فكر بعقلك قبل ما تغضب وتحكم عواطفك
السلام عليكم ورحمة الله وبركاته
دي حالتي وانا شايف الناس بدات تشتم بعض وتتهم بعض
يا جماعة نهدى شوية مينفعش اللي بيحصل بيننا ده
لو الموضوع ده هيخلي كل واحد يخون التاني ويشوف التاني خاين و مبيحبش وطنه هنتشاكل مع بعض وهننسى المشكلة الرئيسية
كلنا شايفين الاستقرار بطريقة مختلفة
كلنا بنحب البلد وخايفين عليها
مينفعش اللي بيحصل بيننا
الناس بتتهم بعض بالباطل بالخيانة والعمالة وعدم الوطنية
لاحظوا ان احنا بدأنا نتفرق ونتشاكل ونختلف
وده المطلوب مننا من ناحية اي عدو لينا
مبدأ فرق تسد متخلهوش ينتشر ما بيننا
الناس بتموت بعض واحنا قاعدين بنتشاكل انت مش وطني وانت اخوان وانت مبتحبش البلد
ربنا بيقول
( ولا تنازعوا فتفشلوا وتذهب ريحكم )
بغض النظر عن مين الصح ومين الغلط
كلنا قلبنا على البلد دي وبنحبها وكلنا نفسنا يرجع ليها الاستقرار والامن والامان
كلنا نفسنا البلد تنهض وتكون احسن بلد في الدنيا
متخلوش اختلاف الآراء يوقع بيننا
مهما كنت متعصب لرأيك
مهما كنت غاضب من اللي بيحصل
مهما كنت مضايق من الرئيس
مهما كنت شايف ان الوضع لايمكن السكوت عليه
مينفعش ابدا ان احنا نشتم بعض او نتهم بعض بالخيانة وعدم الوطنية
انا كتبت الكلام ده لان لقيت الناس بدأت تغلط في بعض
وده لايجوز بين المسلمين اولا
وبين ناس مثقفين متحضرين ثانيا
اللهم اكشف عنا البلاء
وفرج عنا الكرب و ارحمنا وصبرنا على مبتلانا
يا رب اغفرلنا ذنوبنا و تحاوز عن زلاتنا وخطاينا
كل واحد يتوضى ويصلي لله انه يفرج عننا الكربة اللي احنا فيها احسن من انه يسب التاني ويلعنه ويشتمه
رد مع اقتباس
المشاركة الأصلية كتبت بواسطة a_fouda2
