هل ممكن تصارح حد بعيوبه وجها لوجه؟؟؟

[yojeena]

بسم الله الرحمن الرحيم

السلام عليكم ورحمة الله وبركاته

كل إنسان وإن امتدت به الحياة بشتى مجالاتها لا بد وإن تحاصره عيوب وهو لا يعلم بها ...
ناتجة عن ممارسة الحياة مع المجتمع التي تختلق تلك العيوب بسوء في تصرف أو طبعا ً مشين
أو إخفاقا ً في التدابير العقليه سوء كانت مع الأهل أو الزملاء أو الأصدقاء أو حتى أفراد المجتمع الخارج
عن نطاق القرابة أو المعارف ... وبما أن العيوب ترد لا بد من وجود من يحسبها لنا ... لا كن للأسف أننا جعلنا
لأنفسنا قالبا ً يحول بيننا و بين كل من ينتقد عيوبنا ... وقد ترجم هذا الانتقاد إلى أهانه و تجريح في المشاعر ... هذا واقع البعض ...


والبعض الآخر يجعل من بعد عيوبه أصلاحا بسبب ما يرما أليه من قبل المجتمع من نقد الذي يعود
إلى مدى تقبله برحابه و سرور كما قال عمر بن الخطاب رضي الله عنه : ( رحم الله امرأ أهدى إلي عيوبي ) ...


طرق لتخلص من العيوب أن وجد من يرشدنا إليها :

الصدق مع النفس .. أول مفتاح النجاح ، وأوسع الأبواب للتخلص من عيوبها ...

العزم على إصلاح النفس ومعالجة العيب .. والبدء بالسعي إليه .. بل لابد أن يصبح
ذلك الأمر شيء ً يؤمن به ، و الشعور بالحاجة الملحة إلى الإصلاح لتغيير مجرى الحياة لملامسة النجاح
ومحبة الناس ... وتعزيز قوى الإرادة ...

الرجوع إلى الله والتوسل إلية ... بأن لا تكلني إلى نفسي طرفة عين ...


أسئلة ... لنقاش ... جاوب إن أمكن ...


هل تتجنب مصارحة الأشخاص بعيوبهم ؟

ما هي حدود مدى الرضا على المصارحة بعيوبك ؟

شارك بسبب واحد أن وجد لتخلص من العيوب .

مستنيه اعرف ارائكم في الموضوع ده
لانه حيوي جدا واكيد بنتعرض ليه كتير

[Ri7ana]

اقدر اواجه اصحابي واقولهم علي عيوبهم بالعكس لازم اعمل كدا علشان بحبهم وهم عارفين ده كويس فهيتقبلو كلامى بصدر رحب..بس مش بحاول انقد حد اوى علشان انا كمان عندى عيوب فبحاول اصلحها واحدة واحدة
كمان انا اتعلمت اواجه نفسي كويس ..لو حد قاللي علي عيب او انا لاحظت تصرف في موقف براجع نفسي بعدها ولو حصل الموقف تانى بتصرف احسن بس عمرى ما اتضايق لما حد من اصحابي يعلق علي عيب معين ...فعلا بحاول اغيره
لو لاحظنا اى عيب في نفسنا نقدر نغيره وبجد هنحس بفرق كبير اوى بين نفسنا وبين الناس
(لو كنت طولت في الكلام قولليلي ) اكيد مش هتضايق... زى ما اتفقنا
بس شكرا علي الموضوع بجد عجبنى اوى
وياريت نستفيد منه كلنا

[ملكة الدموع]

هل تتجنب مصارحة الأشخاص بعيوبهم ؟

مش بتجنب بس فى ناس مينفعش تتكلمى معاهم فى عيوبهم لانهم مش بيتقبلوا النقض وهتلاقيه بدل ما بيسالك طيب اعمل ايه من وجهة نظرك عشان اتغير للاحسن .... او بدل ما يحاول من نفسه يتغير .... لاء بالعكس هتلاقيه بيهاجمك..

ممكن اختصر وقول فعلا انى عامة بتجنب مصارحة الناس بعيوبهم

ما هي حدود مدى الرضا على المصارحة بعيوبك ؟

اديها يعنى نسبه؟؟؟
يعنى حوالى 70 فى الميه
لانى بتقبل جدا ان حد ينتقدنى ويقولى على عيوبى
ده بالنسبه لل70 فى الميه اللى قلت عليها

لكن 30 فى الميه الباقين
مقدرش اسامح نفسى لو انتقدونى ... او بمعنى اصح مش هتقبل منهم والناس دى اللى كتير جدا ان مكانش الكل مجمع على انهم غلط فى الاساس
يعنى مثلا تلاقى حد جاى ينتقدك على حاجه معينه ولنفترض اللبس مثلا وهى تكون اصلا اوفر جدا فى لبسها
لقوله تعالى.. (( اتأمرون الناس بالبر وتنسون انفسكم وانتم تتلون الكتاب أفلا تعقلون))صدق الله العظيم

شارك بسبب واحد أن وجد لتخلص من العيوب .
انا مش فاهمه السؤال الصراحه...
ياريت بس توضحيلى...


وشكرا على الموضوع الجميل ده بجد موضوع مهم جدا...

[Dr nour]

موضوع حيوى فعلا يوجينا وكلنا بنتعرض ليه
أولا لازم نكون واضحين ونتفق ان كلنا بنحب نسمع كلمات الاطراء لان خطبها على الأذن جميل وتأثيرها فى النفس أجمل
واكيد الوضع بيختلف لو اتعكس الوضع وسمعنا كلمات نقد بغض النظر عن الأسلوب وان كانت صحيحه ام لا
لذلك وبصراحه انا بكون حذره جدا وانا بصارح أى شخص بعيوبه ودا لو كان شخص معرفتى بيه معرفه سطحيه وبنتقى الأسلوب والكلمات اللى بصارحه بيها بعيوبه ودا فى حاله لو طلب منى انى اقول رأيى أو انى فعلا وصلت لدرجه معرفتش امنع نفسى فيها من الكلام
أما بالنسبه لصديقاتى فلازم انى اصارحهم بعيوبهم سواء طلب منى ذلك أم لا لأن دا من واجباتى اتجاههم بل بالعكس ساعات بختار الأسلوب القاسى لو كان فعلا الموقف يستدعى تدخل سريع وان الشخص دا مش هيفوق الا بالاسلوب دا
____________________

ما هي حدود مدى الرضا على المصارحة بعيوبك ؟

بصراحه دا بيتوقف على الأسلوب ومدى قرب الشخص اللى بيصارحنى بعيوبى منى
انا بحب المصارحه وببقى سعيده جدا لو حد جالى وقالى انا شايف العيوب دى فيكى بحترم الشخص دا وخصوصا لو كان الاسلوب اللى اختاره مش جارح بس بصراحه بحس انى متضايقه من نفسى قوى وبحاول اصلح العيب دا لو امكن وكنت فعلا مقتنعه انه عيب فيا
لكن الحاله الوحيده اللى مش بقبل فيها ان حد يصارحنى بعيب لو كنت فعلا مش شايفه ان دا عيب بل بالعكس دا شئ يميزنى أو ان الشخص دا دائم المهاجمه والنقد ليا وبيحسسنى اننا داخلين معركه بقى
_____________________
وشكرا يوجينا على طرحك للموضوع الحيوى دا

[same7]

أسئلة ... لنقاش ... جاوب إن أمكن ...


هل تتجنب مصارحة الأشخاص بعيوبهم ؟

بصراحه غصب عنى لان فى ناس بتقولى لا هيزعلوا والكلام اللى انا مش مقتنع بيه
وبحاول انى افتح مع الشخص اللى انا عايز اصارحه بعيوبه الموضوع عادى
ولو لقيته متقبل بقوله على الموضوع
لكن لو لقيته مش متقبل بصراحه مبقولش حاجه وبضطر ابعد عنه لانى بعتبر نفسى منافق لو عاملت واحد وانا من جوايا مش قابله

ما هي حدود مدى الرضا على المصارحة بعيوبك ؟
الى ابعد مدى

شارك بسبب واحد أن وجد لتخلص من العيوب .
لو تقصدى عيوبى انا
يبقى
عشان ارضى الناس اللى حواليا وارضى ابى وامى واهلى وبكده اكون رضيت ربنا
وخليت الناس تحبنى وبرضه اكسب حب ربنا ليا

شكرا يا دكتوره بجد موضوع جامد زى ما عودتينا

[SmSm]

أسئلة ... لنقاش ... جاوب إن أمكن ...


هل تتجنب مصارحة الأشخاص بعيوبهم ؟
لأ خالص بس لو مش بينا علاقة تسمح بكده بحاول ان الكلام بينا يكون بيمس العيب ده وبكده أقدر ألفت نظرها للعيب ده بس عن طريق المناقشة ..
ما هي حدود مدى الرضا على المصارحة بعيوبك ؟
بتقبل المصارحة بعيوبي جدا بس المشكلة اني بزعل أوييييييييييييييييي من نفسي لأني غالبا مش ببقى واخده بالي من العيب ده واللي طبعا ممكن يزعل حد مني بس في ناس بتفتكرني زعلت من المصارحة دي مع اني بالعكس.. بس في ناس عزيزة عليا أوي مقدرش على زعلهم..

شارك بسبب واحد أن وجد لتخلص من العيوب .
الرضا عن نفسي
لأن ربنا جعل الانسان لا يرضى عن نفسه الا أن يرض الله عنه
شكرا ليكي كتيييييير يوجينا
موضوع حيوي جدا

[Dr/HULK]

أسئلة ... لنقاش ... جاوب إن أمكن ...

عاجبانى اوى الكلمة دى بتفكرنى بامتحانات الثانوى

هل تتجنب

مصارحة الأشخاص بعيوبهم ؟

لو شخص فى سنى او اصغر بقوله على عيوبه
من غير اى حسابات
اما لو حد اكبر منى
فبنتظر اى موقف يمكنى من انى اقوله على عيوبه
ولو متواجدش موقف مبقدرش اقوله عليها
احتراما ليه

ما هي حدود مدى الرضا على المصارحة بعيوبك ؟

عادى بخودها بكل سهولة ويمكن كمان باستهتار
ودى فعلا عيب عندى مش عارف اتخلص منه

شارك بسبب واحد أن وجد لتخلص من العيوب .

صعب التخلص من العيوب
حيث ان سعى الشخص للكمال فى حد ذاته عيب

[* Esraa_resala *]

هل تتجنب مصارحة الأشخاص بعيوبهم ؟

بصراحه لما حد بيطلب منى رايي فى نفسه وعيوبه ومميزاته ساعتها بوجهها للعيوب الى عندها بس طبعا ببدء بامميزات الى فيها وبعدين العيوب

ما هي حدود مدى الرضا على المصارحة بعيوبك ؟

انا الحمد الله بتقبل جدا حد ينبهنى لعيوبى وبالعكس بطلب كده دايما من اصحابى بس الاهم ازاى نحاول

نقلل العيوب ومانستسلمش لاى عيب عندنا

شارك بسبب واحد أن وجد لتخلص من العيوب .

اهم سبب رضا ربنا بعد كده اكيد راحه النفس مافيش انسان بيبقي مرتاح وحاسس ان فيه عيب مضايق

الناس او مأثر على حياته

وشكرا يادكتوره موضوع مهم وجميل جداااا

[yojeena]

اقدر اواجه اصحابي واقولهم علي عيوبهم بالعكس لازم اعمل كدا علشان بحبهم وهم عارفين ده كويس فهيتقبلو كلامى بصدر رحب..بس مش بحاول انقد حد اوى علشان انا كمان عندى عيوب فبحاول اصلحها واحدة واحدة
كمان انا اتعلمت اواجه نفسي كويس ..لو حد قاللي علي عيب او انا لاحظت تصرف في موقف براجع نفسي بعدها ولو حصل الموقف تانى بتصرف احسن بس عمرى ما اتضايق لما حد من اصحابي يعلق علي عيب معين ...فعلا بحاول اغيره
لو لاحظنا اى عيب في نفسنا نقدر نغيره وبجد هنحس بفرق كبير اوى بين نفسنا وبين الناس
(لو كنت طولت في الكلام قولليلي ) اكيد مش هتضايق... زى ما اتفقنا
بس شكرا علي الموضوع بجد عجبنى اوى
وياريت نستفيد منه كلنا

ميرسي يا ريحانه وبما ان صدرك رحب ,,, ايوه طولتي
هههههه
والله انا بضحك معاكي
وانتي اختصيتي من الناس اصدقائك فاكيد لو صارحتيهم مش هيزعلوا منك ,,,,,,, بس برده متقليش عليهم اوي والا هيحصل ما لا يحمد عقباه
ويا ريت كلنا نبقي زيك ونتقبل الانتقاد اللي بيتوجه لينا بحسن نيه
و عطرتي الموضوع يا ريحانه

[yojeena]

هل تتجنب مصارحة الأشخاص بعيوبهم ؟

مش بتجنب بس فى ناس مينفعش تتكلمى معاهم فى عيوبهم لانهم مش بيتقبلوا النقض وهتلاقيه بدل ما بيسالك طيب اعمل ايه من وجهة نظرك عشان اتغير للاحسن .... او بدل ما يحاول من نفسه يتغير .... لاء بالعكس هتلاقيه بيهاجمك..

ممكن اختصر وقول فعلا انى عامة بتجنب مصارحة الناس بعيوبهم

ما هي حدود مدى الرضا على المصارحة بعيوبك ؟

اديها يعنى نسبه؟؟؟
يعنى حوالى 70 فى الميه
لانى بتقبل جدا ان حد ينتقدنى ويقولى على عيوبى
ده بالنسبه لل70 فى الميه اللى قلت عليها

لكن 30 فى الميه الباقين
مقدرش اسامح نفسى لو انتقدونى ... او بمعنى اصح مش هتقبل منهم والناس دى اللى كتير جدا ان مكانش الكل مجمع على انهم غلط فى الاساس
يعنى مثلا تلاقى حد جاى ينتقدك على حاجه معينه ولنفترض اللبس مثلا وهى تكون اصلا اوفر جدا فى لبسها
لقوله تعالى.. (( اتأمرون الناس بالبر وتنسون انفسكم وانتم تتلون الكتاب أفلا تعقلون))صدق الله العظيم

شارك بسبب واحد أن وجد لتخلص من العيوب .
انا مش فاهمه السؤال الصراحه...
ياريت بس توضحيلى...


وشكرا على الموضوع الجميل ده بجد موضوع مهم جدا...

منورة يا ملكه رايك فعلا انا مياله ليه عن نفسي
انا فعلا في ناس مش بقدر اصارحهم بعيوبهم لكن انا بطبعي صريحه لما بشوف حاجه مضيقاني لازم اقول ,,,,,,,لكن بتفرق اووووووي من اسلوب للتاني يعني ضروري ان الواحد وهوا بيصارح حد بعيب فيه ما يخربطش في الكلام ويقول اللي نفسه فيه بس باسلوب كويس ما يجرحش اللي قدامه
و علي فكرة انا اقصد من السؤال انه لو يعني فيكي عيب نفرض مثلا انه الغيرة بتعملي ايه عشان تحاولي تتخلصي منه
و ميرسي لردك يا جميل