ماذا بعد الثوره

[DR.BIBO]

اكيد كلنا فرحانين باللى حصل وانتصار ارادة الشعب وفرحانين برده بان القوات المسلحه طلعت قد المسئوليه وقد ثقة الشعب فيها
لكن المهم دلوقتى ان احنا كلنا نبقى قد مسئولية الحرية ونبنى بلدنا ونحافظ عليها لان بلدنا مش هتتقدم غير بينا
بلدنا محتاجة مننا ان كل واحد فينا يبذل اقصى جهد عنده فى المجال اللى هو فيه
من الحاجات الجميله فى شباب ميدان التحرير انهم رفضو يسيبو الميدان الا لما ينضفوه
فالمطلوب مننا ان احنا كلنا نطهر نفوسنا وناخد نيه جديده فى حياتنا ان احنا نبنى بلدنا وننهض بيها ونشوفهااحسن بلد فى الدنيا لان التحضر الجميل لشباب الثورة (بشهاده كل دول العالم انها من افضل ثورات التاريخ ) لازم يكون نواه لحياة جديدة كلها تحضر ونهضة باذن الله
واهم حاجة نعرف ان لولا حماية ربنا لينا وحمايته لينا وتحقيقة لقوله في مصر(ادخلو مصر ان شاء الله امنين) مكنتش الثورة نجحت
مصر كلها كانت بتدعى ربنا والمنظر الرائع لشباب الثورة وهما كلهم بيصلو مع اختلاف ديانتهم فى اروع مثال للوحده الوطنيه
ومش هلاقى نهايه احسن من قسم شباب التحرير مع الداعيه عمر خالد وهما بيقولو
اقسم ان ابنيها ولا اهدمها
اقسم ان اجمع الايدى ولا افرقها
اقسم بالعزة والرحمه

[ضياء القلب]

منظر رائع هيفضل محفور فى قلوبنا جميعا
وعجبنى اوى منظر كانت بتحكيه واحده من اللى كانوا موجودين ف الميدان بتقول
اثناء التكبير والنهليل المسيحيين كانوا بيقولوا الله اكبر عشان المسلمين اللى كانوا واقفين ف الاخر ومش سامعين
يوصوا ليهم اللى بيتقال ويرددوا معاهم

ربنا يحفظ مصر وشعبها

[DR.BIBO]

جاتلى رسالة عجبتنى اوى فحبيت اقولها وياريت تبقى منهج حياتنا

من النهاردة دي بلدك انت،
ماترميش زبالة،
ماتكسرش إشارة،
ماتدفعش رشوة،
ماتزوّرش ورقة،
اشتكي أي جهة تقصر في شغلها

فرصتك تبنى بلدك بايدك
هنعيش نبنى فيها
وهنموت واحنا سايبنها جنه