ترتيبات سفر مبارك لألمانيا

[Dr.A7med]

امبارح سمعنا اخبار ان فيه ترتيبات لسفر الرئيس لألمانيا للعلاج .. والنهاردة الصحافة الألمانية رجحت الخبر وقالت انه يجري التفاوض مع عدد من المستشفيات وقيل ان دي استراتيجية لخروج الرئيس بشكل لائق.. وبسأل حبايبنا اللي بيقولوا الفوضي والفراغ السياسي وبابا مبارك .. ليه بابا مبارك هيسيب البلد إذا كان بيقول انه متبت فيها بس عشان مصلحتنا وعشان ما يحصلش فوضي؟مش لو القبطان سابها هتغرق؟ اهو القبطان خالع اهو .. الغريبة انه قال أنا عايز أموت في مصر .. لما سمعتها منه في الخطاب قلت يا حبيبي!! مش مصر دي اللي انت قلبتها .. مش مصر دي اللي انت سايب أوباشك يسرقوا منها مئات المليارات وانت عارف وعلي إيدك .. ما صدقتش انه فعلا متبت حبا في البلد .. واهو .. ربنا كل يوم يكشف لينا الكذب والألاعيب
أنا حبيت أكتب الخبر عشان نتناقش في اللي جاي لأن ده هيبقي منعطف تاريخي بكل ما تحمله الكلمة من معاني
وعلي فكرة .. أنا عايز فلوسي .. وانتو كمان كل واحد لازم يطلب حقه

[asfourelgana]

يعني حضرتك تصدق ان الرئيس هيمشي بعد كل ده؟

طب واذا كان فعلا صادق وانه هيروح يتعالج هنقدر نمنعه

واذا كان عايز (يخلع) تفتكرو ايه هى الضمانات اللي ممكن ناخدها عليه

انا بصراحه كنت بقول يستنى عشان محدش يتدخل بحجة الفوضى

بس لو هو اللي عايز يمشي يبقى مع الف سلامه

واعتقد الظروف دلوقتى احسن

ولا انتو ايه رأيكم؟

[Dr.A7med]

يعني حضرتك تصدق ان الرئيس هيمشي بعد كل ده؟

أنا مستغرب جدا جدا ازاي يفضل بعد كل ده
عموما أنا بقالي كتير بقول ان مبارك بيدور علي حاجة واحدة بس .. طريقة يخرج بيها سليم من غير ما يتحاكم .. وعارف انه هيعمل ايه حاجة عشان يوصل لكدة .. وعارف ان ده هدفه الوحيد ومصلحة الشعب مش في دماغه أساسا .. وكلامي ده بقوله لكل الناس اللي صدقت خطابه .. مبارك بيمهد الطريق لنفسه مش لينا

انا بصراحه كنت بقول يستنى عشان محدش يتدخل بحجة الفوضى

مفيش حاجة اسمها حد يدخل مصر .. يبقي بيحكم علي نفسه بالإعدام

واذا كان عايز (يخلع) تفتكرو ايه هى الضمانات اللي ممكن ناخدها عليه

المفروض الناس كلها تطالب بحقها في المليارات اللي عند سيادة الرئيس والشلة بتاعته .. ومفيش ضمانات ولا أي حاجة .. الرهان الوحيد هو صوت الشارع

[Mohamed Al Gohary]

مش كل الى نسمعه نصدقه .. واللى نشوفه نصدق نصه .. ويا خبر النهارده بفلوس .. بكره يبقى ببلاش

[NeScaFE]

والله انا احترت ..تقريبا معظم الشعب دلوقتى عنده اضطراب فكرى ..يسمع كلمة من هنا

على كلمة من هنا ويشوف ده بيقول ايه يرجع يلاقى ده بيقول العكس ..وكل ده وسط ناس عميلة

واصحاب فتنة ..وده عاوز مصلحته وده بيحب البلد وده مش عارفة ايه

تعددت الاقاويل والحقيقة واحدة هنعرفها زى ما الدكتور الجوهرى بيقول بكره الخبر يبقى ببلاش

لك الله يامصر

[dr.monalizaa]

لو هيمشي يبقى في ستين داهيه

لو مش ماشي

هيمشي

[Mohamed Al Gohary]

على فكرة استحاله مبارك يسافر أي حتة الوقتي ولو حتى للعلاج .. وحتى لو سافر ماهو فيه نائب الوقتي

بس مش هيسافر حتة .. بالعقل كده ..

[Dr.A7med]

مش كل الى نسمعه نصدقه .. واللى نشوفه نصدق نصه .. ويا خبر النهارده بفلوس .. بكره يبقى ببلاش

أنا لا صدقت ولا كدبت .. بس أنا شايف ان الاحتمال ده قوي جدا كوجهة نظر شخصية

على كلمة من هنا ويشوف ده بيقول ايه يرجع يلاقى ده بيقول العكس ..وكل ده وسط ناس عميلة

كل ده بسبب أكبر مشكلة بين الشعب المصري وبين مبارك ونظامه .. مشكلة المصداقية .. وأعتقد ان المتهم الأول في المشكلة دي هو مبارك

[L SMA7Y]

ليه بابا مبارك هيسيب البلد إذا كان بيقول انه متبت فيها بس عشان مصلحتنا وعشان ما يحصلش فوضي؟مش لو القبطان سابها هتغرق؟ اهو القبطان خالع اهو

يعني الراجل يقول قاعد لما اموت فيها نشتمه

واذا سمعنا خبر انه خارج منها برضه نشتمه

كل بئر ينضح بما فيه ,, والمفروض نعامل الناس باخلاقنا احنا مش باخلاقهم هما

[Dr.A7med]

كل بئر ينضح بما فيه

.. أشكرك أشكرك ده كلام رائع .. وعموما سامحنا يا سيدنا .. ما انا تربية مبارك ونظامه .. وانا بير مليان قاذورات وعفانة .. بس علي فكرة .. مبارك هو اللي رمي كل القاذورات دي
انا لا بشتمه عشان عايز يمشي ولا عشان عايز يفضل .. ولا يلزمني أشتمه أصلا .. كل الحكاية اني عايز حقي .. وعايز الظلمة يتحاسبوا .. ولا يسرقوا فلوس البلد ويقتلوا ولادها ونبوس رجليهم كمان؟