل من عدد كف اليد الواحدة وكمان عنصر التوفيق مش موجود .. الواحد بيحس زى مايكون ربنا غضبان عليهم ولا ايه ! مش عارفة
بس اللى متاكدة منه ان النادى كله محتاج تغيير جذرى فى كل حاجة .. مش نصلح جدار ونسيب بقية البيت مخلخل وقايل للسقوط والمصيبة انه اذا وقع مش هايعرف يقوم تانى

[Messi]

[A H M E D]

جالكو حسام حسان اللي هيربيكوا بجد

[احمدلطفى]

انا اهلاوي بس انا برده بحب الزمالك
وانا شايف الحل في اللاعيبه لازم يبقا عندهم شخصيه في الملعب والاعلام اللي ملوش لازمه يسكت شويه وبلاش تأطيم

[ahmed helmy]

والله الزمالك لو جاب السير الكس فرجسون ومعاه لمبارد وجيرارد وايسيان وتوريس ودروجبا وفردناند وجون تيري واشلي كول ومايكون وبوفون
برضه مش هياخد بطوله لان في النادي الاهلي
وعلي فكره انا والله زعلان لحال الزمالك