ليه الولاد بيفهمونا غلط؟

[SHYMAA]

بما انى كل ما افتكر اللى حصل ازعل قوى
قمت شربت عصير برتقال يمكن اهدى
وقلت لازم اقولكم عن اللى بيحصل ومضايقنى
زمان ايام جدى وجدكو كان البنات زى ما انتو عارفين طبعا..........
وسنه ورا سنه بدات النظره لينا تتغير يوم ورا يوم
والقرن الواحد والعشرين جه من زمان زى ما انتو عارفين.........
وبقت البنت زى الولد تمام فى كل حاجه ابسط مثال هوه اللبس اللى احنا بنشوف اد ايه هوه متشابه لكن ده مش موضوعنا دلوقتى
المهم بقينا من كل اللى بنشوفه مش بنتكلم
اتعودنا خلاص
لكن لسه فيه حاجه واحده ما اتغيرتش وهى
فهمنا الغلط لو لقينا واحده بتكلم واحد مع ان من الممكن ان العلاقه بينهم عاديه جدا
الاصعب بقى واللى انا عايزه اتكلم عنه
لو ان الولد ده هوه اللى فهمها غلط .ليه هوه عمل كده؟ياترى ممكن يكون ايه السبب؟
واللا هما بيتلككو وخلاص لما صدقو ان واحده عبرتهم
بعانى من الحكايه دى لان فيه ناس بتفهمنى غلط بس دى طبيعتى وبعدين
الطبع يغلب التطبع
عايزه رايكو فى الموضوع بجد هاتجنن

[احمد شبند]

ليه ميكنش انك فهمتى غلط انهم بيفهموا غلط

[yojeena]

احسن حاجه تتجنبيهم وتريحي نفسك
وعلي فكرة اي ولد ممكن يفهمك غلط لانك بتديله حق ما كنش اصلا من حقوقه فبيسرح بخياله ولازم في الاخر يفهمك غلط
وعلي فكرة مش هوا لوحده لاااااااااااا
دا حتي زميلاتك البنات و حتي الاولاد
انا عارفه انك مش بتكلميه في اي موضوع خارج لكن الناس مش واقفه معاكم عشان يعرفوا انك بريئه من اتهاماتهم
و انتي عارفه ان الناس ما لهاش الا الظاهر بس
و صدقيني يا شوشو لو بعدتي عنهم هتكسبي كتيييييييير
اولا نفسك واعتزازك بيها
تانيا دوري في البنات هتلاقي لالئ ما كنتيش واخده بالك منها
تالتا هتقي نفسك من سوء الظن بتاع الناس
رابعا احترام الجميع لارادتك القويه في التغلب علي الطبع ده
معلش حبيبتي جايز اتكلمت بحاجه تضاقك بس انا والله بنقلك وجهه نظري بصراحه في البنات اللي بشوفها تتكلم مع الولاد
وتقبلي مروري

[MaZeN]

لاء ... انا ضد الفهم الغلط
لأن البنت طول حياتها و على مدار حياتها هتحتك بانواع مختلفة من الولاد .. فلازم تتأقلم ع الكلام معاهم لأن ده شيء مش ممنوع بس الموضوع ده لازم يكون في حدود الزمالة مش عمال على بطال . حتة عمال على بطال دي هي اللي بتدي الفهم الغلط مش اكتر

[M_S_SH]

لاء ... انا ضد الفهم الغلط
لأن البنت طول حياتها و على مدار حياتها هتحتك بانواع مختلفة من الولاد .. فلازم تتأقلم ع الكلام معاهم لأن ده شيء مش ممنوع بس الموضوع ده لازم يكون في حدود الزمالة مش عمال على بطال . حتة عمال على بطال دي هي اللي بتدي الفهم الغلط مش اكتر

i'm with you dr mazen

[SmSm]

بصي يا شيماء أي علاقة لازم يكون ليها حدود محدش يتخطاها وأعتقد لو حافظتي ع الحدود دي عمر ما حد يقدر يفهمك غلط أو يضايقك في حاجة..
بس اللي عايزة أقولهولك ان مش بس الولاد لأ ده كمان في بنات هتعمل كده يعني مثلا بنت تقول شوفي فلانة ازاي بتتعامل وازاي بتتكلم وازاي واخدة على فلان وفلان.............. وكلا م مالوش آخر
صحيح زي ما قولتي الطبع يغلب التطبع بس لما يكون الطبع ده يكون هيتعبك في مجتمعك و ثقافته لازم تغيريه و هتلاقي نفسك بتحاولي تعملي كده عشان مش من السهل انك تغيري ثقافة مجتمع اتبنت من قرون وكمان صعب أوي تعيشي منعزلة عن الناس اللي حواليكي وتاخدي الرأي اللي يوافقك والتاني لأ
وزي ما قولتلك ف الأول لازم تحطي لنفسك حدود تجبر اللي قدامك ازاي يتعامل معاكي ومش أي حد تثقي فيه وتاخدي عليه..

[SHYMAA]

شكرا ليكى يا سلمى انتى ويوجينيا
وعلى فكره انا مش بزعل من النصيحه يا يوجينيا
مع انى عصبيه جدا
وكمان بشكر مازن على كلام العقل اللى بيقوله

[بيتر الحكيم]

مساء الخير يا دكاترة
انا حقولك حكاية كنت قريتها فى كتاب واتمنى ان مغزاها يوصل
كان فى شاب و شابة قاعدين فى مكتبة الجامعة (مش عندنا ) وعدى عليهم 3 اشخاص
الاول قال : اة طبعا هو دة التسيب اللى عاملاة الجامعة و الاختلاط اكيد بيعملوا حاجة مش ظريفة
التانى قال : اكيد دى اختة وبيكلمها فى حاجة
التالت قال : اكيد زميلتة و بياخد منها محاضرات


( طبعا الاتنين كانوا قاعدين بكل ادب واحترام فى مكتبة الكلية بتاعتهم )

اللى مكنش يعرفة حد بقا ان دى كانت زميلة لة و كان بيسألها حيعمل اية فى البحث اللى مطلوب منهم


اظن حضرتك شفتى الناس فكرت ازاى عمرنا ما حنعرف نقول للناس اسكتم علشان للاسف الناس اتعودت توجب وتنم على اى حد يلاقوة وخصوصا لو شاب و شابة واقفين تبقى هيصة بقا المهم اننا نراقب نفسنا ومادام انت متأكدة انك صح خلاص ملكيش دعوة بحد سيبى الناس تتكلم
never care about people judgement ....care about god judgement
انا اسف لو طولت عليكم واتمنى ان رأيى يكون وصل

[marooo]

بصى ياشوشو انا هاقولك حاجه واحده انرسولنا الكريم صلى الله عليه وسلم قال اتقوا الشبهات وما تلوميش حد بعد كده على اى حاجه يقولها وطالما ان الموضوع ده تعبك بلاش منه احسن واقولك على حاجه فى زمانا ده واللى انتى بتشوفيه فى الكليه يخلى الحجر يتكلم مش البنى ادم تقبلى مرورى

[طموح صيدلانيه]

شوشو ربنا يكرمك مواضيعك دايما بحس إنى فرحانه إنى برد عليها
بصى يا حبيبه
بصراحه ليه الولد بينظر للبنت النظره الغلط لو كلمته لإنه دايما الولد مهما كنا متقدمين بيحب يحس إنه بيتعب عشان يوصل للبنت فلما البنت تنزل من قصرها العالى وتكلمه مثلا بدون ضروره للكلام (ضروره يعنى مافيش بنت تانيه ممكن تفيدك وخلاص قفلت أدامك مافيش إلا ده )فهيه كده بتخليه يفكر في تصرفها ده من ناحيتين
أولا إما إنها مدلوقه عليه ويتجرى وراه وبتحبه وإلا فهيه ليه جايه تكلمه بدون أسباب كده (وده للأسف بسبب الإعلام اللى خلى حياه الشباب كلها حب و جعلهم ينسوا أمر ربنا بغض البصر) ونتيجه لتفكيره ده هيفهمها غلط حتى لو مش قصدها حاجه
ثانيا إنها متعوده على كده وبتكلم الولاد عادى لإنى ده إسلوبها زى ما بتكلمه بتكلم غيره وده الشاب مهما كان متقدم وفكره مافيش زيه بيحب يحس بالتميز وطيعا التميز لا يكون إلا للزوج ده الراجل المميز فى حياه البنت اللى عندها حياء
طب الحل إيه عشان ما يفهموناش غلط
1*نعرف إن فيه أمر من ربنا للمسلمات بغض البصر وكذا للمسلمين
ونفهم إن الأمر ده مش تضييق علينا ولكن حمايه لينا وخصوصا البنات قلوبهم من زجاج قد تفتنها نظره 2*أتجنب الإحتكاك بالشباب بدون أسباب لإن ده بيقلل الحيااااء وأحاول أعيد لنفسى حيائى وأستعين بالله فى الأمر ده لو كان صعب وكان فى طبعى
3*تذكرى إنه سيأتيكى زوجا مثلك فهل يرضيكى أن يكلم بنات غيرك طبعا لا والف لا (غيره قاتله) إذن لازم تكونى فى الصوره التى تحبى أن ترى فيها زوجك
4* أن نتخيل فى كل تصرف نفعله هل لو كان رسول الله الأن هنا يرانى كنت أحبه أن يرانى أقف مع هذا الشاب بالطبع لا فمابالى بأن الله الذى أضحك وابكى الذى أطمعنى وسقانى ويحب أن يرانى حيث أمرنى ويحب ألا يرانى حيث نهانى مابالى إن رأنى هو (هل سيرضى ربى حالى ؟)
5* البحث عن صحبه صالحه فهي لكى حمايه وعون بفضل الله
معلش صدعتك يا قمر بكلامى وعموما خلاص أنا كده خلصت
ربنا يكرمك ويجعل كل الشباب يراكى ملكه متوجه حتى يأتيك أفضلهم وأقدرهم على الفوز بقلبك