سلام عليكم
اولا يا دكتور
ولا أريد أن أقول إن المطالبة بالتسامح فى هذه الحالة تعد نوعاً من البلاهة، لأنه لا حق لأحد فى التسامح فى جرائم ارتكبت فى حق الوطن، فالقاعدة القانونية البسيطة تقول: إنك لا تملك حق التسامح فيما لا تمتلكه بمفردك. ثانياً أن العواطف الرقيقة والتسامح الأبوى لا مكان لهما فى العقد الاجتماعى الذى يحدد العلاقة بين الحاكم والمحكومين. وإذا افترضنا وجودهما جدلاً أو تجاوزاً، فأين اختفت مشاعر الأبوة تلك من قلب فخامة الرئيس (الأب) حين أصدر أمراً مباشراً لزبانيته باغتيال (أبنائه)، تارة بإطلاق الرصاص الحى لتفريق تظاهراتهم السلمية، وتارة أخرى بإطلاق البلطجية الذين يلقون بقنابل المولوتوف، ويستخدمون الأعيرة النارية لتصفية (أبنائه) المعارضين!
انا لما بتكلم , مش بتكلم من منطق الابوه والبنوه وكدا بس بتكلم من الناحيه العمليه
من الناحيه اللي تحققلي اللي انا عايزه تطريقه صحيحه وفي اسرع وقت ولازم لازم يكون بطريقه صحيحه
- إقالة الحكومة.. زي قلتها لأن أكتر من نصف الحكومة زي ما هو من غير أي تغيير
وبعدين السياسة هي المشكلةى مش مجرد الأشخاص.
احنا عايزين ايه من الحكومه دي ووزرائها كلهم ولا من الرئيس
المطلب الاساسي هو تعديل الدستور علشان سيادته يمشي ويجي رئيس جديد
يعني حكومته دلوقتي واي قرار هياخده في اي امر غير تهدئه احوال البلد وارجاع الاستقرار لها ,,, ملهاش لازمه
لانه كله هيتغير ان شاء الله علي ايد الرئيس الجديد والحكومه الجديده
اللي الكل عارف ومتاكد ان شاء الله مش هتكون نفس الحكومه
الا لو حضرتك نزلت اخترت عمر سليمان رئيس جديد
2- تعديل الدستور .. اللي هيعدله هو مجلس الشعب اللي هو مزور .. يبقي إزاي أستني من مزور إنه يحط لي دستور سليم للبلد وهو نفسه اللي خربه قبل كدا
طيب هما قالوا نحول طعون مجلس الشعب للقضاء ويبت فيها بسرعه والدواير اللي فيها طعون يعاد فيها الانتخابات وبالتالي يبقي المجلس مش مزور زي مبنقول
والدواير عددها اكتر من 200 دائره تقربيا
مع العلم علشان الموافقه علي تعديل دستوري بيكون مطلوب موافقه 1/3 الاعضاء فقط
وطالما الرئيس احال قانون للتعديل للمجلس فاعتبره موافق علي تعديله
دا غير ان دخل مواد جديده غير المطلوب تغيرها كمان علشان يتم تصحيح الدستور
دا غير ان كمان دا يعتبر دستور مؤقت لحد ميتم انتخاب رئيس جديد لانه هيكون عايز يبدأ ( بنضافه )
يبقي إشمعني المرة دي قلت القضاء .. وبعدين علي افتراض إنك هتنفذ
دا أحكام مجلس الشعب دي بتاخد حوالي 3-4 سنين علي ما تخلص يعني زي قلتها
اظن برضه هوا ملزم بوقت او بمعني اصح عدد شهور معين لازم كل حاجه هتخلص فيها
يعني قبل شهر خمسه كل حاجه هتكون خلصانه , انتخابات بتعديل دستور بكل حاجه هتكون جاهزه للاغلان عن المرشحين وبرامجهم علي شهر خمسه
وكمان القضاء بدأ فعلا هو مش لسا هيستني كام سنه علشان يشتغل ويبدأ
- هتحاسب الفاسدين .. طول عمرك بتقول كدا ومع ذلك أكبر عصر للفساد كان عصرك انت وابنك
دا انتم قلتم إن الناس اللي اتجمد أرصدتها كان بسبب بلاغات متقدمة فيهم (يعني مش موقف منك للتصحيح) .. بالتالي ممكن يطلعوا براءة ويبقي ولا حاجة
!!!!!!!
دا ميفش شك لازم نتمسك بيه
وبعدين اكيد انت عارف ان البت في قضاياهم مش هيكون بين يوم وليله يعني اكيد اكيد هتكمل محاكمتهم في عهد الرئيس الجديد
واكيد ان شاءالله اقل حاجه الرئيس الجديد يعملها انه يكمل محاكمه الفاسدين
فحتي لو الرئيس صادق النيه انه يحاسب الفاسدين دول فمش هيكون بين يوم وليله وهتم محاكمتهم في العهد الجديد
مش هتترشح .. انت اساسا مكنتش ناوي تترشح بشهادة مدير مكتبك لكن كنت ناوي ترشح ابنك
ومن اهم المكاسب اللي الثوره حققتها ان تم الاعلان وعلني ان جمال مش هيترشح للرئاسه
وحتي لو اترشح الاطيشه اللي هينجحوه معدوش مموجودين
والشعب المصري فاق وهينزل كلو يختار اللي هو عايزه
-**********-
يا دكاترة مفيش ثورة في الدنيا بتقوم ضد حاكم فاسد وبعدين تقول له طب خليك شوية
وهو مش قاعد علشان يتضايف
هو قاعد علشان يصلح اللي عمله ( دستوريا ) وبعدين يمشي ,, مش اكتر
لو مكنش لساله شهور علي الانتخابات الجديده ,, وكان لساله سنتين تلاته ولا حاجه كنت قولتلك ماشي ممكن نتمسك انه يعدل الدستور وميشي علي طول والوقتي وميستناش لاخر مدته
لكن الحكايه كلها كام شهر
الفاسد عمره ما يصلح اللي عمله
هو م مطلوب منه انه يصلح كل كل كل اللي عمله ,, المطلوب انه يغير الدستور بتاعه ويمشي علشان البلد تدار بطريقه صحيحه واننا نبدل علي خطوه تقديم الوزراء والفاسدين دول للمحاكمه
علي فكرة كل يوم بيعدي الناس المؤيدة لتنحيه فورا بتزيد ولأسباب متعددة كل واحد لسبب مختلف عن التاني
صدقني صدقني في كدا وفي كدا في ناس بتزيد في الناحيه دي وناس بتزيد من الناحيه التانيه
وعلشان مش اي رئيس نختاره بعد كدا حد يجي يشكك في شرعيته كرئيس زي مبنشوف في بقيت الدول
انا مقصدش علي المرات اللي فاتت انا اقصد الرئيس اللي جاي ان شاء الله
لو مجاش علي اسس صحيحه وبطريقه شرعيه ,, هيطلع اي حد بعد ممسك الرياسه يقولك لالالا
دا كان الدستور ايام مكان مترشح بيقول كذا وكذا ودا رئيس غري شرعي
وياريت نتعلم من اللي بيحصل في العراق ولبنان وتونس وغيره من الدول
يعني نتعلم من اخطاء غيرنا علي الاقل
علي فكرة أظن إني بحتك بالإخوان أكتر من حضرتك ومسمعتش الكلمة دي منهم
يمكن حضرتك بس انا سمعت الكلام دا بودني منهم وانا بتناقش مع ناس منهم,, وانا مش بنقل كلام حد قالهولي لا دا كلام انا سامعه بنفسي
وبرضه مش شرط يكون دي وجهه نظر كل الاخوان او غيرهم
مع العلم برضه انه مش معني كلمه اخوان انه يبقي ميهموش مصلحه البلد
لان اعرف كتير منهم وناس محترمين جدااا
وجتي اللي خرجوا من المعتقلات ايام الهوجه اللي حصلت دي , هما اصلا اغلبهم كان داخل ظلم
أيوه دي حقيقة لكن مش دا الهدف من التنحي .. أنا بقول الذل اللي هو فيه حالا دلوقتي من كلام الناس عليه ومحاولته المستميتة للتشبث ببقايا كرسي متهالك
بالظبط دا اللي اقصده ,, هو في قمه الزل الوقتي
وعمر مالتاريخ هيفتكره بحاجه حلوه حتي لو تنحي الوقتي
مهما كان فهو هيكون الرئيس المخلوع وخارج بفضيحه
حسبنا الله ونعم الوكيل في كل ظالم ...
حسبنا الله ونعم الوكيل
حاجه بس اخيره ومتوقعه ومش بعيد بعد مظاهرات بكره دا اللي يحصل
ان الجيش هو اللي يمسك ,, وسياسه الجيش الوقتي هتختلف نهائيا عن بعد ميمسك الحكم
حظر التجوال هيطبق صح
واذا كان هدفها الاول الوقتي هي حمايه المواطينين والمنشئات الحيويه
هيكون هدفها الاول , اول متمسك الحكم هو استرجاع الهدوء للشارع
الوطن العربي كفايه عليه عراق واحده مش محتاج عراق تانيه
كفايه علينا انقسام السودان مش عايزوين سودان تانيه
كفايه اوي
فيها ايه لو نستنا شويه ؟؟!!
