دعوة للنقاش

[HuSSeiN]

موضوع كنت عايز اعرف رأيكم فيه خاصة طلبة رابعة ...

المعيدين الجدد في الكلية ...

يعني المعيدين من الدفعة اللي قبلنا .. دايماً بلاحظ إن طلبة رابعة بالذات بياعملوا المعيدين الجدد بندية ..!!!

ايه السبب اللي بيدفع الطلية انهم يعملوا كدا كمان لو كان في واحد في سكشن مثلاً و مدبلر سنة و المعيد اللي عنده في السكشن دفعته بس بسبب السنه اللي عادها بقي معيد عليه ..

طيب هل للمعيد دور في كده .. ؟؟؟


يا ريت اعرف رأيكم ...

[ELANDALEEB]

هو فعلا موقف صعب على الطرفين سواء الطالب او المعيد
بس مش هقدر اقول حاااااااااااجة على كدة
سلاااااااااااااااااام

[Larine_Resala]

والله كل اللي أقدر أقوله ان لو فيه طالب مدبلر والمعيد اللي عليه في السكشن كان دفعته دا مش ذنب المعيد لكن على ما أعتقد انها احساس نفسي مش أكتر بمعنى ان الاتنين كانوا دفعة واحدة بس واحد اتخرج واتعين والتاني دبلر فالمدبلر بيحاول انه يهون الموضوع شوية فبيلجأ للندية في التعامل

ودة تفسيري الخاص والله أعلم

[dr queen]

هو فعلا احساس صعب جدا وبيتهيأ لى حصل كتير قبل كده ،

هو لازم بكون فيه احترام من الطالب للمعيد حتى لو كان أده ودفعته أو حتى أصغر منه ،

وكمان لازم يكون فيه احترام من المعيد وخصوصا لو كان الطالب ده زميله فعلا وله علاقه بيه من قبل كده

لمنع وجود أى حساسيات بينهم وده هيكون أفضل كتير ،

وأنا أعرف معيدين اتحطوا فى الوضع ده قبل كده وطلبه برده
وسبحان الله كانت علاقتهم مازالت كويسه جدا والاحترام ضل موجود بينهم ..

[ملكة الدموع]

الموضوع صعب فعلا انا عن نفسى بحس احساس غريب ناحية المعيدين الجدد بتوع السنه دى بالذات
لما تحس ان الفرق فى السن بينك وبينهم بسيط وهو ربنا اعطاه نعمة انه يكون استاذك حاجه صعبه برده
انا مقصدش من كده انى مش بحترمهم لا قدر الله بالعكس دى حاجه جميله جدا
بس برده صعبه وعاوزه وقت لحد ما تتقبلها .....

[monosh]

شكرا د\ حسين على تطرقك للفكرة و الموضوع المتميز ده.....

-أنا شايفة ان الوضع ده ممكن الطالب يستغله بشكل أفضل من كده وهو انه يتقرب من المعيد .

وخصوصا لو كانت بينهم زمالة طيبة وعلاقات كويسة قبل كده ،كونه يتقرب منه ويحاول يستفيد من خبرته

هيكون أحسن من أنه يرفع كل التكاليف ويعامله بطريقة مش ظريفة.

لأنه بغض النظر انه كان زميله فى يوم من الأيام ولا لأ فهو فى الوقت الحالى معيد...(بصفة رسمية)

يستحق منه كل احترام وتقدير....ومجهوده وعلمه بعد كرم ربنا طبعا هو اللى وصله لكده.


أما المعيد فعليه انه يعامل ربنا فى الناس اللى معاه فى المعمل وتكون علاقته بيهم حسنة وطيبة..

وكفاية الدعوات الطيبة اللى هتكون من نصيبه ...ان شاء الله.


وربنا يوفق الجميع ...

[khokha]

شكرا د\ حسين على تطرقك للفكرة و الموضوع المتميز ده.....

-أنا شايفة ان الوضع ده ممكن الطالب يستغله بشكل أفضل من كده وهو انه يتقرب من المعيد .

وخصوصا لو كانت بينهم زمالة طيبة وعلاقات كويسة قبل كده ،كونه يتقرب منه ويحاول يستفيد من خبرته

هيكون أحسن من أنه يرفع كل التكاليف ويعامله بطريقة مش ظريفة.

لأنه بغض النظر انه كان زميله فى يوم من الأيام ولا لأ فهو فى الوقت الحالى معيد...(بصفة رسمية)

يستحق منه كل احترام وتقدير....ومجهوده وعلمه بعد كرم ربنا طبعا هو اللى وصله لكده.

أما المعيد فعليه انه يعامل ربنا فى الناس اللى معاه فى المعمل وتكون علاقته بيهم حسنة وطيبة..

وكفاية الدعوات الطيبة اللى هتكون من نصيبه ...ان شاء الله.

وربنا يوفق الجميع ...

انا رايي من رايك والله
فعلا لو طالب زكي هيعمل كده وبعدين الطلاب دول عندهم غرور ايه المشكله يعني
اعتقد مش فيها حاجه ده علم واحنا طلبه علم مفيش مشكله لو طلبنا حتي من شخص اصغر مننا مدام غاويين وبعدين المعيد له مكانته برضه مش اي حد يعني اعتقد اللي هم كده مش غاويين اصلا ومستهترين

شكرااااااااااااااا