ايه رأيكم في موقف اتحاد طلاب كليتنا ؟؟؟

[L SMA7Y]

السلام عليكم ورحمه الله وبكاته

-******************-

أولا بطلب من الناس اللي بتعمل تصويت علي الاستفتاء قبل متقرأ الموضوع ,, انهم يقرأوا الموضوع الاول وبعد كدا يقولوا رايهم



-*****************-

ثانيا عارف ان يمكن يكون دا مش القسم المناسب للموضوع

بس شايف ان الموضوع دا ميتفتحش غير في قسم مصر علشانه حصل بسبب اللي بيحصل في مصر ,, ومحتاج مناقشه بناءا علي اللي بيحصل في مصر مش في الكليه


-********************************-

ثالثا :: عايزين نعرف رأيكم في موقف اتحاد الطلاب بتاع الكليه

يعني شايفين انه يتحل ولا يكمل

-*********-

يوم الاربعاء اللي فات كان في لقاء طلابي في نقابه الصيادله وكنا بناقش كلنا فيه حقوق وطلبات طلاب الكليه

واتناقش فيه اغلب المواضيع تقريبا

وكان من ضمنها موضوع اتحاد الطلاب

وكان في حضور رئيس الاتحاد والمساعد وبعض اعضاء الاتحاد

وقبل منقول رأينا في موقف الاتحاد لازم نعرف ايه اللي هيحصل لما الاتحاد يتم حله

عرفت من الدكتور عامر ومحمد الجوهري ان في حاله حل الاتحاد مش هيتعمل انتخابات السنه دي

لا هيتم ((( تعيين ))) لجنه من قبل اداره الكليه علشان تقوم بعمل اتحاد الطلبه لحين عمل انتخابات ,, ودا السنه الجايه ان شاء الله .


فادامنا حاجه من الاتنين

1- الاتحاد يقدم استقالته (( وهتكون الاستقاله دي علشان يواكب الظروف اللي في مصر ويكون تسجيل منه علي اعتراضه هو اولا قبل كل الطلبه ,, علي الطريقه اللي تم تعيينه بها من قبل امن الدوله ))




وبخصوص اغلب اللي ماسكين الاتحاد من الفرقه الثالثه فهما شباب محترم وكويس جدا ويمكن اللي في باقي الفرق غير الفرقه الثالثه ميعرفهمش بس هما ملهمش مصلحه انهم يفضلوا متمسكين بالاتحاد

وفي حاله انهم هيقدموااستقالتهم هيتم تعيين لجنه من الكليه تقوم بعمل الاتحاد ,, واحتمال كبير يكونوا هما برضوا اللي مساكين اللجنه دي علشان هما في الوقت دا ادري الناس بميزانيه الاتحادوجهزوا نشاطات يعملوها في الترم التاني

ويمكن تتعين لجنه تانيه برئاسه طلاب تانيين ممكن يكونوا من الاتحاد بتاع السنين اللي فاتت أو غيرهم .


2-الموقف التاني انهم يكملوا السنه في مكانهم من غير تقديم استقالتهم والسنه الجايه ان شاء الله تتم الانتخابات زي ما الكل عايز


-***************-

برضه علشنا ابقي نقلت الصوره كامله اتعمل استفتاء في اللقاء الطلاب يوما لاربعاء والاغلبيه كان انهم يقدموا استقالتهم ويتعين لجنه


-*************************-

فاتمني نفكر بموضوعيه وبطريقه كويسه من غير تجريح في حد ونعرف ان الاتحاد اللي موجود ايا كان اعضاءه كانوا هيتم تعينهم بنفس الطريقه وان وجودهم ميعبش فيهم ابدا وبلاش نشكك فيهم لاني اعرف اغلبهم من اول سنه في الكليه وناس الكل يشهدلهم بحسن الخلق,, ويمكن مشوفناش لسا نشاطات ليهم في الترم الاول بس اللي عرفته انهم مجهزين نشاطات كتيره الترم التاني ان شاء الله

-**************-

بالتوفيق للجميع

شكرا

[nosayba]

السلام عليكم ورحمه الله وبكاته
عليكم السلام ورحمة الله وبركاته

-******************-

1- الاتحاد يقدم استقالته (( وهتكون الاستقاله دي علشان يواكب الظروف اللي في مصر ويكون تسجيل منه علي اعتراضه هو اولا قبل كل الطلبه ,, علي الطريقه اللي تم تعيينه بها من قبل امن الدوله ))

بالظبط كدا هو دا رايى
وبجد هتبقى حاجة كويسة قوى لما الطلاب نفسهم هما اللى يبدؤا التغيير (ان الاتحاد يقدم استقالته)

وبخصوص اغلب اللي ماسكين الاتحاد من الفرقه الثالثه فهما شباب محترم وكويس جدا ويمكن اللي في باقي الفرق غير الفرقه الثالثه ميعرفهمش بس هما ملهمش مصلحه انهم يفضلوا متمسكين بالاتحاد
طيب كويس ودا ادعى انهم يقدمو الاستقالةويبينوا اعتراضهم

[المعلم]

ايه هي صلاحيات اتحاد الطلاب؟؟؟؟؟؟؟؟؟؟

[Dr_Cinderellaaaaa]

أنا شايفة انهم يكملو الترم ده و السنة الجاية ان شاء الله يكون فيه انتخابات حقيقية كل الطلبة يشاركو فى اختيار الاتحاد و بعدين العيب مش فى أعضاء الاتحاد..العيب فى أسلوب تشكيله..المفروض يكون بالانتخاب و ليس بالتعيين..
لأن معظم الدفعة عندنا لا نعرف مين الطلبة اللى فى الاتحاد أصلا..وده كلام أنا متأكدة منه

[L SMA7Y]

ايه هي صلاحيات اتحاد الطلاب؟؟؟؟؟؟؟؟؟؟

نشاطات طلابيه مختلفه ترفيهيه وعلميه وغيره ,, يوصلوا صوت الطلبه لاداره الكليه


وأكيد في نشاطات واختصاصات تانيه مش عارفها



حد غيري من اللي بيعرف في الحجات دي هو اللي يقول

[تابعة محمد]

بسم الله الرحمن الرحيم
انا شايفة انها مش هتفرق كتير لان اللجنة او حتى الاتحاد كلهم معينين .
علشان كده الاتحاد يكمل و اعتقد انه هيحاول يقدم امور جميلة علشان يحسنوا الصورة و كمان كدعاية ليهم علشان لو هينزلوا الانتخابات السنة الجاية .
و سؤال كده اللجنة هيتم اختيارها ازاى ؟ او على اى اساس ؟

[متفائل]

أحيى الزملاء الذين قاموا فتح هذا النقاش القائم على الحوار و الاحترام

و بطبيعة الحال فإننا عندما ننتقد الاتحاد فإننا لا ننتقد أشخاص الاتحاد أنفسهم بل ننتقد الطريقة التى جاءوا بها

و هذا لا ينفى اشتراك زملائنا المعيين فى الظلم الواقع على عموم الطلاب

أسأل الله أن يغفر لنا جميعا و أذكر أن مظلمة الناس تتطلب مع الاستغفار رد المظالم إلى أهلها و طلب العفو منهم و الدعاء لهم

و بخصوص الاتحاد الجديد فاعتقد أن الظروف الحالية تتطلب لائحة جديدة تضمن الحيادية و إجراء انتخابات حرة

[L SMA7Y]

و بخصوص الاتحاد الجديد فاعتقد أن الظروف الحالية تتطلب لائحة جديدة تضمن الحيادية و إجراء انتخابات حرة

تمام

والكلام كان عن ان اللايحه اصلا اللي موجوده اللي بيشتغل علي اساسها الاتحاد ,, لايحه بتحجمهم ومش مديالهم مساحه وحريه في التعامل

[مورجان]

الحل هو الحل

[dr moory]

وبخصوص اغلب اللي ماسكين الاتحاد من الفرقه الثالثه فهما شباب محترم وكويس جدا ويمكن اللي في باقي الفرق غير الفرقه الثالثه ميعرفهمش بس هما ملهمش مصلحه انهم يفضلوا متمسكين بالاتحاد

حضرتك بتقول ان اللى فى باقى الفرق ميعرفهمش
وانا من الفرقة الثالثة ومعرفش حتى اسماءهم
احنا عارفين ان ممكن يكون اغلبيتهم ملهمش مصلحة
بس دى كانت حاجة غلط ولازم تتصلح