ارجو مساعدتكم

[غير مسجل]

السلام عليكم
انا عايزة اخد رايكم في موضوع يا ريت تقوليلي رايكم بصرااولا انا الحمد لله خلصت 3 ثانوي وكمان خلصت تنسيق وجالي صيدلة المنصورة بس انا مجموعي يوديني اسنان اسماعيلية وانا كنت عايزة صيدلة بس فيه فرق كبير بين مجموعي وبين صيدلة واسرتي مش راضين عن صيدلة عشان انا كدا اساويت مع الي جايب اقل مني بكتير وعايزيني احول اسنان اسماعيلية وانا عارفة ان الكليتين حلوين بس محتارة اعمل ايه
ثانيا انا عايزة اعرف هل اسنان ليها تكليف وايه رايكم في اسنان اسماعيلية ارجوكم المساعدة .
حة واعمل ايه بسرعة

[Mouri Ran]

بصي أنا زميلتك وجايبة من غير المستوى 407 وبيه 412 والتالتة على المحافظة .. وإن شاء الله داخلة صيدلة
أهممممم حاجة رغبتك انتي خصوصًا انهم في البيت مش عايزينك تدخلي طب مثلًا (اللي هي منتهى آمال آباء كتير وفعلا بيشوفوها تفرق عن صيدلة)
صيدلة وأسنان قريبين من بعض في التنسيق بس بينهم فرق كبير جدا في الدراسة وفي مجال الشغل
ففكري كويس الأول أسنان مختللللفة ..
أنا بردو قدامي أدخل طب بسهولة جدا وأدخل أي كلية عايزاها بس أنا مش عايزة طب ولا عايزة طب أسنان ومش عايزة غير صيدلة لإني حابة صيدلة
المجموع دا مش فلوس على فكرة تشتري بقيمتها المفروض انتي ليكي رغبة سواء تحصلي طب أو طب أسنان أو صيدلة رغبتك هي اللي بتحدد الكلية اللي تدخليها مش مجموعك
ربنا يوفقك يا رب وتدخلي اللي بتحبيه وتتفوقي فيه بإذن الله.

[اميرة الاندلس]

السلام عليكم
انا زيك كنت ممكن ادخل اسنان بس انا كتبت رغبه اولى صيدلة المنصورة و الحمد لله حصلت عليها ومفيش حاجة اسمها استخصر مجموعى ده مستقبلك و انا من انصار كلية صيدلة يلا يمكن نبقى زملاء
وربنا معاكى

[عبدالله عبدالرحمن]

أولا مبارك لكى الأنتهاء من هذه الفترة الحرجة فى حياة الطالب المصرى
وسعدت جدا بردود زملائك التى تعبر عن فكر واضح واختيار حاسم
نابع عن الأقتناع بكليتهما
والأمر هنا لا يتعلق بالمجموع
فالمجموع مجرد أدة من الأدوات التى تساعدك فى الوصول الى هدفك
فلو كان هدفك الوصول الى كلية الصيدلة
فقد حققتى ذلك وانتهت مهمة المجموع بمجرد التحاقك بالكلية
بل فى الحقيقة انه لن يميزك كثيرا عن باقى زملائك فى نفس الكلية
لأن المرحلة الجامعية مرحلة مختلفة اختلافا
كاملا فى طبيعتها واحتياجتها عن المرحلة الثانوية
فإذا كانت رغبتك الحقيقية هى دخول كلية الصيدلة
فاعتقد ان هذا هو الخيار الأصوب ان شاء الله
أما اذا لم يكن لكى موقف محدد
فيجب ان تحسمى الأمر من خلال بعض الحسابات
أولا ان تتعرفى بشكل جيد على طبيعة
الكليتين المتاحتين سواء الدراسة أو العمل
ثانيا وهو قدرتك على احتمال الغربة والسفر
للإسماعلية وانه لن يكون سببا فى تقصيرك لا سمح الله
فى الدراسة
وفى النهاية لا تنسى أبدا الإستخارة بالله عز وجل
ليمن عليك بالأختيار الصواب

[غير مسجل]

انا كمان مجموعى كان يودينى اسنان وكان راى بابا نفس راى باباكى بس انا قولتله انى هدخل الكلية الى انا عاوزاها علشان اقدر احقق فيها النجاح الى بتمناه وبجد نصيحة ليكى طريق الاسماعيلية مرهق جدا عليكى وهتتعبى فى السفر بس الراى الاول والاخير ليكى واكيد اهلك هيحترموا رغبتك

[غير مسجل]

اولا انا بشكر كل الي ردوا على الموضوع وساعدوني
ثانيا : انا الحمد لله اخذت القرار اني هفضل صيدلة عشان انا بحبها وكانتحلمي من ايام الطفولة بس الي كان مخليني ترددت اني نفسي افرح اهلي وادخل حاجة هم بيحبوها حتى لو مكنتش عايزها طالما انها مش حرام وانا بشكركم مرة تانية على الرد والاهتمام

[Amira]

اولا انا بشكر كل الي ردوا على الموضوع وساعدوني
ثانيا : انا الحمد لله اخذت القرار اني هفضل صيدلة عشان انا بحبها وكانتحلمي من ايام الطفولة بس الي كان مخليني ترددت اني نفسي افرح اهلي وادخل حاجة هم بيحبوها حتى لو مكنتش عايزها طالما انها مش حرام وانا بشكركم مرة تانية على الرد والاهتمام

بالتوفـيق إن شـاء الله

[chemist girl]

السلام عليكم
انا زيك كنت ممكن ادخل اسنان بس انا كتبت رغبه اولى صيدلة المنصورة و الحمد لله حصلت عليها ومفيش حاجة اسمها استخصر مجموعى ده مستقبلك و انا من انصار كلية صيدلة يلا يمكن نبقى زملاء
وربنا معاكى

وانا زيك بالظبط كان قدامي اسنان بس فضلت صيدله عشان اللي سمعته عتها حببني فيها