الخيار العسكري لوضع حد لمجازر القذافي...

[بحلم ببكره]

العرب القطرية / رويترز
نقلت صحيفة «العرب» القطرية عن مصدر مصري مسؤول أن القاهرة أبلغت طرابلس رسميا بأنها قد تتدخل عسكريا بليبيا لحماية مواطنيها، الذين قالت إنهم يتعرضون للقتل بليبيا، حيث تؤكد المصادر مقتل ثلاثين مصريا حتى الآن.
وأضاف المصدر أن مصر اعتبرت تصريحات سيف الإسلام نجل العقيد القذافي التي اتهم فيها المصريين بالمشاركة في الثورة الجارية هناك، وأنهم يستعدون لاحتلال ليبيا، (اعتبرتها) تحريضا صريحا ضدهم.
وقد أعلن الجيش المصري الليلة الماضية أنه أقام مستشفيين ميدانيين ومخيمات على الحدود مع ليبيا لاستقبال المصريين والليبيين الفارين من القتال هناك، والبالغ عددهم قرابة المليوني مواطن.
فيما قال متحدث عسكري لرويترز اليوم الثلاثاء ان المجلس الاعلى للقوات المسلحة المصرية الذي يدير البلاد عزز التواجد الامني عند الحدود مع ليبيا لكنه فتح معبر السلوم الرئيسي لمدة أربع وعشرين ساعة لتمكين المرضى والمصابين من دخول مصر.
وقال المجلس الاعلى للقوات المسلحة على صفحته على الفيسبوك يوم الاثنين ان حرس الحدود الليبي انسحب من جانبه من الحدود بين البلدين.
وقال المصدر العسكري ان المجلس قرر "تكليف القوات المسلحة لعناصر حرس الحدود لتأمين الحدود مع ليبيا وفتح معبر السلوم على مدار اليوم."
ومعبر السلوم هو المعبر الرئيسي على الساحل بين مصر وليبيا. وكان من قبل يفتح لبضع ساعات فقط في اليوم.
_________________________________

بصراحة


ربنا يكون في عونهم
-----

+ YouTube Video

[asfourelgana]

بصراحه مفيش حل غير ان الراجل ده يقف عند حده بقه

كل المجازر دي عشان ايه يعني؟

انا بصراحه مش متخيله مدى الغباء اللي فيه الراجل ده

حسبي الله ونعم الوكيل بجد

وزى ما الدول الاجنبيه اخدت رعاياها بيتهيألي المفروض مصر

تحافظ هى كمان على اولادها اللي هناك

ولا احنا نسيب 30 يتقتلو ونستنى لغاية ما العدد يكبر

عشان منبقاش عايزين نحتلها عشان الاستاذ سيف الاسلام ميزعلش

لا اعتقد زعله اهون بكتير

[NeScaFE]

ربنا ينتقم منه

يللا ربنا يستر

[white light]

الراجل ده شكله مخه ضرب .......ربنا ينتقم منه

[تابعة محمد]

بسم الله الرحمن الرحيم
احنا مقدمناش حل غير اننا ندخل ليبيا بالجيش علشان نجيب رعايانا مش علشان نحتل ليبيا بالتاكيد .
و بعدين ايام السادات القذافى حاول يستهبل و يدخل يحتل جزء من السلوم ، و طبعا السادات مش بيتفاهم ، قام بعت القوات لليبيا و محدش قدر يقف قدمهم و ملقوش حد اصلا يعترض طريقهم و حاصر القذافى فى العاصمة ، وقاله ان اى اى عيل من عيالى ممكن ...... و لابلاش اكمل .
يعنى ميجوش دلوقتى يحملوا مشاكلهم على اكتافنا .اصلا دايما كده ولاد البطة السودة .

[بحلم ببكره]

كل دول بيأيدوا التدخل العسكري

ما شاء الله

[L SMA7Y]

لالالالالالالالا اؤيد التدخل العسكري من الجانب المصري نهااااااااااااائيا في الوقت دا

سواء لفض النزاعات اللي في ليبيا او اي حاجه

يكفينا بس حمايه حدودنا وتأمين رعايانا اللي هناك

انما الجيش المصري عنده في الوقت دا الــــــــف حاجه يعملها

[د///*مطحونة*\\\]

30 مصرى ماتوا!!!
مايستنوا كمان شوية لحد مادمنا يتصفى هناك انا بصراحة مش فاهمة لحد امتى المصريين اللى برا دمهم هيروح هدر طبعا لازم الجيش يتدخل عشان يحمى المصريين اللى هناك مش هيقعدوا يقتلوا فينا واحنا نسكت والجيش يقف يتفرج لازم تدخل عسكرى عشان حماية المصريين وترحيلهم فورا ولو ان القرار دة اتاخر اوى اوى اوى وكل دقيقة فى روح مصرى بتبقى فى خطر لازم الناس دى تتامن وانا شايفة ان الامان الوحيد ان الجيش يتدخل لان الراجل دة مجنون وممكن يعمل المصريين لعبته طالما مفيش حد يقوله لا او يقف قدامه والدليل الخطاب المتخلف اللى ابنه طلع وقاله دى ارواح ناس مالهاش ذنب مينفعش نقضيها تصريحات وكلام فاضى من دة
اللى انا موافقة عليه التدخل العسكرى عشان المصريين اللى هناك
غير كدة لا
لو الجيش يضمن ان مفيش مصرى هناك يتعرض لحاجة بعد كدة يبقى مالوش لازمة التدخل العسكرى بس للاسف معتقدش ان دة ممكن يحصل عشان فى زمن فيه الراجل دة بيحكم دولة مفيش حاجة مضمونة

[juman]

الراجل المجنون ده لازم يقف عند حده ده من جبروته حرق كل الجثث اللى فى المستشفيات علشان يعمل حمله تنظيف! وعايز يعدم كل اللى يعارضه .كل خطابه الاعدام الاعدام الاعدام انا بتهيالى لو الدول العربيه ما ادخلتش المجنون ده هيولع فى الشعب كله

[محمد_على_سلام]

الخيار العسكرى افضل طبعا :
1- عدد المصريين فى ليبيا مليون ونصف (يعنى شعب بحاله هناك) فعددهم يستحق التددخل لحمايتهم
2- الاستقرار الامنى لمصر لانها فى هذه الحالة هتوقف اى حجج للتدخل الاجنبى لليبيا (البعد الامنى لمصر فى الغرب) يعنى علشان ميبقاش اسرائيل من الشرق وامريكا وبريطانيا من الغرب
عيوب الخيار العسكرى :
1- الدخول فى متاهات ليبيا (البعض بيشبهها بتكرار غلطة حرب اليمن )
2-تكاليف اقتصادية وبشرية وارهاق للفرق العسكرية اللى مفترض انها تدخل

على ارض الواقع لا توقعات ابدا بدخول الجيش المصرى لفرض السيطرة فى ليبيا كما ان الخطاب الاخير للقذافى يؤكد قرب سقوطه وليس سقوط نظامه لان هناك مفيش نظام اصلا