الأطباء والصيادلة .. والمعاناة الكبيرة

[Mohamed Al Gohary]

السلام عليكم ورحمة الله وبركاته ..


طبعا أغلبنا مش هقول كلنا وقف فى صيدليه واتدرب ... وشاف روشتات من دكاترة كتير .. وأكيد كلنا شاف قد ايه الخط الجميل والمنظم والرائع بتاع الدكاترة ..

ما شاء الله .. الواحد بيتعلم لغة جديدة وبيعرف اشكال جديدة للحروف الانجليزية غير اللى عرفها فى كى جى ون وكى جى تو ..


ايه رايكم ؟؟





ليه الدكاتره بيعملوا كده !!


على الوجه الاخر فيه دكاتره بقوا بيعملوا روشتاتهم على الكمبيوتر ودى انا شفتها بنفسى .. ما شاء الله ..

[Mohamed Al Gohary]

طبعا الروشته اللى فوق دى تعتبر رحمة وواضحه جدا جدا .. بس اوعدكم انى هجيب لكم شوية روشتات .. ولا الغاز رجل المستحيل ..

عموما الروشته اللى فوق فيها .. موتيليام .. وزانتاك .. وفاركوفيت ب12

[Amira Said]

هو الحمد لله بقى في ناس كتير بتحرص على تطوير نفسها و أكيد كتابة الروشتات بالكمبيوتر شيء رائع و يدل على ان في ناس بتحاول تتطور للأفضل، لكن انا الحقيقة مشفتش غي روشتة او اتنين من عند دكتور واحد هو اللي عاملهم بالكمبيوتر، ياريت فعلا الكل يبقى كده

بالنسبة لنا كصيادلة فقراءة الروشتات مهارة لازم نكتسبها و انا الحقيقة بستمتع جدا بيها، و بيصعب عليا أساتذتي اللي بيصححوا الامتحانات لأني خطي بيكون زي الروشتات تقريبا

و اما ليه الدكاترة بيعملوا كده فده شيء مش متعمد يعني، طبيعة شغلهم و استعجالهم ده غير ان في كلية طب بالذات لازم الواحد يكتب بالمنظر ده في الامتحان علشان يلحق يحل كل الاسئلة، هما مش قصدهم يدايقوا الصيادلة

عذرا على الاطالة و شكرا على الموضوع

[dr_chamommile]

هههههههه

فعلا يا دكتر اتعرضت لروشتات معرفش بصراحة مين بيكتبها مش عارفة ده نوع من التعجيز واستعراض النفس ولا ايه مثلا عيزين يفهمونا اننا مش عارفين نقرا بس كده العيب فيهم بصراحة منظر روشتات لايطاق ولو طفل صغير كان يبقي خطه احسن من دكاترة كتير جدا

مرة ونا في الصيدلية شفت روشتات بجد والله لا تطاااااااق

مرة حسيت ان ده شغل عفاريت ههههههههههه عملين عمل في الروشته

وسمعت ان فيه بعض الدكاترة بيكتبوا بالشكل ده عشان صيدليات معينة بس هيا اللي تصرفه

مهزلة بجد

بس لو فرضنا ان الدوا اتصرف غلط المسؤلية مش علي الصيدلي وبس
المسؤلية علي الطبيب اولا اللي المفروض نعلمه يكتب ازاي
بس برده ولكل قاعده شواذ فيه دكاترة خطهم جميل جدا وشفت روشتات كمبيوتر برده

لازم بجد يبقي فيه حل جذري للمناظر دي

وشكرا يا دكتر علي موضوعك وجزاكم الله خيرا

[Dr nour]

طبعا الروشته اللى فوق دى تعتبر رحمة وواضحه جدا جدا ..

فعلا الروشته واضحه..................ياريت كل الوشتات تكون كدا..................على الأقل فاهمين الحروف ايه
فى روشتات ميبنش منها الا الحرف الأول بس.....................بيعملوا الغاز والشاطر بقى اللى يخمن
والله كانت بتيجى روشتات مكنتش أعرف أقرأ فيها حاجه والغريبه قوى ان اللى بيشتغلوا فى الصيدليه كانوا بيطلعوا اللى فيها ولو سألتهم ازاى ................يقولولك أصل الدكتور ده بيكتب فى كل الروشتات أنواع معينه واحنا عارفين هو بيكتب ايه.......................بقينا خبره وده اللى بيخلينا نعرف نطلع الروشته بتاعته
............

على الوجه الاخر فيه دكاتره بقوا بيعملوا روشتاتهم على الكمبيوتر ودى انا شفتها بتفسى .. ما شاء الله ..

فعلا الروشتات دى بتقى جميله جدا...............أنا مشفتهاش غير مره واحده والدكتور كمان بطل يعملها

شكرا جوهرى على الموضوع ..............وفى انتظار باقى الروشتات

[Mohamed Al Gohary]

فعلا .. انا كل اللى بيقلقنى ان الواحد ممكن يصرف دوا غلط .. ساعتها هيبقى الدكتور مبسوط يعنى !!

[د|هوبة]

انا عن نفسى شفت روشتات من كل الانواع فية دكاترة محترمين خطهم ما شاء اللة جميل بس فية النقيد تماما دكاترة تكتب اول حرف والباقى خط وتدور انت بقى

[Dr.Mohamed]

أنا مع الدكتور هوبه فى كلامه إن فيه دكاتره خطها كويس وبتكتب بخط واضح جداً والعكس
إنتظروا منى روشته صعبه موت معرفتش أقرأ فيها غير صنف واحد وهوه فينيستيل

[قناع الذهب]

شكرا يا دكتور موضوع جميل وكلنا بنتعرض للحاجات دى بس والله انا بقول للدكاترة اللى بتكتب بالخط دة حرااااااااااااااااااام عليكوا احنا والعيانين
انا مامتى اتعرضت لموقف زى دة كانت رايحة تجيب دوا للهبوط اسمة هيبتامينول او للدورة الدموية مش فاكرة بالظبط وكان الدكتور كاتبة بخط وحش جدا ومافيش ولا صيدلى عارف يقراة وكل ما تروح لصيدلى يقوللها دا دوا للكبد وطبعا دا كان هيعمللها انهيار
يعنى من هبوط بسيط لكبد
انا اول ما بتجيلى روشتة بالمنظر دة ف الصيدلية مابرضاش ابص فيها اصلا وبديها للدكتور الكبير وهو يتصرف

[alaa basiony]

de sahala gdn .... motinorm , zantac & pharcovit