اين تذهب عندما تبكى؟

[battota webas]

كل سنه وانتوا طيبين ده اول موضوع ليا فى المنتدى ويارب اكون خفيفه عليكم ودمى مش تقيل ندخل فى الموضوع تخيل نفسك مخنوق ..متدايق .. عامل حاجه غلط ومش قادر تواجه حد ..زعلان ومجروح اوى من حد ..ياترى هتعمل ايه ؟نفسك تعيط بس خايف لان بعضنا بيشوف الدموع ضعف ؟ مش عاوز حد يشوف دموعك ولا عادى انك تعيط قدام اى حد يا ترى
اين تذهب عندما تبكى؟ فيمن تفكر ليخفف عنك؟

[dr_chamommile]

اهلا بيكي في المنتدي يا بطوطة

موضوعك جميل

بصراحة بفضل اني اقعد في اوضتي لوحدي ومبحبش حد يشاركني دموعي لما اكون زعلانة وبفضل كده

ويارب ميكونش فيه اي حاجة تزعل ولا دموع خالص

شكرا دكتورة بطوطة علي موضوعك ومنتظرين المزيد
وجزاكم الله خيرا

[dr queen]

نورتــــــــــــــــــــى المنتـــــــــــــدى يا دكتــــــــورة ..

انا عن نفسى لما بتخنق واكون متضايقه بحب اروح انام على سريرى ،
هو اكيد مش هنام بس بقعد اعيط لحد ما انام فى الاخر ..

واحيانا بحب اكلم حد من صحابى الاعزاء قـــــــــوى افك عن نفسى معاه ..

ولو كانت خنقتى دى من حد بقعد اعيط شويه على السرير وبعدين
اقوم اعاتبه طبعا ومش اشيل جوايا احسن يحصل لى حاجة .. لا قدر الله.


شكرا يا دكتورة ع الموضوع .. واحنا فى انتظار المزيد منك ان شاء الله .

[doctordoaa]

الموضوع جميل يا دكتورة شكرا , أكيد هقعدفى مكان لوحدى وبفكر إنى أهدى نفسى بقراءة القرأن

[محمد السيد]

موضوع جميل شكرا يادكتوره بالنسبه للبكاء الانسان عاده يحب البكاء منفردا هذا اعتقادي

[wh_kaboo]

موضوع جميل شكرا يادكتوره
بالنسبه للبكاء انا افضل ان اكون لوحدى فى اى مكان

[loyalty]

منورة بطوطتنا الحلوة
لما أتخنق بحب أخرج وأشوف الناس وأمشي ..لكن لو فيها دموع من الصعب أوي إلا لما بكون لوحدي
موضوعك جميل ...تسلم الأفكار ...وحلو إسم بطوطه أوي

[Mohamed Al Gohary]

اذهب الى أوضتى

[Lost * Dreams]

اذهب الى صديقتى غالبا ...
واحيانا حجرتى........

[battota webas]

شكرا اوى لكل اللى رد ونور التوبيك بتاعى شكرا يا ساره ودكتور كويين وسحر العيون وجوهرى وكابو ودعاء بجد ردودكم هتشجعنى اكمل واخترع لكم افكار جديده بقى

الانسان عاده يحب البكاء منفردا هذا اعتقادي

ليه يادكتور محمد البكاء لازم يبقى منفرد؟ مش ممكن يحصل موقف يثير مشاعرك وتضطر انك تدمع ولا الرجاله بتشوف الدموع ضعف؟وميرسى لردك كتير