وزير الصحة: إلغاء قرار الجبلى الخاص بال40 مترا حد الأدنى لمساحة الصيدلية قريباً

[L SMA7Y]

أكد د.أشرف حاتم وزير الصحة والسكان على إصدار قرار خلال أيام قليله بإلغاء تقييد الحد الأدنى لمساحة الصيدلية ب 40 مترا بدلا من 25 مترا وهو القرار الذى أصدره د.حاتم الجبلى وزير الصحة السابق والمعوق لخريجى الصيدلة واحتياجاتهم كمبتدئين.
كان ذلك فى لقاء وزير الصحة بممثلي الصيادلة والذى يضم د. محمد عبد الجواد القائم بأعمال نقيب الصيادلة ود.أحمد رامى أمين الصندوق بنقابة الصيادلة ، ود.سيف الله إمام الأمين العام المساعد، ود.عبد الله زين العابدين الأمين العام، أمس الثلاثاء بمقر وزارة الصحة لمناقشة مشاكل الصيادلة والأدوية فى مصر.
ومن جانبه أوضح الدكتور أحمد رامى أن اللقاء دار فيه مناقشات حول ما يعانى منه قطاع الصيدلة فى مصر وتأتى فى مقدمته أن شركات الأدوية تتبع لوزارة الأستثمار وليس وزارة الصحة، واصفا إياه "بالوضع المقلوب الذى يحول مصانع الأدوية المملوكة للدوله إلى مصانع استثمارية.
وأضاف رامى أن وزير الصحة أكد أن قرار تبعية مصانع الأدوية لوزراة الصحة ليس قرار فى يديه وحده، ولكنه وعد بإعادة النظر فيه كما وعد بإعادة النظر فى نظام تسعير الأدوية التى لا يتناسب مع احتياجات المرضى الفقراء منتقدا استمرار سياسات الجبلى الغير منطقيه بربط أسعار الدواء فى مصر بالأسعار العالمية .
كما أكد على أن وزير الصحه قد وعد برفع أجر الطبيب الصيدلى إلى 1200جنيه شاملا للحوافز والنوبتيجات منذ أول يوليو القادم .

[Anas]

يعني هو كده هيبقى 25 متر حلو يعني

بالعكس ... 40 متر كانو كويسين جدا

و انا حتى شايفهم قليلين كمان

[L SMA7Y]

يعني هو كده هيبقى 25 متر حلو يعني

بالعكس ... 40 متر كانو كويسين جدا

و انا حتى شايفهم قليلين كمان

ماهو يا دكتور اللي في مقدرته يشتري 40 متر يشتري واللي عايز يشتري اكتر يشتري

بس الفكره ان 40 متر كتير فعلا ,, هنعمل فيهم ايه

مش محتاجين نعمل استراحه ولا مكتبه ولا كافيه في الصيدليه

هي كفايه اوي صيدليه لبيع الادويه

[asfourelgana]

يعني هو كده هيبقى 25 متر حلو يعني

بالعكس ... 40 متر كانو كويسين جدا

و انا حتى شايفهم قليلين كمان

مش كل الناس ليها نفس وجهة النظر

ماهو يا دكتور اللي في مقدرته يشتري 40 متر يشتري واللي عايز يشتري اكتر يشتري

بس الفكره ان 40 متر كتير فعلا ,, هنعمل فيهم ايه

مش محتاجين نعمل استراحه ولا مكتبه ولا كافيه في الصيدليه

هي كفايه اوي صيدليه لبيع الادويه

تمام

شكرت ع الموضوع يا دكتور

[muna7assan]

أنا كمان مش عاجبنى

40 متر دى كنت حاساها صغيره أصلا .

[chocolata]

الحقيقه انا بتفق مع نقطه ان المساحه مش مهم بس اكيد مش بصفه مطلقه يعنى 25 اول بدايه لمساحه كويسه

والمهم هو انا نقدر نراعى المرضى بكل المستويات وخاصه الفقراء

ومفيش مانع يبقى متوسط مساحه الصيدليه هو الافضل لصيدليه ذات امكانيات وكفاءة

فى الرينج من 25 الى 40 معقول

واللى عاوز يكبر اكتر مفيش مشكله مهياش مساحه ثابته

المهم انها تكون صيدليه ممتازة فقط من حيث النظافه خلافه من الامور اللى تخدم المظهر العام لها
شكرا دكتور سماحى على عرض القرار

[L SMA7Y]

تمام يعني تحديد الحد الادني ب 25 متر مثلا دي حاجه كويسه

انما مجبرش الناس علي حد ادني 40 متر ,, لانها بجد كتير اوي يا جماعه

حد فيكم تخيل 5*8 متر يا جماعه

مش متخيل هما صغيرين ازاي

هو انا مش بقالي 3 سنين بقف في صيدليااااات وشايف

هو انا مدخلتش اشتري من صيدليات قبل كدا وشايف نظام الصيدليات ايه

وكل واحد ورأيه طبعا

[SHEREIF]

يعني هو كده هيبقى 25 متر حلو يعني

بالعكس ... 40 متر كانو كويسين جدا

و انا حتى شايفهم قليلين كمان

وانا معاك يا انس انهم قليلين جدا كمان انا اصلا نفسى الصيدلية تكون شقة كاملة ويكون ليها معمل كبير وكل حاجة مجهزة بيها
لكن ما ينفعش انه يكون الحد الادنى 40متر
لازم اراعى ظروف الناس اللى لسه فى البداية ما اعملش قانون لناس معينة واقول اللى اقل منهم يتصرف هو
مليش دعوة هو القانون كدة واللى عاجبه بقى
لا ابدا لازم كلنا نكون ايد وحدة ونكون مع الصح والافضل لينا كلنا مش الافضل لفئة معينة
واللى عاوز يعمل صيدلية كبيرة محدش هايعترض يعنى لو عملت صيدلية 100متر محدش هايقولك لا ولا ايه

[محمد سمير]

خبر كويس

منتظرين هذه القرارات