يا ترى ايه السر؟

[عاشقة الحرمين]

السلام عليكم ورحمة الله وبركاته

أكيد فى سر!!!!!!!!!!

قبل ما أقولكم على السر!!!

تعالوا نفكر تفتكروا ممكن واحد يعمل حاجه بأرادته الحره
وتكون شاقه على نفسه ومش بيحبها؟؟؟؟

اه ممكن احيانا نعمل حاجه مش بنحبها لاننا مضطرين وساعتها بنعملها يدوب اداء واجب..مش كده؟
ههه محدش يقولي المذاكره
طيب لو لقيت واحد بيعمل حاجه ومهتم بيها قوى وعمال يحسن فيها.وبيعملها باختياره...هتقول ايه؟
هتقول أكيد مستمتع بالحاجه دى وبيحبها
وحتى لو الحاجه دى فى نظرك متعبه أكيد فى حاجه تانيه مهونه عليه التعب ده!!

طب طول بالك واسمع للاخر يمكن تتطلع بالسر

لما تشوف واحد ...مبيدخنش سجاير.... مبيعرفش بنات.... مبيسمعش اغانى ....مبيشفش افلام
وبيصلى فى المسجد ويصوم وبيحفظ قران
تبص له وتقول ايه ده هو مقفلها كده ليه؟؟ وبعدين هو ثابت وميزهقش ليه؟؟

أكيييييييييييييييد فى سر!!!!!!!!!!!!

صحيح واحده فى عز الحر الى أحنا فيه ولابسه اسدال ولا عبايه ولا خمار ولا نقاب ...طب والموضه واللبس والمكياج و..و...
دى معقده دى ولا أيه ؟؟
أكييييييييييييييييييد فى سر!!!!!!!!

فى ناس بتعتقد ان يمكن الناس دى معقده !! ومعندهاش خيارات غير كده!!!
طيب لو بيكون واحد متعلم ومثقف ومستواه الاجتماعى جيد جدا ومستواه المادى ممتاز وسهل عليه لو عايز انه يعمل اى ذنب
واما تكون واحده جميله ومتعلمه ومثقفه ومن عيله وتقدر تلبس على احدث موضه ولو عايزه ممكن تعيش حياتها بشكل مختلف
تبقى ايه الحكايه؟؟؟
ايه السر؟؟؟؟

السر فى أربع نقاط:
1
قال تعالى"مَنْ عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ "

طبعا احنا بنصدق ربنا
ربنا قال (( فَلَنُحْيِيَنَّهُ حَيَاةً طَيِّبَةً))
حياه طيبه يعنى راضى...يعنى مستمتع بطاعته
يعنى مرتاح....يعنى لما حاجه بتتعبه فى الدنيا
حلها عنده بسيط هيقوم يتوضأ ويصلى ركعتين وربنا يفرج همه
أكيد كل واحد لما كان بيعمل ذنب كان بيعمله علشان يحصل على لذه ..
.اللى صاحب واحده والى مقضى حياته شات واللي ومقضيها اغانى
كل دول بيدوروا على لذه ......على سعاده
حتى اللى بيشرب سجاير بيقول انه بيشربها عشان تريحه نفسيا
واللى بيشرب مخدرات بيحاول يبقى مبسوط
ويهرب من الواقع
بس لذه المعصيه لها خاصيه
وهى انك ممكن(لو انت بعيد عن ربنا) فى لحظتها تحس انك مبسوط
بس شويه وتحس انك قرفان وزهقان ومخنوق
مع ان كل حاجه ماشيه تمام
تقوم تهرب من الاحساس ده بذنب جديد وشويه ويجيلك نفس الاكتئاب وهكذا
أنت عايز تبقى مبسوط!!!!!!
وكلنا نبحث عن نفس الشىء
عايزين الراحه والسعاده

بس ينفع تدور على اهرامات الجيزه فى ايطاليا؟؟؟؟؟؟
ههه عادي وايه اللي فيها يمكن نقلوها زي تمثال رمسيس
لو لفيت ايطاليا شبر شبر مش هتلاقيها ...ليه؟؟ لانك بتدور فى المكان الغلط.. لانها فى الجيزه!!
يبقى لو دورنا على السعاده والراحه فى كل مكان مش هنلاقيها الا فى العمل الصالح زى الايه ما قالت

يبقى اللى شكله ممكن تشوفه معقد هو مبسوط لانه دور فى المكان الصح
لكن اللى بيدور فى مكان غلط
( َمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى )


2
قال رسول الله
((- من كانت الآخرة همه جعل الله غناه في قلبه وجمع له شمله وأتته الدنيا وهي راغمة ، ومن كانت الدنيا همه جعل الله فقره بين عينيه ، وفرق عليه شمله ، ولم يأته من الدنيا إلا ما قدر له))
الراوي: أنس بن مالك المحدث: الألباني - المصدر: صحيح الترمذي - الصفحة أو الرقم: 2465
خلاصة الدرجة: صحيح
ركز((غناه في قلبه وجمع له شمله وأتته الدنيا وهي راغمة))

مرتاااااااااح
مفوض امره لربه
والدنيا مش هتضيع منه هتجيله ومن غير ما يتعب ويجرى وراها
الى جانب ثواب ورضا ربنا

((فقره بين عينيه ، وفرق عليه شمله ، ولم يأته من الدنيا إلا ما قدر له))
يا نهار ابيض
تعباااااااااااان
بيجرى فى كل اتجاه
وفى الاخر برضه مش هياخد اكثر من رزقه
الى جانب عقاب ربنا
بنحارب عشان الدنيا وفى الاول والاخر مش هناخد منها أكثر من المقسوم لنا
بس طبعا لازم ناخد بالنا من الفرق بين التوكل و التواكل وشتان الفارق

3
ولهذا قال أحد السلف الصالح :
( لو يعلم الملوك وأبناء الملوك ما نحن فيه من النعيم لجلدونا عليه بالسيوف )
وقال آخر مبديًا حزنه وتأسفه على الذين لم يشهدوا هذا المشهد: مساكين أهل الدنيا، خرجوا منها وما ذاقوا أطيب ما فيها.. قيل: وما أطيب ما فيها؟ قال: محبة الله ومعرفته وذكره.
وكان شيخ الإسلام ابن تيمية – رحمه الله تعالى – يقول: إن في الدنيا جنة من لم يدخلها لم يدخل جنة الآخرة..

4
بعضنا جرب طعم مرارة المعصية ان مكنش كلنا ؟
مثلا الواحد وهوه بيكون بيتفرج على الفيلم ممكن يكون بيتفرج عليه علشان موده وحش وعايز يغيره بس للاسف بيزيد اكتئابه بعد ما بيخلص الفيلم مع انه كان مبسوط وهوه بيتفرج اصله كان فيلم كوميدي
فهل حسيت قبل كده بلذة الطاعة ؟ ان شاء الله كلنا جربناها طب بالله عليكم مش كان احساس رائع بل اكثرمن رائع والله احلى سعاده واحلى فرحه لما الواحد بيعمل طاعه ويحس ان ربنا راضي عنه
ياااااااااااااه والله بالدنيا وما فيها

افتكروا ديما ان!!!
لا خير فى ذنب سيألمك فى الدنيا ويدخلك النار فى الاخره
وان فيه
فرق كبير بين (معيشه ضنكه )و( حياه طيبه)
وفرق كبير بين
((غناه في قلبه وجمع له شمله وأتته الدنيا وهي راغمة))
و
((فقره بين عينيه ، وفرق عليه شمله ، ولم يأته من الدنيا إلا ما قدر له))

اللهم أرزقنا السعاده فى الدنيا والأخر

اللهم احينا سعداء وامتنا شهداء

[طيور الجنه]

اللهم آآآآآآآآمين

جزاكى الله خيرا

اللهم ارزقنا الهداية جميعا

[زهرة الياسمين]

موضوع رائع
جزاكِ الله خيرا

[ASOOOM]

جزاك الله خيرا

[احمد شبند]

تبارك الله

جزاك الله كل خير

[eng_sh]

جزاك الله خيرا
اللهم ارزقنا اليقين

[Dr shosho]

]جزاك الله خيرا الموضوع تحفه
اللهم انفعنا بما علمتنا وعلمنا ما ينفعنا

[مهداه]

ما شاء الله عليكى
ربنا يجزيكى كل خير

[هاجر]

بارك الله فيكِ
وجزاك الله خيرا

[le pharmacien]

من القلب الى القلب
جزاكى الله خيرا