عشان انت مصرى

[dr\sandrila]

[COLOR="Blue"]عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله[/COLOR]
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
ه[COLOR="Blue"]توصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
[/COLOR]
[COLOR="Blue"]احمد فؤاد نجم[/COLOR]

[loyalty]

no comment
وأحمد فؤاد نجم له حجات حلوة أحسن من دي رغم إني مبحبش أقرأله حاجة ومحدش ينكر إن له أغاني حلوة وأنا بحبها زي أهيم شوقاً إللي بيغنيها محمد الحلو

[dr\sandrila]

شكرا loyalty على الرد بس بجد دى عاجبتنى اوى علشان هى بتعبر بجد على المواطن المصرى اللى بيعانى بس للاسف محدش حاسس بيه

[El_Daly]

شكرا loyalty على الرد بس بجد دى عاجبتنى اوى علشان هى بتعبر بجد على المواطن المصرى اللى بيعانى بس للاسف محدش حاسس بيه

بجد لو مكنش الانسان المصرى يتحمل الحاجات دى مكنش بقى المصرى الى بنى الهرم
ولوكان اشتكى من تقل الحجارة مكنش الهرم اتبنى صحححححح

[dr\sandrila]

شكرا mrmor على الرد وفعلا عندك حق

[eng spider]

جربى تقرئى لـ احمد فؤاد نجم استاذ السخريه من الانظمه الحاكمه والسخريه على الى بنشوفو وعشين كده كان مبيطلعش من السجن مش عشان الشعر بتاعه جارح للحكومات لا عشين كانوا مبيستغنوش عنه

[dr\sandrila]

[COLOR="Blue"]شكرا eng spider على الرد هو فعلا بيكتب حاجات حلوة اوى بس بلاش موضوع السجن ده ربنا يحفظنا[/COLOR]