لقاء طلابي مع أعضاء اتحاد الفرقه الثالثه--هام جدا

[L SMA7Y]

السلام عليكم ورحمه الله وبركاته

يوم الثلاثاء القادم ان شاء الله هيكون في لقاء طلابي مع ال 14 طالب أعضاء اتحاد الطلبه للفرقه الثالثه

اللقاء هيكون في مدرج الفرقه الثالثه

كل عضو من اعضاء الاتحاد هيعرض علينا البرنامج اللي هينفذه ان شاء الله خلال الترم دا فقط

وفي اخر اللقاء هنطرح عليهم كل استفسارتنا واقتراحتنا ومشاكلنا ونتكلم معاهم في ارائهم في كل حاجه تخصنا

متنسوش يوم الثلاثاء القادم (( 5/4 )) الساعه 3 في مدرج الفرقه الثالثه


وجودنا كلنا ومشاركتنا تدل علي مدي تحملنا للمسؤوليه ورغبتنا في المشاركه الفعاله من جانبنا وجانبهم


في انتظاركم كلكم


شكرااا

[da_mysterous]

سبقتنى يا سماحى ...وبعدين استنى هنا هو ايه اللى متنسوش ..؟
كل واحد مفروض يروح اللقاء ده كل واحد مفروض يروح عشان يعرف مين اللى هيمثله ...
كل واحد يروح عشان يعرف لما يبقى فى حاجه وعاوز اوصل فكرتى وصوتى هيبقى مع ممثلى الطلبه دوول
باختصار دوول مجلس الشعب واحنا الشعب ..وديه عامله زي جلسه حلف اليمين ....
هتحضر ولا هتبقى تتفرج على الصور والفيديوهات ويتحكالك من صحابك ؟؟
من الاخر الطلبه كلها تروح عشان تعرف الدنيا ف الكليه تبقى ماشيه ازاي ...
مش انت رحت انتخبت وحطيت صوتك وسواء اللى انت اختارته هو اللى بقى مرشح او غيره ...
دلوقتى اللى يخليك تروح تنتخب ...يخليك تروح تشوف الناس اللى احنا انتخبناهم دوول هيعملوا ايه وايه فكرهم وياترى...كل طالب عضو ف الاتحاد ايه اللى هيقوله عشان الكلام ده هيبقى مسؤول عليه ...

[L SMA7Y]

تمام يا هادي

وكمان وجودنا كلنا ادام اعضاء الاتحاد ,, هيحسسهم بالمسؤوليه اكتر ,, وهعرفهم ان في ناس كتير متابعه اللي بيعملوه وبيراقبوهم وهيحاسبوهم ويشوفوا صوتهم وصل للمكان الصح ولا الغلط

طالما بدأنا حاجه صح وكويسه لازم نكملها للاخر

لقاء يوم الثلاثاء مش هيكون اخر لقاء ان شاء الله


دا البدايه ,, دا هيكون زووم علي الاتحاد وعلي برامجه ,, بعد كدا اللقاءات اللي جايه هتبقي مراقبه لكل اللي عملوه ونقول 1 2 3 اتنفذ و 1 2 3 متنفذش وليه


برضه هقولكم في انتظاركم ومتنسوش

[Wagdy*Resala]

فعلا اهم حاجة نتواجد كلنا عشان نشوف كلنا نتيجة تصويتنا و اختيارتنا و ربنا يوفقك الاتحاد الجديد

[الجنة مرادى]

ان شاء الله لازم نحضر

[L SMA7Y]

السلام عليكم
تقرير صغير عن اللقاء بتاع اتحاد الطلبه النهارده
الحضور كان بالنسبه ليا مرضي بالنسبه لاول لقاء ,, وكان في حوالي 200 علي مدار اللقاء
مبعرفش اعد علي فكره

كان في كلام كتير كنت عايز اقوله في البدايه بس الوقت مأسعفنيش علشان اللي كان وراهم سكاشن او كورسات
بس كان اهمها ان كنت عايز اوجه شكر للاسر الجديده والمجهود الكبير اللي بيبذلوه والنشاطات اللي بدأوا في تنفيذها واهمهم اسره بدايه واسره اعرف حقك


اللقاء ككل كان مرضي بالنسبه ليا ,, عرفنا اعضاء الاتحاد بصفه شخصيه اكتر وسمعنا كل واحد فيهم وعرفنا بيتكلم ازاي وكسرنا حاجز الاحراج ا للي بينا وبنهم
عرضوا جزء من البرامج اللي ناويين يعملوها واتوجهت ليهم اسأله في وجهه نظري انها كان مجرد تسخين ولسا التقيل مجاش
وفي اللقاءات التانيه ان شاء الله يكون في تفاعل اكتر واكتر
بشكر كل اللي اهتموا بمتابعه حقهم وطلباتهم وجم اللقاء واتمني في اللقاءات التانيه يكون في وجود اكتر واكتر ان شاء الله

وياريت زي مقولت في الاخر مش شرط نستني لقاء او اننا نتجمع في مدرج علشان نعرض عليهم طلب او مشكله ,, الشباب دول قبل ميبقوا اعضاء في الاتحاد تم نزع سلاحهم ومبيعضوش
فمش هيحصل اي حاجه لو وقفنا اي حد منهم في اي وقت وناقشناه في المواضيع الكتير الي اتفتحت النهارده


اتمني ان لو حد ليه اي تعليق او اي ملحوظه علي لقاء النهارده يقولها علشان اخد بالي منها في تنظيم اللقاءات الجايه ان شاء الله

[Dr Deya]

انا عايز اتكلم بدري ياسماحي .........................

[L SMA7Y]

هههههههههه
عنيا الاتنين يا ضياء
انا قولت انا بخدمك لما أأخرك شويه علشان تاخد علي الجو وتجهز كلامك وتشوف الاسأله ماشيه ازاي

بس خلاص اللقاء اللي جاي ان شاء الله هيكون خلاص كل اخد علي الجو فهيكون في نفخ من اوله عن كدا ,, وهتتكلم انت الاول يا ريس

[Aésmaïl]

سماحــى ,, التقديم كان جامد النهارده D:

طلبى بقى ..
للمره التانيه .. وبرضو مشوفتش كمال وهو على الإستيدج
كان عندى سكشن فى نفس ذات اللحظه
بعد كده .. كمال ميتكلمش غير لما اكون موجود

رضوا جزء من البرامج اللي ناويين يعملوها واتوجهت ليهم اسأله في وجهه نظري انها كان مجرد تسخين ولسا التقيل مجاش
وفي اللقاءات التانيه ان شاء الله يكون في تفاعل اكتر واكتر

واحد صاحبنا كان عامل برنامج وهمى كده .. ربنا ستر عليه النهارده

اتمني ان لو حد ليه اي تعليق او اي ملحوظه علي لقاء النهارده يقولها علشان اخد بالي منها في تنظيم اللقاءات الجايه ان شاء الله

المواعيد تبقى مظبوطه يا أخ ..
3 يعنى 3 , وخلى ضياء يتكلم بدرى شويه ..

[L SMA7Y]

للمره التانيه .. وبرضو مشوفتش كمال وهو على الإستيدج
كان عندى سكشن فى نفس ذات اللحظه
بعد كده .. كمال ميتكلمش غير لما اكون موجود

هحجزهولك المره الجايه ,, بس اللي فاتك قابيل مش كمال

واحد صاحبنا كان عامل برنامج وهمى كده .. ربنا ستر عليه النهارده

والله ابراهيم دا عسل ,, وحاسس ان عنده اصرار كدا وهيعافر في تنفيذ برنامجه ومش هستني ولا اتحاد ولا حد وهيمشي من نفسه ,, وكفايه كلمته اللي في الاخر اللي قالها ,, اللي نفسي الكل ياخد نفس مبدأه

المواعيد تبقى مظبوطه يا أخ ..
3 يعنى 3 , وخلى ضياء يتكلم بدرى شويه ..

احنا اتاخرنا شويه علي مالناس تتجمع الطلبه والاعضاء بتوع الاتحاد
وخلاص المره الجايه ان شاء الله ضياء هو اللي هيبدأ من عنيا الاتنين