اللى عنده حد ناجح يرفع ايده...

[الملاك الضاحك]

السلام عليكم ورحمه الله وبركاته
بســـــــــم اللـــــــــــه الرحمــــــــن الرحيـــــــــم

ازيكم يا دكاتره أخباركم ايه يارب تكونوا بخير
ويارب يكون الكل فى مزاج عال وأخر انبساط

أكيد كلنا عرفنا ان نتيجه الثانويه العامه ظهرت
منذ ساعات قليله

أى حد من الدكاتره عنده أخ أو اخت أو قريب
كان فى مرحله الثانويه يدخل يقولنا عمل ايه
ويارب يكون وفق الجميع فى النتيجه
والكل يكون حاسس برضا وانبساط

يللا أدخلوا طمنوننا على معارفكوا عشان ندخل
الفرحه على المنتدى
وكلنا نفرح معاكوا ونبارك لكوا من كل قلبنا

فاكرين لحظه ظهور نتيجه الثانويه بتاعتنا
كان احساس مخيف بس فى نفس الوقت
كان احساس فى غايه الروعه
أكتر من 7000 طالب مروا بالاحساس ده
النهارده وربنا مع الجميع ويوفق الكل يارب

يللا محتاجين نبارك للناجحين
وياريت اللى يدخل يبارك لحد ميدخلش بأيده
فاضيه أحسنله

[تابعة محمد]

بسم الله الرحمن الرحيم

ليا الشرف انى اجب اول واحدة ..........

اليوم ده بالنسبة لى ايام نجاحى ، كان لايوصف ......... مش كنت مصدقة نفسى .
و قلت اخيرا عملتها وربنا وفقنى ......... وطلعت فوق السرير واعقدت انا و اخويا الكبير نتنطط و نغنى الناجح يرفع ايده .

و الاجمل لما الناس جات تبارك .......... الواحد حس انه مقبل على حاجة جديدة و انه عروسة ، مع انى معرفش احساس العروسة بيكون ازاى .

المهم يعنى علشان طولت عليكم
ابن عمتى وفى تانية 98.5
اخت صحبتى و مش هتعرف تدخل 98.5 بس فى تالتة بقى .

بالتوفيق للجميع و الف مبروك .

[asfourelgana]

الحمد لله ع كل حال

ابنى اللي ربيته ع ايدى خيب املى

بس الحمد لله قدر الله وماشاء فعل

[Dr/HULK]

هههههههههههههههه النهاردة جبنا جون

الواد الصايع اخويا فى تانية ثانوى

ماشاء الله

جاب 98.3

ههههههههههه انا بدأت اخاف من نتيجتى

البيت كله فحان ومش ناقصة نكد

[ضياء القلب]

ر بنا يقر اعين الجميع بنتيجة تفرحهم ياااااااارب
بنت خالى ف تانية
الحمد لله 95
بس بصراحة مجاميع الاولاد عندنا فاقت البنات بكتيييييييير لاول مرة من سنين طويلة

[dr emy.hassan]

احنا عندنا اربعة
احمد 93.5

اسماء 98.7

محمد 96.8

ايمان 98

[drpinkysnow]

بنت عمتى جابت 95 فى تالتة
زعلانة جدا وبتعيط من ساعتها لانها مش عارفة المجموع دة هيدخلها اية؟
ربنا يستر

[ضياء القلب]

باذن الله تدخل الكلية اللى بتتمناها
ربنا معاها ان شاء الله ويوفق الجميع

[asfourelgana]

بنت عمتى جابت 95 فى تالتة
زعلانة جدا وبتعيط من ساعتها لانها مش عارفة المجموع دة هيدخلها اية؟
ربنا يستر

طيب خليها تفرح

غيرها اقل منها بكتير

الحمد لله

[~AnaLgEs!A~]

أختى ...... سنة تالتة

99 %

الحمد لله