تشرف أسرة إعرف حقك بالتعاون مع لجنة الجوالة والخدمة العامة، بأن تدعوكم للمشاركة في حملة تنظيف وتجميل ساحة الكلية، وذلك يومي الخميس 21\4 والسبت 23\4،,وبرنامجنا هيكون كالتالي:
1-دهان الرصيف
2- توزيع الزرع في كل مكان في الساحة
3- توزيع سلات القمامة في كل الأماكن
وهانوفر كل الأدوات المطلوبة إن شاء الله،،، ياريت كلنا نشارك عشان نحافظ على كليتنا و نجمل مظهرها ، ونحافظ على المظهر الحضاري العام،،
للاستعلام:
المقرر المساعد محمد ناصف 0119666522
أمين لحنة الجوالة محمد الطوبشي 0106029990
فكره رائعه بس احتمال السبت يكون اجازه وكمان الخميس اجازه ياريت لو الميعاد يتغير
السبت ان شاء الله يا دكتورة هيكون دراسة عادي ... و الحملة ان شاء الله هيكون دورها في اليوم ده بسيط جدا ....
لاننا ان شاء الله هنخلص الشغل التقيل كلوا يوم الخميس .... اما بقى عن الخميس اجازة ف ده اليوم الوحيد اللي هتكون فيه الكلية هادية فده ان شاء الله هيساعدنا على انجاز الحملة في وقت اسرع .... بس ان شاء الله هيكون يوم حلو اننا سوا نزلنا عشان ننضف كليتنا و ندهنها .. يا ريت كل الناس يبقوا معانا
إن شاء الله هايبقى يوم جامد وهايبقى ليه نتيجة إيجابية في الكلية،، أهم حاجة الناس كلها تشارك عشان نحس فعلا إن احنا اتغيرنا وبدأنا نغير في الواقع حوالينا،،،
بالتوفيق إن شاء الله
فكرة جميله ماشاء الله
وباذن الله مع حضارتكم
وان شاء الله هتبتدوا من الساعه كام ؟
بس السبت اجازه فعلا د الشابورى اكد لينا كده امبارح
الدكتورة ماجدة فعلا قالت إن السبت أجازة، وخلاص الأسرة قررت إن الحملة هاتكون يوم الخميس فقط إن شاء الله، هانبدأ من الساعة 12 وهانستمر في الشغل لحد ما نخلص بإذن الله،، نتمنى تكونوا معانا وتشاركونا ونعمل حاجة كويسة كلنا مع بعض
الله يبارك فيكم
حمله موفقه ان شاء الله
ايه الاخبار يا جماعه
عملتوا ايه النهارده؟
ضوابط المشاركة
.gif "Fop (18)")
.gif "Fop (29)")
رد مع اقتباس