~~ عتــــــاب ~~

[dr-aya]

ســــلام عليكم جميعاً
عدى فترة كبيرة قوى منزلتش هنا ... أتمنى القصيدة دى تعجبكم .. هى مختلفة شوية عن قبل كدا

>>

EnjOy ^__^

.......

~~ عتــــــاب ~~

نظرة عيونك يا قمر
و دموع سماك بتهزنى
تكسر ملامح بسمتى
بتشــدنى
تِــجبر كيانى يفتكر
حرمت أحبك يا قمر
حرمت أسهر كل ليلة أبصلك
كل الحكاوى اللى ما بينا قلتلك
إنساها يلا يا قمر
إنسى السهر
مش هشتكيلك مرة تانية منهم
و لا لحن نايى راح يغنى عنهم
امحى كمان كل القصص
و اشطب بقى على إسمهم
و إن يوم تشوفنى ف ليلة باصة للسما
إبقى استخبى زيهـــــــم
كل أما أشوفك هفتكر
كادر الصور
بعترلى كل الذكريات
اللى بريشتى رسمتهم
و متدنيش تانى أمل
أملك ملل
و مبيداويش .. كسر الخواطر و القلوب
أملك ما بيدارى العيوب
أملك مُــسكن للألم
لكن إنت عارفه ميداويش
قلبى تعب منه كمان
قلبى خلاص مبيرتويش
رافض بإنه ينجرح
كاره صدى كل الردود
شوك الورود
عِـــشِـق إغتيال كل العهود
حتى الندى لما جرح خد الورق
مبقاش فيه فرصة للصمود
عايزاك تسافر يا قمر
لو هينفع
سافر من الحى القديم
إوعاك أشوفك مرة تانية فى السما
مالليلة ديَّـــا يا قمر
أنا هعتبر ... حلمى يتيم

[محمد فهمي]

قرأتها 3 مرات..ولقتها:
روعة يادكتورة آية.. كفاية الكلمة دي بس..
أحساسها عالي قوي..وبجد الصورة المرسومة جميلة.. والأسلوب جميل.. وتشبيهاتك حلوة أوي.. وصورك البيانية والبديعية..وفيها موسيقي خفيفة..وكمان حريصة إن الكلمة ننطقها صح لما شكلّتي بعض الكلمات..
لأ..بجد جميلة فعلاً ..
بس سؤال مقدرتش أعرف إجابته لأنك توهتيني الحقيقة ودي مقصوده منك!
ليه العتاب ده ؟!
طبعاً إنتي مقولتيش السبب ومقصودة طبعاً..
وكمان من فضلك عايزين تواجد بإستمرار..
مع خالص تقديري..

[dr-aya]

قرأتها 3 مرات..ولقتها:
روعة يادكتورة آية.. كفاية الكلمة دي بس..
أحساسها عالي قوي..وبجد الصورة المرسومة جميلة.. والأسلوب جميل.. وتشبيهاتك حلوة أوي.. وصورك البيانية والبديعية..وفيها موسيقي خفيفة..وكمان حريصة إن الكلمة ننطقها صح لما شكلّتي بعض الكلمات..
لأ..بجد جميلة فعلاً ..
بس سؤال مقدرتش أعرف إجابته لأنك توهتيني الحقيقة ودي مقصوده منك!
ليه العتاب ده ؟!
طبعاً إنتي مقولتيش السبب ومقصودة طبعاً..
وكمان من فضلك عايزين تواجد بإستمرار..
مع خالص تقديري..

ربنا يكرمك على رأيك دا و بجد مبسوطة بيه جـــــــــــداً و أتمنى أكون أستحق واحد على عشرة من الإشادة دى
.....
بالنسبة للسؤال ...
فإحساسى بالقصيدة رغم كل الكبرياء و الرفض اللى فيها بس هى فيها ضعف جاااااااااامد جداً و أحاسيس مهزوزة .. عشان كدا مقدرتش أديها إسم عميق أو يدل على قرار أو غضب جامد لأن إحساسى بيها لا يزيد عن مجرد عتاب أو كلام ف لحظة غضب دا إحساسى حاجة كدا زى حد بيصالح نفسه و بيهديها

[eeeman]

جميييييييييييلة جدااااا يا ايـــــــــة ماشاء الله عليكى كل فترة تالقك بيزيد ومستواكى فى تقدم علطول وبحس انك حريصة دايما على ده ربنا يوفقك وتزيدى كمان وكمان

[dr-aya]

جميييييييييييلة جدااااا يا ايـــــــــة ماشاء الله عليكى كل فترة تالقك بيزيد ومستواكى فى تقدم علطول وبحس انك حريصة دايما على ده ربنا يوفقك وتزيدى كمان وكمان

ميرسى يا قمر ربنا يكرمك يااااااااااارب .. من بعض ما عندكم و الله ... ميرسى بجد

[amira89]

عجبتنى جدا يا يويو
عايزة اقراها كتير جدا علشان احس اكتر بمعانيها
وعايزينك تكونى متواجدة علطول يا قلبى
تحياتى لكى

[M.Hegazy]

مزيكا بجد .. و كلام رايق و صافي و ممتع جدا ..

فكرتيني بأغاني الزمن الجميل بجد ..

تسلم إيدك ..

أبدعتِ فأحسنتِ فأمتعتِ ..

5 نجوم طبعا و بدون شك ..

و لا تحرمنيا وجودك يا دوك ..

خالص تمنياتي لحضرتك بمزيد من التوفيق ..

[chocolata]

بجد يا ايه حلوة اوى اوى اوى وما شاء الله عليكى
عجبنى جدا صيغه عتابك انه خالى من الكلمات الرومانسيه اوى اوى
وانك قدرتى تالفى غنوة بالعاميه جميله ومعبرة جدا وتشد الواحد مع انها ناو من غير موسيقى فكرتينى فى كلماتها باغانى من زمان شويه
لما كانت التشبيهات سواء لغرض غزل او عتاب او مدح او او
كانت تشبيهات لذيذه وطبيعيه ومكنتش الكلمات بتتكرر اوى على رتم واحد
اتمنى تكونى فهمتى قصدى
عجبنى اوى دا فى غنوتك ماشاء الله
وفى عتابك استخدمتى كلمه قمر فكرتينى برده بالمطربين القدام اوى
كانو برده بيقولوى ياقمر مكنتش الكلمات متحدده فى حبيبى روحى
كفايه كده عليكى تسلمى بجد واتمنى انها تتلحن صح وهتبقى نموذج جميله لاغنيات التسعيناات


شيكو

[ahmedofegypt]

أولاً .. طبعاً حضرتك مش محتاجة رأى .. صح ؟

اللى انا شايفه مش عتاب للقمر نفسه قد ما هو مجرد تحميل القمر ذنب هو ما عملوش بسبب حد أو ناس تانية أو ظروف تانية .. لكن شايف ان جوه الاحساس ده ضعف " تجاه الاشخاص او الظروف التانية و تجاه القمر نفسه حتى " .. يعنى بتعاتبيه " بس مش أوى " و ده لأنه مش المذنب الحقيقى .. زى ما الواحد يبقى زعلان من حد و يطلع زعله على حد تانى يقدر عليه .. بس طبعاً ابداع انك تظهرى ضعف الاحساس ده و بالدقة دى و توصل الصورة كده .. تسلم إيدك و دمتِ بخير و تميز و ابداع

[dr-aya]

عجبتنى جدا يا يويو
عايزة اقراها كتير جدا علشان احس اكتر بمعانيها
وعايزينك تكونى متواجدة علطول يا قلبى
تحياتى لكى

ميرسى يا ميرو جـــــــــــداً

..............

مزيكا بجد .. و كلام رايق و صافي و ممتع جدا ..

فكرتيني بأغاني الزمن الجميل بجد ..

تسلم إيدك ..

أبدعتِ فأحسنتِ فأمتعتِ ..

5 نجوم طبعا و بدون شك ..

و لا تحرمنيا وجودك يا دوك ..

خالص تمنياتي لحضرتك بمزيد من التوفيق ..

ربنا يكرمك بجد

..........

بجد يا ايه حلوة اوى اوى اوى وما شاء الله عليكى
عجبنى جدا صيغه عتابك انه خالى من الكلمات الرومانسيه اوى اوى
وانك قدرتى تالفى غنوة بالعاميه جميله ومعبرة جدا وتشد الواحد مع انها ناو من غير موسيقى فكرتينى فى كلماتها باغانى من زمان شويه
لما كانت التشبيهات سواء لغرض غزل او عتاب او مدح او او
كانت تشبيهات لذيذه وطبيعيه ومكنتش الكلمات بتتكرر اوى على رتم واحد
اتمنى تكونى فهمتى قصدى
عجبنى اوى دا فى غنوتك ماشاء الله
وفى عتابك استخدمتى كلمه قمر فكرتينى برده بالمطربين القدام اوى
كانو برده بيقولوى ياقمر مكنتش الكلمات متحدده فى حبيبى روحى
كفايه كده عليكى تسلمى بجد واتمنى انها تتلحن صح وهتبقى نموذج جميله لاغنيات التسعيناات


شيكو

حسيت إن الموضوع قلب أبيض و أسود فجأة
بس أهم حاجة إنك مبسوطة و عاجبك الكلام و كل قارئ له رؤيته طبعاً و حقيقى بجد أهم حاجة بحسها دايماً فيكى إنك ليكى رؤية عميقة
بأكون مبسوطة بجد لما بقرأ كومنتاتك
بس بالنسبة للقمر فالكلمة نفسها مجردة و مش كناية عن حاجة هو الكلام موجه للقمر فعلاً


.................

أولاً .. طبعاً حضرتك مش محتاجة رأى .. صح ؟

اللى انا شايفه مش عتاب للقمر نفسه قد ما هو مجرد تحميل القمر ذنب هو ما عملوش بسبب حد أو ناس تانية أو ظروف تانية .. لكن شايف ان جوه الاحساس ده ضعف " تجاه الاشخاص او الظروف التانية و تجاه القمر نفسه حتى " .. يعنى بتعاتبيه " بس مش أوى " و ده لأنه مش المذنب الحقيقى .. زى ما الواحد يبقى زعلان من حد و يطلع زعله على حد تانى يقدر عليه .. بس طبعاً ابداع انك تظهرى ضعف الاحساس ده و بالدقة دى و توصل الصورة كده .. تسلم إيدك و دمتِ بخير و تميز و ابداع

فيه حاجتين عايزة أقولهم :
أولاً إنى غيرت إسم القصيدة فى الورق بتاعى و بقت (( عتاب مجهول الهوية ))
لأنها فعلاً بالظبط زى ما حضرتك حللتها و لو طلعت فوق شوية فى أول كومنت ليا هتلاقينى كاتبه نفس الكلام بالظبط و نفس التحليل لما كنت بشرح ليه إخترت الإسم دا
تانى حاجة :
إنى بجد بحييك لأنك أول حد فهمها بسرعة زى ما أنا كتبتها بالظبط و بنفس المعنى و الإحساس اللى قصدته