"" خلينا بعيد ""

[ahmedofegypt]

( خلينا بعيد )

ليه عايزنى اقرب ؟ ... و انت عنك بتبعدنى

ما تقولش عليا بتهرب ... كلامك ده معذبنى

خايف اقرب منك ... و بكل مشاعرى أآمنلك

الاقيك مش حاسس بيا ... و تأسى عليا و تسيبنى

.....

كلامك ده معناه ... انك بتفكر فيا

و فجأه الاقى كلامك ... و كأنه كان مش ليا

ليه بس معاك تشغلنى ... و لا انت بتلعب بيا ؟!

لما انا مش شاغل بالك ... ليه بس معاك تتعبنى ؟!

***
ليه عايزنى اقرب ؟... و انت عنك بتبعدنى

ما تقولش عليا بتهرب ... كلامك ده معذبنى

***

فكرت كتير فى كلامك ... نظرة عينيك فى سلامك

فكرت كتير فى الحب ... خايف من جرح القلب

خايف من حب جديد ... يظلمنى من غير ذنب

يحاكمنى و هو الخصم ... نهر عذابه يشربنى

***
ليه عايزنى اقرب ؟... و انت عنك بتبعدنى

ما تقولش عليا بتهرب ... كلامك ده معذبنى

***

انا عارف لو حبيت ... و قلبى بقى فى ايديك

و لا يوم انا هقدر اعيش ... من غير نظرة عينيك

و النوم هيفارق عينى ... لو ما اطمنش عليك

و الناس لازم هتلومنى ... و كمان عليك تحسدنى

***
ليه عايزنى اقرب ؟... و انت عنك بتبعدنى

ما تقولش عليا بتهرب ... كلامك ده معذبنى

***

و انا عارف انك ممكن ... فى ثوانى تنسى و تبيع

من بحر عذاب تروينى ... و القلب يتوه و يضيع

و الدمع هيسكن عينى ... و دنيتى يفارقها ربيع

و ساعتها انا هعمل ايه ؟ ... يقدر قلبك يجاوبنى ؟!

***
ليه عايزنى اقرب ؟... و انت عنك بتبعدنى

ما تقولش عليا بتهرب ... كلامك ده معذبنى

***

انا هبعد عنك , و انت ... لازم خلاص تنسانى

خايف انى اقسى عليك ... بعد ما تحس حنانى

و ازاى هتسامح قلب ... بعينيك هتشوفه انانى

و تقولى ابعد عن قلبى ... و بلاش ابداً توعدنى

***
ليه عايزنى اقرب ؟.. و انت عنك بتبعدنى

ما تقولش عليا بتهرب ... كلامك ده معذبنى

***

خلينا بعيد احسن لى ... و احسن لك انت كمان

خايف مقدرش اقاوم ... و الحب عليا يبان

و انا مهما قدرت أدارى ... فى الآخر انا انسان

و فى يوم راح اسلم قلبى ... و سهام حبك هتصيبنى

***
ليه عايزنى اقرب ؟... و انت عنك بتبعدنى

ما تقولش عليا بتهرب ... كلامك ده معذبنى

***

انا عارف ممكن اندم .. على يوم ضيعتك فيه

بس البعد ده ارحم .. من جرح ما اقدرش عليه

و بروحى هكون لك طيف .. هيصون قلبك يحميه

م الدنيا و كل الناس ... يمكن ده اللى يقربنى

***
ليه عايزنى اقرب ؟... و انت عنك بتبعدنى

ما تقولش عليا بتهرب ... كلامك ده معذبنى

خايف اقرب منك ... و بكل مشاعرى أآمنلك

الاقيك مش حاسس بيا ... و تأسى عليا و تسيبنى

******

***********

بقلم : أحمد

24 – 12 - 2009

[Al-Shaimaa]

تسلم الايادي يا دوك
كلمات جميلة جدا


وتقبل مروري

[محمد سمير]

جميله اوى ياأحمد....بس ليه الواحد يبعد طالما غيره بيحبه....ولا هو خايف من عذاب الحب....

[ahmedofegypt]

جميله اوى ياأحمد....بس ليه الواحد يبعد طالما غيره بيحبه....ولا هو خايف من عذاب الحب....

ممكن يكون خايف من عذاب الحب ... و ممكن يكون خايف ينجرح ... و ممكن يكون مش متأكد من مشاعر الطرف الآخر .... و سبب أهم من ده كله ,.. ممكن تكون تجاربه خليته مش عنده ثقه فى الناس .. حتى حبيبه ,.. و انعدام الثقه فى الحبيب كفيل انه يهدم اى علاقه من قبل ما تبدأ حتى ,, لأن الحب غايته الشعور بالأمان و ده مستحيل يحصل من غير ثقه ...


طبعاً تشرفت بمرورك ,.,, و يا رب يدوم الود بيننا .. ربنا يبارك فيك يا محمد و يوفقك

-----

تسلم الايادي يا دوك
كلمات جميلة جدا


وتقبل مروري

تسلم ايدك ...

متشكر على مجاملتك ...

ربنا يبارك فيك

...

[التائبة]

فعلا رايى برده ان انعدام الثقة فى انسان يهدم اى صفات تانية جميلة
وقتها يكون الحب اخر حاجة ادور عليها
يعنى الاهم عندى هو الشعور بالامان فعلا دا اهم بكتيييير
(اللهم ارزقنا حبك وحب من احبك وحب كل عمل يقربنا الى حبك)

امين

[ahmedofegypt]

فعلا رايى برده ان انعدام الثقة فى انسان يهدم اى صفات تانية جميلة
وقتها يكون الحب اخر حاجة ادور عليها
يعنى الاهم عندى هو الشعور بالامان فعلا دا اهم بكتيييير
(اللهم ارزقنا حبك وحب من احبك وحب كل عمل يقربنا الى حبك)

امين

اللهم آمين ..

فعلاً يا دكتوره حضرتك عندك حق

... انا فى ناس مش مقتنعه بكلامى ده بس انا دايماً بقول

Security is Happiness

و احنا دايماً فى الحياه بندور على الأمان من غير ما نشعر و بيتهيألنا اننا بندور على السعاده .. و اى طريق الانسان بيسلكه بيكون علشان يلاقى الأمان ,.. البعض بيدور على الامان فى الحب .. و البعض بيدور عليه فى المال .... و البعض فى المنصب و الجاه ,.... الخ ...

علشان كده الانسان اللى ربنا بيحبه بيكون حاسس بالسعاده .. لأنه حاسس بالأمان .. اللى لقاه فى حب الله ... او اللى لقاه فى حب "فى الله " .

[dr.noody]

متالق كالعادة يا د/ احمد
مافيش كلام يعبر عن اعجابى بكلماتك
تسلم ايديك وفى انتظار الجديد دايما

[NeScaFE]

خلينا بعيد احسن لى ... و احسن لك انت كمان

خايف مقدرش اقاوم ... و الحب عليا يبان

و انا مهما قدرت أدارى ... فى الآخر انا انسان

و فى يوم راح اسلم قلبى ... و سهام حبك هتصيبنى

اذا احببت شخصا فتمسك به ولاتتركه....فالناس فى الحب نوعان........منهم من يجده ومنهم من يقضى حياته يبحث عنه ولا يجده............فاذا وجدته لاتتركه
عموما كلام جميل يا دكتور احمد.......................بالتوفيق

[dano_90]

روعــــــــــــــــــــــــــه بجـــــد

شاعـــــــــــر سوبـــــــــر ستــــــــار المنتــــــــدى

أحيانــــــا البعـــــــــد وعذابه بيكون أرحم من قســــــــوه الجرح


بس مش دايما بيبقى حل صحيح "أحيانــــــــا بتبقى سلبيــــــــــه"


عمومــــــــــــاً ربنـــــــــا يسعدكـــــ ويسعـــــــــد الناس كلهــــــــــــــا




قصيدهــــــــــــــ رائعه كالعادة "وده العادى من بنك مصر "ـــــــــــــــــــ

[ahmedofegypt]

متالق كالعادة يا د/ احمد
مافيش كلام يعبر عن اعجابى بكلماتك
تسلم ايديك وفى انتظار الجديد دايما

شكراً جزيلاً د / نودى .. تسلمى على كلماتك ..

اخجلتم تواضعنا

-----

خلينا بعيد احسن لى ... و احسن لك انت كمان

خايف مقدرش اقاوم ... و الحب عليا يبان

و انا مهما قدرت أدارى ... فى الآخر انا انسان

و فى يوم راح اسلم قلبى ... و سهام حبك هتصيبنى

اذا احببت شخصا فتمسك به ولاتتركه....فالناس فى الحب نوعان........منهم من يجده ومنهم من يقضى حياته يبحث عنه ولا يجده............فاذا وجدته لاتتركه
عموما كلام جميل يا دكتور احمد.......................بالتوفيق

ربنا يوفقنا كلنا ... و نجد الحب الحقيقى ...

ربنا يبارك فيكِ ...

شكراً على الرد

-----

روعــــــــــــــــــــــــــه بجـــــد

شاعـــــــــــر سوبـــــــــر ستــــــــار المنتــــــــدى

أحيانــــــا البعـــــــــد وعذابه بيكون أرحم من قســــــــوه الجرح

بس مش دايما بيبقى حل صحيح "أحيانــــــــا بتبقى سلبيــــــــــه"

و احياناً بيكون خوف من الجرح ... و خصوصاً ان اللى جرب الجرح مره بيبقى صعب عليه ينجرح تانى ... و حتى اللى مش انجرح بيبقى خايف من الجرح .. و خايف من المجهول ... بس زى ما قولت قبل كده ...

it's all about trust >> then Security >> then Happiness

عمومــــــــــــاً ربنـــــــــا يسعدكـــــ ويسعـــــــــد الناس كلهــــــــــــــا

اللهم آمين

قصيدهــــــــــــــ رائعه كالعادة "وده العادى من بنك مصر "ــــــــــــــــــ

"مش عارف .. متهيألى استمر كانت احسن ـ

نورتى و انستى و شرفتى يا دينا