صداقة النت....***(موضوع هام)***

[د///*مطحونة*\\\]

السلام عليكم ورحمة الله وبركاته

ازيكم يا احلى دكاترة
النهاردة وانا على النت
سالت نفسى سؤال وعايزاكوا تشاركونى فى حله
صداقة المنتدى او كما يطلق عليها صداقة
ايه رايكوا فيها؟؟؟
شايفين انها كويسة ومفيدة؟؟؟
ولا ضارة وبتوصل لحاجات تانية؟؟؟
وهل اللى انت بتعتبره صديق ليك دة بيفيدك ولالا؟؟؟
متاكد انه محترم؟؟
طب ازاى وجالك منين التاكد دة؟؟؟
هل من طريقة كلامه ورده عليك؟؟؟
ولا عشان دمه خفيف؟؟
ولوكنت قابلته برا المنتدى قبل ما تعرفه فى المنتدى
كنت هتبقى صاحبه برضة ولا مكنتش هتتقبله؟؟؟
طب فيه مرة حد منكم قلبت معاه بجد والصداقة زادت معاه اوى وحب العضو دة
اللى كان معتبره صديق ليه؟؟
وهل ممكن تقوله على اسرارك الشخصية؟؟
ما هو صديقك
ولا تخاف منه
وبتحس بايه لما بتلاقيه من بلد وانت من بلد تانية؟
اينعم كلنا عرب واخوات
بس ممكن يكون هو فى قارة وانت فى قارة تانية
مش بتحس انه كدة كدة بعيد عنك؟؟
كل دى اسئلة حبيت اطرحها عليكوا
ارجو التفاعل لان الموضوع هام جداااااااااااااااااااااااااا

[mostafa_labib73]

ساعات بتكون الصداقه كويسه وساعات بتكون سورى مش كويسه بس طبعا مش من السها انك تدى اسرارك لواحد انت مش تعرفه الا اذا كنت واثق منه بموقف حصل معاك بينكم اقصد

[د///*مطحونة*\\\]

ميرسى د مصطفى على ردك ورايك

[wh_kaboo]

شكرا على الموضوع الرائع
صداقة النت فيها الل ممكن يكون ممتع وفيها اللى يكون سيى وكل شى له عيوب ومميزات انا عن نفسى ليا صداقات كتير على النت بس من غير ما اشوف الناس دى والحمد لله مستمرة وناجحة كمان
مرة تانية شكرا على التوبيك ده

[trialless]

اممممممممممممم

موضوع جميل

انا عايز اقول ان 95 فى الميه من اصحابى الوقتى فى الكليه

عارفتهم عن طريق النت او المنتدى

هو اينعم اغلبهم هجر المنتدى <<< لظروف مع ****



بس انا مقدرش انكر فضل المنتدى ده انه عرفنى على اغلب اصحابى

اللى بقوا اقرب ناس ليا على الطبيعه


دا بالنسبه للمنتدى




لكن على النت بصفه عامه انا اكتر من نص ايميلى ناس مشفتهمش على الواقع

و فى منهم بينى و بينهم اكتر من صداقه


و فى مشروع كده معايا فيه واحد فلسطينى وواحد جزائرى وانا من مصر

و مأمنين لبعض على كل حاجة لدرجه الباسوردات

[د///*مطحونة*\\\]

ميرسى يا جماعة على ردودكم

[Hope1]

بلاش كلام فاضى ازاى انا اصاحب حد معرفوش ومدرستش اخلاقه كويس ياجماعة المرء علي دين خليله فلينظر احدكم من يخالل.حط100 خط تحت فلينظر.

[ماهيتاب]

توبيك رائع وموضوع مهم يادكتورة مطحونة
بالنسبة لى أنا عرفت ناس من النت كويسين
وأكيد برضه صادفت ناس تانية مش كويسة وبعدت عنهم طبعآ
وأكتر ناس كويسة بجد عرفتها من المنتدى ده بتاع الكلية
والحمد لله مستمرة فى كلامى معاهم
وهم جميعآ زى إخواتى الصغيرين يعنى

[EverLasting]

موضوع جميل جدا يا دكتورة مطحونة وانا من رايى ان صداقة النت ممكن تكون كويسة وممكن تكون وحشة وطبعا ممكن نخليها كويسة بإن احنا نختار كويس و اول حاجة بتوضح شخصية اللى قدامك هوا كلامه وانا بصراحة اتعرفت على ناس حلوة اوى من خلال المنتدى

[lost*soul]

ف ناس بتتكره لما تتشاف

واكيد كونك تشوفى اصحابك مهمه

انا عملت احلى بنوتات هنا وبعدها اتقابلنا ف الكليه وبثق فيهم ونحكى سوا وعرفتهم ع اصحابى الحقيقن وكل واحده عرفتنا الكل ع اصحابها

نحمد ربى مرتاحه معاهم جدا

يعنى الامر يحتمل الاتنين وحشه او حلوة وانتى وحظك وصدق احساسك( الحمدلله ديما انطباعى الاول صح حتى لو ايام ثبت العكس ايام بعدها تثبت احساسى .......حساسه انا)

مرسى مطحونه ع التوبيك تسلم الايادى