ليل حاااااااالم ؟!

[Come back]

في ليل حالم كنور عيناك


سبحت في فيض بحر هواك


أراقب نجمة تجول بخاطري


أضاءت قلبي و روحي و ناظري


و كانت اليّ هدي على الطريق


و كانت تنادي و تشدو كشادي


يذيب بصوته نجوم السماء ....


فكانت اليّ أجمل رفيق ...


بإحساس ناد و قلب رقيق


*****


و من يومها عشقت نجمتي


و صرت أراقب سنا ضيها


و أعشق فيها صفا قلبها


و بسمة تفتح لأجلها الورود


و عين تنادي قلبي . ودادي


تزيل القيود و تمحو السدود


فتشرق سمائي بقلب ودود


و يعلو غنائي و يملأ فضائي


أعشق قلبها .. و عن حبها


سأبقي أزود ....


***************

written by dr_magdi 8/4/2009
يا رب تعجبكم .....................
مستني بقا أكبر عدد من المشاركات بالذات فى القصيدة دي

[Dr Deya]

في ليل حالم كنور عيناك

عيناك هنا مضاف اليه وبالتالي تكون عينيك


وكعادتك لا وزن ولا قافيه ومن الظاهر انك من انصار الشعر المرسل ؟!!

تمحو السدود

السد يهدم وليس يمحى

كانت اليّ

كانت تنادي

فكانت اليّ

وللاسف التكرار

[chocolata]

القصيده كالعاده على مستوى الاحساس والعاطفه جميله جدا لكن انا بتفق مع د.ضيا فى جزء التكرار اما موضوع الاعراب والوضع على اساسه فانا شايفه انه خطا يمكن اصلاحه بس دا اثناء الكتابه للقصيدة والتعبيرات مهما كانت مش واقعيه فدا طبيعى لانه شعر خيال وعمق واتجاه رومانسى يعنى مش مشكله انى استخدم تمحى او تزيل او تهدم او غيرها المهم توصيل معناها تسلم ايديك ومستنيين منك كل جديد

[Alaa_Resala]

حلوة يا دكتور كتير
استمر ومنتظرين المزيد

[ELANDALEEB]

و كانت اليّ هدي على الطريق

هدى على الطريق
هدى مين ......؟؟؟؟؟

و كانت تنادي و تشدو كشادي

وشادى كمان كان موجود
اكيد بيستنى هدى

*****
و عين تنادي قلبي . ودادي

هو شادى وهدى كانو عاوزين دادى فيه ايه
والا محرم بينهم
وكمان مش دادى ده اللى كتب القصيدة

***************
مستني بقا أكبر عدد من المشاركات بالذات فى القصيدة دي

دلوقتى احب اقول
ان ماينفعش شادى يقابل هدى وجايب صاحبه دادى معاه

او حتى شايفه من بعيد وينادى عليه

الذوق والبروتوكووووول بيقولوا كدة

وكمان شادى وهدى يخرجو بالليل ده غلط لازم يستأذنو حد كبير


بس القصة جميلة يادادى

مش دى قصة برده

مع خالص تحياتى

العندليب

[SHYMAA]

حلوه يامجدى مع وجود بعض الملاحظات زى ما قال ضياء

[Nayroz]

عيناك هنا مضاف اليه وبالتالي تكون عينيك


وكعادتك لا وزن ولا قافيه ومن الظاهر انك من انصار الشعر المرسل ؟!!



السد يهدم وليس يمحى







وللاسف التكرار

بالضبط كدة انا كنت عايزة اقول كدة بردوا هى دى ملاحظاتى انا كمان .........وفى حاجة كمان انا ملاحظاها حضرتك علاقتك قوية اوى بالسماء والنجوم .....شكلك كدة يا دكتور بتحبهم اوى زيى كدة بالضبط بس كدة تقريبا بتذكرهم فى كل او معظم قصائد حضرتك ......دى يعنى ملاحظة بسيطة حبيت الفت نظر حضرتك ليها .......اما بالنسبة للموضوع بشكل عام فهو جيد جدا الى حد بعيد ........تسلم يا دكتور على القصيدة ومستنين اكتر واكتر ويا ريت ما تزعلش من رايى ..........سلاموز بقى.....اه صحيح كنت هنسى ليه القصيدة دى بالذات اللى مستنى فيها اكبر عدد من الاراء والمشاركات ........معلش يا دكتور بقى فضول ..........وسلاموز2

[Come back]

انا حينما أقرأ اشعار الأخرين اشعر انهم قد انتهوا و انا ما زلت مبتديء
لا أعرف ان خضت اليكم بحر الشكر هل انهيه ام ان بحر الشكر منفتح
ميرسي يا جماعة كتييييييييييير