مصري و لكن .. هذا قدري

[pharmacistina]

السلام عليكم ورحمة الله وبركاته

بعد التحية لكم , اخواني و أخواتي الكرام ..

دار ببالي موضوع - أتمنى ألا يكون مكرر - و أحببت أن أناقشه معكم ..

فجميعنا على نفس الحال , لنا نفس المشاكل , تقريبا نفس الأحلام ..


الى متى ؟؟

الى متى سنظل خارج بلادنا ؟؟
الى متى نظل نسافر نعمل لدى الناس ؟؟
الى متى نظل نعمر بلاد غيرنا بينما مصرنا تستغيث من هول ما أصابها من فقر و تصدع ..


ما الحل ؟؟

ماذا نفعل كشباب معاصر ؟

يريد أن يعيش حياة كريمة و يسعد ..
يتمنى أن يكون له أسرة ..
يتمنى لو يستثمر تعليمه في بلده و تكون له فرصة ..
يتمنى لو أن بلاده تريد أولادها ..
يتمنى لو أن بلاده تستطيع أن تعطيه , ثم يعطيها هو بلا حدود ..



و لكن من أين ؟؟!!

فكما نقول بلهجتنا المصرية الأصيلة ( العين بصيرة و الايد قصيرة )


أنا مصري ..

هل أصبح قدري و مصيري الذي يجب أن أقبل به هو أن أسافر , و أرحل ؟؟

أهرب من فقر بلادي و غلاء أسعارها ..
أهرب لأن الرواتب قليلة أقل بكثير مما أستحق ..
أهرب من البطالة ..
أو أهرب من الرشوى و الوسائط ..



اتضح لي أننا لا نعرف شيئا عن أحوال بلادنا ..
اكتشفت أني لا أعرف عن مصر غير ( مصر هي أمي نيلها هو دمي ) و ( بلادي بلادي بلادي لك حبي و فؤادي ) و ( الله أكبر بسم الله ) و بضع أفلام خلدت ذكرى نصر أكتوبر المجيد ..


لماذا لا ننزل الآن نتجول في مصرنا الحبيبة , لنرى مالم نكن نعرف ..

لنرى عجوزا يرجو الناس أن يشتروا منه المناديل مقابل ( جنيه ) , لنرى أطفال ينامون على الأرصفة بدون طعام , لنرى المرضى ينامون على الأرض في المستشفيات ولا يجدون الدواء , لنرى البعض الآخر يبحث في سلات القمامة ..

ولماذا لا نفتح أذنينا و نسمع عما يجري ..
نسمع عن تجارة الأعضاء البشرية فهذا المصري باع كليته لينفق على أسرته ..
و مشاكل العشوائيات الذين لا مأوى لهم ..


لك الله يا مصر ..

هل هذه هي بلادي التي طالما افتخرت بها و سأظل مهما حدث ؟؟



أين خير بلادي الذي قرأنا عنه في كتب التاريخ عندما كانت مصر أرض خصبة , و أين أعظم حضارة قامت على ضفاف النيل ؟؟!!


هل أنا السبب لأني مقصر ؟؟


ماذا أفعل اذا ؟؟


و ماذا عن مستقبلي ؟؟


هل سأسافر أيضا الى الغربة التي أصبحت قدرا ليس لي الا أن أرضى به ؟؟


أم هل سأبقى و أدفن بيدي أحلامي , و أرضى بأيسر اليسير ؟؟


و ماذا لو أهين المصري خارج بلاده ؟؟

هل يرضخ لأنه محتاج ؟؟

أم هل يأبى و يعود الى الهموم حاملا لواء الكرامة ؟؟




ألا تعرفون أن رواتب بعض الصيادلة الجدد في مصر 300 جنيه ؟؟



ماذا نفعل أو ماذا سنفعل هذا هو موضوع النقاش ..


شكرا لكم ..

[قناع الذهب]

جميل اوى كلامك يا منى ومظبوط ان مصر بلدنا وحبيبتنا واللى اتربينا واتعلمنا فيها بس .........
الناس هتعمل اية مش لازم الفقرا واللى مش لاقيين ياكلوا حتى الطبقات الكويسة علميا مش لاقيين فرصتهم معقول دا
انا قدامى شخصية متميزة جداااااااا واول ما اتعينت حست بجد ان ملهاش مكان فى البلد دى
كل واحد بيحاول يخلص من التانى ويبنى نفسة على حساب التانى باى طريقة ويكرة التانى فى الشغل حتى لو كان عندة بمقدار واحد على مية حب لشغلة دا ورغبة فى العطاء بس لو لقى تشجيع
مش هقوللك لو لقى تشجيع لو سابوة بس فى حاله يشتغل مع ان المكان مكان كويس جدا والمستويات المفروض انها مرموقة جدا يا منى بس الاخلاق عكس كدة خالص ومتتخيليش انها تطلع من ناس بالمستوى دا
وقيسى على دا بقة المستويات الاقل
كل واحد فى مصر بيبنى نفسة على حساب التانى عشان يطلع على كتافة باى شكل مفيش شك ان فية ناس كويسين بس يتعدوا على الصوابع
فاللى عايز يكبر ويحقق نفسة اكيييييييد .....
مش فى مصر
مع انى بحبها بس للاسف يمكن هيا اللى مش بتحبنا بقة ولا اية

[pharmacistina]

فاللى عايز يكبر ويحقق نفسة اكيييييييد .....
مش فى مصر
مع انى بحبها بس للاسف يمكن هيا اللى مش بتحبنا بقة ولا اية

للأسف ..

عندك حق تماما ..

اكتشفت كدة ..

يعني أصبح السفر دة حاجة ضرورية في 95 % من الحالات أو أكتر ..

لكن المشكلة ,

على رأي المثل ( من خرج من داره , اتقل مقداره )

فأصلا أوضاع المصريين بالخارج أيضا أصبحت مش أوي علشان بدأت الدول دي تحقق كفايتها من العمالة ..


و الآن ..


ما الحل ؟؟؟؟!!!!!


حد عنده حل أو خطة شايفها تكون كويسة لينا كشباب مصري ؟؟


دة طبعا مع علمنا جميعا بأن ( من يتوكل على الله فهو حسبه )

و لكن لابد للانسان أن يسعى ..


طيب أين يسعى الشباب المصري ؟؟ و كيف ؟؟


أشكرك جداااا على المشاركة الجميلة ..

و أتمنى أن يكون فرج الله لنا جميعا قريب ..

[Dr/HULK]

مصر هى امى




نيلها جوة دمى






شمسها فى سمارى





شكلها فى ملامحى





بلاش اكمل ...........

[pharmacistina]

طيب ايه الحل ؟؟

[Joker]

"ان ما اّل اليه حال بلادنا ليس وليد يوم او شهر او سنة
انما هو وليد عقود متتالية من تهميش الشعب وتأليه الحاكم"

أظن ان ده لسان حال ناس كتير في الوطن المصون
ولكن
بعيدا عن اللون الاسود
فلنجعل لأنفسنا خطا رماديا نسير عليه
الي ان نجد الخط الابيض
الوطن هو عبارة عن حاكم ومحكومين
والحاكم لا يعيش في الوطن وحده
وانما الشق الاكبر الذي يتحكم في خصائص الوطن هو المحكومين
الشعب
الشعب
اذا مالت سفينة الشعب الي اتجاه الفوضي والابتذال وكل ما نراه في ايامنا هذه
فإنها النهاية لا محالة
واذا مالت السفينة تجاه القيم الاصيلة والتطور البناء والتكنولوجيا المفيدة
فهنا البداية الصحيحة
بداية توقظ من جديد زمن عمر بن الخطاب وزمن صلاح الدين
ان اليأس هو الاّفة التي تصيبنا
لقد عاش أسلافنا في ظروف أقسي وأشد من ظروفنا
ولم ييأسوا!!!!!!!
كانت معركتهم مع المحتل
ونحن معركتنا مع الظروف القاسية
لقد ربحوا معركتهو ودفعوا الثمن الغالي من أجلنا
حتي نعيش في عزة من بعدهم
فهل نربح نحن معركتنا ؟؟؟؟؟

" إذا الشعب يوما أراد الحياة فلابد أن يستجيب القدر
ولا بد للظلم ان ينجــلـــي ولابد للقيد أن ينكسر "

القدر من عند الله لا يد لنا فيه
واستجابة القدر متوقفة علي استجابتنا نحن لمقدر الاقدار
والظلم من عند أنفسنا
وجلاء الظلم ايضا متوقف علينا نحن
ابدأ بنفسك
حارب الفساد بداخلك
ثم حاربه خارجك
حارب الكسل والتواكل والحقد والكراهية بداخلك
ثم اخرج بقلب نظيف للعالم من حولك لتحاول اصلاحه من الاصغر الي الاكبر
وعندها
سوف تجد ان القيد قد انكسر بغير رجعة
سوف نظل نحاول
فليس السابقون بأفضل منا

[same7]

اعتقد ان الحل فى المسئولين والاداره العليا للدوله لان انا كشاب اوغيرى لسه مبتدء ممكن ملاقيش الشغل اصلا اللى يمكنى اغير

انا مش بقول اننا ملناش دور لكن مش هيبقى فعال لو مجاش الدور من فوق من المسئولين

بدليل فى حاجات فى الكليه مبتتحلش والطلبه بتعمل مظاهرات ولا بيحصل حاجه ادى مثال عادى مع انهم لو سمعوا كلامهم مش هيحتاجوا لحاجه

وفى حاجه كمان اننا عايزين نسمع بعض ونفكر مع بعض ولهدف واحد هوه بلدنا

اكيد اللى سمع خطاب اوباما هنا قال ان سر صحمود امريكا هوه الهدف الوحيد ان كله بيشتغل عشان امريكا وفى بحث علمى والكلام ده

وسبب مهم هو الرجوع للدين
لان كل حاجه ماشيه بالوسطه دلوقتى من الكبيره للصغيره حتى التعليم فيه وسطه

وعايزين حبوب ضمير نرميها فى النيل عشان نفوق ونرجع تانى لانه مات واتحلل للاسف


وشكرا على الموضوع الجميل ده

[pharmacistina]

"ان ما اّل اليه حال بلادنا ليس وليد يوم او شهر او سنة
انما هو وليد عقود متتالية من تهميش الشعب وتأليه الحاكم"

أظن ان ده لسان حال ناس كتير في الوطن المصون
ولكن
بعيدا عن اللون الاسود
فلنجعل لأنفسنا خطا رماديا نسير عليه
الي ان نجد الخط الابيض
الوطن هو عبارة عن حاكم ومحكومين
والحاكم لا يعيش في الوطن وحده
وانما الشق الاكبر الذي يتحكم في خصائص الوطن هو المحكومين
الشعب
الشعب
اذا مالت سفينة الشعب الي اتجاه الفوضي والابتذال وكل ما نراه في ايامنا هذه
فإنها النهاية لا محالة
واذا مالت السفينة تجاه القيم الاصيلة والتطور البناء والتكنولوجيا المفيدة
فهنا البداية الصحيحة
بداية توقظ من جديد زمن عمر بن الخطاب وزمن صلاح الدين
ان اليأس هو الاّفة التي تصيبنا
لقد عاش أسلافنا في ظروف أقسي وأشد من ظروفنا
ولم ييأسوا!!!!!!!
كانت معركتهم مع المحتل
ونحن معركتنا مع الظروف القاسية
لقد ربحوا معركتهو ودفعوا الثمن الغالي من أجلنا
حتي نعيش في عزة من بعدهم
فهل نربح نحن معركتنا ؟؟؟؟؟

" إذا الشعب يوما أراد الحياة فلابد أن يستجيب القدر
ولا بد للظلم ان ينجــلـــي ولابد للقيد أن ينكسر "

القدر من عند الله لا يد لنا فيه
واستجابة القدر متوقفة علي استجابتنا نحن لمقدر الاقدار
والظلم من عند أنفسنا
وجلاء الظلم ايضا متوقف علينا نحن
ابدأ بنفسك
حارب الفساد بداخلك
ثم حاربه خارجك
حارب الكسل والتواكل والحقد والكراهية بداخلك
ثم اخرج بقلب نظيف للعالم من حولك لتحاول اصلاحه من الاصغر الي الاكبر
وعندها
سوف تجد ان القيد قد انكسر بغير رجعة
سوف نظل نحاول
فليس السابقون بأفضل منا

صحيح كلام حضرتك ..

لكني بحس ان المعركة دي طالت و هتطول , و النصر فيها لن يتحقق بسرعة ..

مصر في رأيي تحتاج الى عشرات السنين من العمل الجاد و ملايين من المصلحين الواعين لتحقيق النهضة ..

و دولة الفراعنة في مصر كانت عظيمة و حققت تقدم في كل المجالات زي ما احنا عارفين تقدمهم في الهندسة و في الكيمياء ( التحنيط ) و في الفنون من التحف اللي تركوها ..

يمكن لأن رغم الآلهة الكتير اللي عندهم الا ان كان الانسان منهم عنده ع الأقل حاجة بيقدسها و بيعمل من أجلها ..

لكن كتير مننا دلوقت عايش كدة للأسف ..

فأعتقد أكتر حاجة و الله تدفع لقدام هي ان تكون الطاقة المحركة ( طاعة ربنا )

شكرا على المشاركة ..
-----

اعتقد ان الحل فى المسئولين والاداره العليا للدوله لان انا كشاب اوغيرى لسه مبتدء ممكن ملاقيش الشغل اصلا اللى يمكنى اغير

انا مش بقول اننا ملناش دور لكن مش هيبقى فعال لو مجاش الدور من فوق من المسئولين

بدليل فى حاجات فى الكليه مبتتحلش والطلبه بتعمل مظاهرات ولا بيحصل حاجه ادى مثال عادى مع انهم لو سمعوا كلامهم مش هيحتاجوا لحاجه

وفى حاجه كمان اننا عايزين نسمع بعض ونفكر مع بعض ولهدف واحد هوه بلدنا

اكيد اللى سمع خطاب اوباما هنا قال ان سر صحمود امريكا هوه الهدف الوحيد ان كله بيشتغل عشان امريكا وفى بحث علمى والكلام ده

وسبب مهم هو الرجوع للدين
لان كل حاجه ماشيه بالوسطه دلوقتى من الكبيره للصغيره حتى التعليم فيه وسطه

وعايزين حبوب ضمير نرميها فى النيل عشان نفوق ونرجع تانى لانه مات واتحلل للاسف


وشكرا على الموضوع الجميل ده

أكيد دور المسئولين و القيادة كبير و أساسي ..

لكن طبعا قيادة مصلحة + شعب غير واعي مش هتحقق نهضة

و قيادة متخاذلة + شعب مصلح برده مش هتحقق نهضة ..

فالدورين متكاملين ..

و لو هنقول شعب واعي و مصلح يبقى لازم كلنا نكون مصلحين , مش واحد أو اتنين أو ألف ..

و لربما لو احنا انصلحنا كشعب دي تكون نواه اصلاح مصر عموما لأن القيادة المفروض انها أصلا من الشعب ,

أشكرك ع المشاركة ..
-----

السلام عليكم ورحمه الله وبركاته

قريت الموضوع واكيد بشكرك كتير على طرحه يامنى طبعا الحديث عن مصر واحوال مصر حديث يطول شرحه وكلام ملوش اول من اخر لكن لو حصرنا الكلام في نقطه السفر هقلك ايوه طبعا اللي يلاقي قدامه فرصه انه يسافر ان شاء الله لكوالا لمبور يسافر ويبعد عن هنا متعرفيش والله انا بقول كده وانا زعلانه قوي من جوايا لكن للاسف الواقع دلوقتي هو اللي بيفرض علينا كده هتقليلي من خرج من داره اتقل مقداره طب واللي ملوش مقدار في داره من الاساس ايوه هو احنا كده فعلا ملناش مقدار في مصر للاسف بلدنا هي اللي رخصتنا ونزلت قيمتنا قوي تصدقي بالله كان في واحد صاحب بابا كان في العراق ايام ماكنت انا لسه مولوده بيقوله العراقيين لما يعرفوا ان في مصري في الشارع كانوا بيقفوا علشان يبصوا عليه منبهرين بالانسان المصري وبعظمته لدرجه انهما بس كده عاوزين يقعدوا يبصوا عليه متخيلينه يعني شمشون الجبار ولا هركليز لو قارنا بقى الموقف دا بموقف حكتهولي واحده صاحبتي كانت عايشه في الخليج لما بنت معاها في المدرسه بتقولها انتم جايين عندنا ليه مش بتروحوا تتعلموا وتقعدوا في بلدكم ليه انتم هنا عايشين من خيرنا وطبعا لما البنت احتدت واتنرفزت عليها وقالتلها انتم اصلكم بدو وجهله قالتلها خلاص روحي بلدك وشوفي باباكي هيقبض كام...........................

هو دا ياستي اللي احنا وصلناله شوفي احنا مفيناش عيب بدليل ان الانسان المصري في اي مكان بيبقى رائد في مجاله ودايما بيتفوق على الاخرين كل اللي محتاجينه فرصه بس الناس تثبت نفسها فيها بعدل وبمساواه وبتقدير يعني مثلا تفتكري د/ احمد زويل لو كان هنا في مصر من يوم ما تخرج تفتكري كان هيوصل للي هو فيه النهارده كان هيبقى في حد هيعرفه من اساسه بالكتير قوي قوي يعني كان هيبقى دكتور في الجامعه

عندي كلام كتير قوي قوي لكن فصل الخطاب اني مؤمنه ان هنا في مواهب وطاقات جباره لكن للاسف هي طاقات لم تخلق لترى النور

دمتي ولكي خالص التحيه

عموما احنا كمصريين رايحين خارج بلادنا لأسباب مادية أكيد , و هروبا من مشاكل بلادنا ..
و الخليج بالذات تنهار دولهم بدون العمالة المصرية بشكل خاص ..

و على فكرة في أمير كويتي من آل صباح قال ( المصريين بيأخذوا فتات الموائد )

علشان بس نكون عارفين حقيقة الموقف ..

زمان كان الخليج محتاج للمصريين أوي , و كانوا بيتمنوا ان واحد مصري يسافر عندهم ..

دلوقت لأن العمالة كترت سواء مصريين أو غير مصريين , أصبحوا مستغنيين عننا ..

بدأت أحس ان الواحد أحسن له يفضل في بلده , أهو يتبهدل من أهله أحسن ما يتبهدل من الغريب ..

أشكرك ع المشاركة الجميلة و الواقعية , نورتي موضوعي ..

بلادي و ان جارت علي عزيزة

و أهلي وان ضنوا على كرام

[Joker]

صحيح كلام حضرتك ..

لكني بحس ان المعركة دي طالت و هتطول , و النصر فيها لن يتحقق بسرعة ..

مصر في رأيي تحتاج الى عشرات السنين من العمل الجاد و ملايين من المصلحين الواعين لتحقيق النهضة ..

أكيد طبعا ما حدث نتج تراكم ثقافة متعفنة لمدة تزيد علي ستين عاما

وما خلفته الحقبة الماضية من تجويف للانسان حتي اصبح مثل جهاز

الكمبيوتر بلا نظام تشغيل _ كما قال أحد أساتذتنا في الكلية_

كل هذا يحتاج الي وقت طويل جدا من أجل اصلاح ما أفسده الاخرون

الهدم يحتاج ليوم واحد اما البناء فيحتاج لعشرات الايام

وتحضرني ايضا كلمات استاذنا الفاضل الدكتور عطا الله حينما قال " لا

تتعجلوا ثمار عملكم " وأورد لنا مثال غزوة بدر حين كان المسلمون قلة

قليلة جدا ولم يكونوا يعلموا بما ستئول اليه الدولة الاسلامية من

اتساع , ولكنهم عملوا واحتسبوا الاجر عند الله


تقبلي مروري

[pharmacistina]

أكيد طبعا ما حدث نتج تراكم ثقافة متعفنة لمدة تزيد علي ستين عاما

وما خلفته الحقبة الماضية من تجويف للانسان حتي اصبح مثل جهاز

الكمبيوتر بلا نظام تشغيل _ كما قال أحد أساتذتنا في الكلية_

كل هذا يحتاج الي وقت طويل جدا من أجل اصلاح ما أفسده الاخرون

الهدم يحتاج ليوم واحد اما البناء فيحتاج لعشرات الايام

وتحضرني ايضا كلمات استاذنا الفاضل الدكتور عطا الله حينما قال " لا

تتعجلوا ثمار عملكم " وأورد لنا مثال غزوة بدر حين كان المسلمون قلة

قليلة جدا ولم يكونوا يعلموا بما ستئول اليه الدولة الاسلامية من

اتساع , ولكنهم عملوا واحتسبوا الاجر عند الله
تقبلي مروري

صحيح عملوا واحتسبوا الأجر عند الله ..

وهذا خير العمل ..

أنا كنت بفكر في مشكلة الشباب المعاصر , جميل انه يعمل و يحتسب و يحاول يبني البلد ..

لكن طبعا من حق الشباب انهم يحققوا أحلامهم أيضا ..

أجمل حاجة ان الواحد يلاقي تعبه في الآخرة طبعا و في الدنيا أيضا ..

مهما كان الانسان مثالي فهو انسان مش ملاك ..

فياااااارب اعطينا فرصنا جميعا و حقق لكل واحد اللي بيتمناه آمين ..

أشكرك على المشاركة ..