شاهد عيان ( بنت من سوريا )

[E.Raafat]

شاهد عيان ( بنت من سوريا )
الصبح أشرق فالطيور سبّحت **** القوم فرحى والصغار يلعبوا
الشمس ترسم بالماء صورتها **** والندى لامس الورد يداعب
أغصان الزيتون يهدهدها النسيم **** نعجات أبي من البئر يشربوا
الكــرم أسكــره النبيذ فتهاوى **** وذا يوسف أخي للكتّاب يذهب
واللـــيل يعــم بالسمـــــر نادينا **** الجـدة تحكي وفيروز تطرب
تـلـك لوحتـي يـــرسمـــهـا قلبـي **** فــعشق سوريا للقلب يلهب
أنــظـــر يـــوســــف ممسكا قلما **** وعــجـبت حقا لما بدا يكتب
( ضعاف تركنا الجولان أسيرة **** الله أكبر ,,, بالنصر نرغب )
فسمع الشيطان رغبته البريئة **** وتعالت ضحكته رعدا يضرب
أتـــى بـــشّـار الـــذل بــجيوشه **** وأصدر أمره إليهم أن خرّبوا
لا ترحموا شيخا بالمسجد احتمى **** ولا عجوزا للعفو منكم تطلب
واقطعوا أيادي الأطفال قاطبة **** ولننظر من الاّن كــيف يـــكتبوا
أمـام عـينـيّ ابتــدأوا بـيوسف **** فابــيضـت عـيون أمــي تكذّب
قتلوا أبي ونعجاته الخمس **** القـوم صرعى والشمس تهرب
ألـوان لوحتـي زيـنـتها الـدماء **** وانفجرت عيوني دمعا تسكب
وتناوبت حزم البارود تأكلنا **** وراحت المدافع بالأرواح تتلاعب
واسـتسـلـم الـزيـتون يتبعه الكرم **** لألسنـة نار لكـليهما تعذّب
وأشـرق الصـبح الجـديد يتوارى **** يرسل شعاعه للصمت يثقب
فصـبرا اّل سـوريا إنـنا قـادمون **** فعهد الإسلام أبقى وأطيب
فقلب مصر سيزأر ثانية ***** ليتوارى الليل الطويل المرعب

إبراهيم رأفت ( عاشق دمشق )

[Mouri Ran]

واقطعوا أيادي الأطفال قاطبة **** ولننظر من الاّن كــيف يـــكتبوا

: ((

قلبت المواجع .. لكِ الله يا سوريا

ربنا ما يحرمناش من القلم المبدع دا يا دكتور


-بس حاسة شوية القافية مش منتظمة وفيه أفعال ناقصها نون معتقدش حذف النون من ضرائر الشعر ولا ايه ؟-

[Aya Farouk]

بحييك جداً على الموضوع عامة والفكرة
الأبيات جميلة جدا واختيار للكلمات حلو والحمد لله بعدت شوية عن التكلف فى الألفاظ "بحب الساطة جدا"
ولكن لى بعض الوقفات فقط من وجهة نظرى المتواضعة أرجو تقبلها

شاهد عيان ( بنت من سوريا )
الصبح أشرق فالطيور سبّحت **** القوم فرحى والصغار يلعبوا
الفاء هنا تفيد التعقيب فوجودها خلى تسبيح الطيور متوقف على الاشراق
فبالنسبة لى المعنى مش مظبوط فممكن تخليها والطيور سبحت وهتلاصى الشطر التانى متوافق معاها بوجود الواو
الشمس ترسم بالماء صورتها **** والندى لامس الورد يداعب
أغصان الزيتون يهدهدها النسيم **** نعجات أبي من البئر يشربوا
نعجات جمع "مؤنث" فأعتقد "تشرب" أو "تشوبوا" واذا كان اختيار الفعل للعموم فعادى شغال بردو
الكــرم أسكــره النبيذ فتهاوى **** وذا يوسف أخي للكتّاب يذهب
ليه اخترت "ذا"للأشاره فى حين ان كان من الممكن استخدام "ها" ... ها يوسف
لوصف حال وفيها سرعة أكتر
واللـــيل يعــم بالسمـــــر نادينا **** الجـدة تحكي وفيروز تطرب
حلو استخدام "فيروز" بس على فكره هى لبنانية وانت بتتكلم عن "سوريا"
بس عادى نمشيها الاتنين اذا كان المقصد الشام عامة !
تـلـك لوحتـي يـــرسمـــهـا قلبـي **** فــعشق سوريا للقلب يلهب
أنــظـــر يـــوســــف ممسكا قلما **** وعــجـبت حقا لما بدا يكتب
( ضعاف تركنا الجولان أسيرة **** الله أكبر ,,, بالنصر نرغب )
فسمع الشيطان رغبته البريئة **** وتعالت ضحكته رعدا يضرب
أتـــى بـــشّـار الـــذل بــجيوشه **** وأصدر أمره إليهم أن خرّبوا
مش فاهمة معنى الشطر الأول
ان كنت تقصد ان بشار اتى بالذل عن طريق جيوشة فالمعنى ليس بواضح ومحتاج حرف جر قبل ذل للتوضيح
لأن كدا معناه ان الذل جاء لبشار أو بشار جاء للذل والمعنى فى الاتنين غير واضح ومش بيخدم املعنى اللى تقصده
لا ترحموا شيخا بالمسجد احتمى **** ولا عجوزا للعفو منكم تطلب
واقطعوا أيادي الأطفال قاطبة **** ولننظر من الاّن كــيف يـــكتبوا
أمـام عـينـيّ ابتــدأوا بـيوسف **** فابــيضـت عـيون أمــي تكذّب
قتلوا أبي ونعجاته الخمس **** القـوم صرعى والشمس تهرب
ألـوان لوحتـي زيـنـتها الـدماء **** وانفجرت عيوني دمعا تسكب
وتناوبت حزم البارود تأكلنا **** وراحت المدافع بالأرواح تتلاعب
عارفة انك هنا اخترت "تتلاعب" خدمةً للمعنى ولكن كوزن موسيقى للأبيات الأفضل "تلعب"
وقيسها على باقى الابيات هتحس الفرق .
واسـتسـلـم الـزيـتون يتبعه الكرم **** لألسنـة نار لكـليهما تعذّب
وأشـرق الصـبح الجـديد يتوارى **** يرسل شعاعه للصمت يثقب
فصـبرا اّل سـوريا إنـنا قـادمون **** فعهد الإسلام أبقى وأطيب
إنا أخف
فقلب مصر سيزأر ثانية ***** ليتوارى الليل الطويل المرعب

إبراهيم رأفت ( عاشق دمشق )

دمت مبدعا
وتقبل مرورى ,,

[Dr_Cinderellaaaaa]

قصيدة رائعة وقوية جدا يا دكتور
تسلم ايديك .. دمت مبدعا متألقا ..

[محمد فهمي]

استمتعت بها ياد. إبراهيم...كلماتك بها العذوبة..والحلاوة في الألفاظ...تألقت دائماً بأسلوبك القوي المحترف...

لم تتركك د. آية وشأنك كعادتها الجميلة...ننتظر أن ترد علي استفسارتها التي أتفق مع بعضها...
دام المنتدي الأدبي في حراك مستمر...

[E.Raafat]

أولا وقبل كل شيء أنا سعيد جدا بمرور حضرتكم الكريم ودا شيء يشرفني
ثانيا بالنسبة للدكتورة ( mouri ran)
القافية اختلت في بيت واحد في كلمة تتلاعب وبالنسبة للأفعال التي ينقصها نون أنا بصراحة مش عارفها ياريت حضرتك تذكريها وأنا هرد
ثالثا بالنسبة للدكتورة ايه فاروق
1) أنا كنت كاتب الأول ( الصبح أشرق والطيور سبحت ) بس الواقع والمنطقي إن مفيش طير جميل زي العصافير مثلا بيصدر صوت بالليل ( إلاّ إذا كانت العصافير اللي في قريتنا صيني بقى ) وغيّرت ( فالطيور ) وقصدت الترتيب بكل ماتحماه الكلمة من معنى ,,, الصبح بيشرق وبعد كده الطيور تسبح
2) تشرب هيه الصح نحويا ( على حد علمي ) وكمان استخدمها مكنش هيضر بالقافية
3) موضوع ذا ,,, و,,, ها ,,, في القافية مش هتفرق وفي المعنى مش هتفرق قوي بس أنا استخدمت ذا لأني قصدت أشاور على يوسف بالذات لأنه هيكون محور وبطل القصة
4) ( أتى بشار الذل ) أيه فيها مش واضح ؟؟؟؟ دا إحنا بنقول مثلا ( فلان بشير الخير ) يعني قدومه ينذر بالخير وهكذا ( بشار ينذر بالذل )
5) تتلاعب مش تقيلة قوي يعني وممكن تكون لحد ما مقبولة بس شويه تقيلة

طبعا مرور حضرتكم وخاصة الدكتور ايه فاروق شرف ما بعده شرف ودايما منتظر كل استفسارتكم وكل تعليقاتكم الجميلة والتني أتقبلها دائما بصدر رحب وأستفيد منها بهدف تطوير مستوايا والعمل على سد أي خلل أو عجز في مستوى قصائدي المقبلة

[Aya Farouk]

جميل جداا بس مازلت عند رايى فى موضوع الفاء "التسبيح " ليس له وقت فمينفش تربطه بالاشراق
اما لو تقصد غناء العصافير وزقزقتهم فعادى ممكن تربطها بالشروق !
حضرتك اخترت لفظ حكمك شوية
ما علينا
وميرسى على كلام حضرتك انا اللى أرجو انى وجودى خفيف عليك
دمت متألق يا دوكتر ابراهيم

[chocolata]

rabena ye7mek ya doctor
gamela gedaaaaaaaan
we elagmal e7asask be 2adeya
tanya

ma2darsh a2ol we 7adretak mosh me7tag kalam meny
salemat yadaaaaaaaak

we zedt ebda3an

we rabena yonsor kol mazlooom
fe kol ard 3arabeya

bas momken as2al mn yossef?
hal howa mn wa7yak enta
wala waqe3?

[E.Raafat]

طبعا بعد عناء الترجمة وفتح كل قواميس اللغة الفرانكية أقدر أقول لحضرتك شاكر جدا على كلامك الجميل دا ويارب نكون وفقنا في التعبير عن قضية من أهم قضايا المنطقة لإن سوريا لا تقل أهمية في المنطقة عن مصرنا الحبيب
و بالنسبة ليوسف دا من وحي خيالي

[ahmedofegypt]

فقلب مصر سيزأر ثانية ***** ليتوارى الليل الطويل المرعب

إن شــاء الله ... يا رب عجل بقدوم ذلك اليوم ..


أولاً .. أبدعت كعادتك و أرتــاح بشدة لأن ألقبك " شـــاعــر الـقـــضية " .. اسم تقيل شوية بس انت ما شاء الله تجيد التعبير عن القضايا الهامة بمزيج من المنطق و الفهم الواعى للحاضر و الماضى و نظرة متفاءلة للمستقبل دون أن تغفل الجانب الروحانى و العاطفى ...

ثانياً .. مع احترامى الشديد للملحوظات التى ذُكرت إلا أننى لا أراها تؤثر أى تأثير ملموس بشدة ببناء القصيدة و ايقاعها .. يعنى حاجات ممكن تعدى

تسلم ايدك يا صديقى