العروسة للعريس

[Dr.A7med]

ازيكم
أنا في حالة .. وعشان كدة كتبتلكم دي .. بس من أولها مش عايز حد (أو حدة) يزعل
العروسة للعريس
قالوا زمان يا ولد الجري للمتاعيس
قالوا الحريم يا ولد غاية مناها عريس
عارف انها لفتك .. وقالتلك انت المني
اجلعلي عين يا ولد وافضل معايا ونيس
وانت صمام الأمان .. انت النعيم والهنا
ويوم ما ييجي الجدع .. تقولك ده كان تهييس
بطل غباوة يا ولد .. واوعاك تعيش أوهام
اللي دواه الحريم .. حتما هيبقي تعيس
اسمع كلام القدام .. دول ياما سمعوا كلام
ومن غدر الحريم يا ويلك .. ده الجري للمتاعيس
ابويا قالي الحكم .. ومن حبها المشئوم
كدبته وقلت قديم .. واديني رحت فطيس
يابا دي صوتها أمل .. طلتها نور وسلام
قالي الحريم يا عبيط .. أقوي سهام إبليس
قلت انت فهمك قل .. قلت أنا أبو الأفهام
رشق يا ويلي السهم .. وفضلي ذكري في كيس
الكيس يا لهوي اتخرم .. وضاعت الأيام
والذكري قلبت ضباب .. في العتمة كله يهيص
هيصي يا حلوة ودوسي .. علي قلب كله آلام
أهبل يا عيني عليه .. وحيد مالوهش أنيس
فتح عينيك يا ولد .. واوعاك تعيش أوهام
ده الجري والبهدلة .. للهبل والمتاعيس
طلعت يا ابوي زيهم .. مش واحدة م الأحلام
طلعت شوية هوا .. سمعت صوت تفييص؟
عيني عليك يا ولد .. يا نور في أحلي منام
حبيتها وطلبت الرضا .. وعدت وجالها عريس
وعدي ده كان مرحلة .. وهم وكلام أفلام
هو انت ما حدش قالك .. ولا انت أصلا تيس؟
يا ابني ده العروسة للعريس .. والجري للمتاعيس



هتداري في أي حتة تفاديا للطماطم .. بس علي ايه .. هو حد عارف يشتريها

[Amira Said]

وده جزاء اللي ميسمعش كلام بابا

[NeScaFE]

جميلة جداا ما شاءالله ..انا بحب النوع ده من الشعر اوى

بالنسبة للطماطم احب اقول لحضرتك اطمن ع الاخر محدش هيفكر فيها

لان الكيلو ب 7 جنيه .. الناس اطلقت عليها مصطلح التفاح

ومن طماطم لتفاح وخلينا كده مفضيين الكيس

[Dr.A7med]

وده جزاء اللي ميسمعش كلام بابا

آااااااااااااه يا بابا ..

جميلة جداا ما شاءالله ..انا بحب النوع ده من الشعر اوى

شكرا جزيلا ..
-----

لان الكيلو ب 7 جنيه .. الناس اطلقت عليها مصطلح التفاح

كنت عند صديق دلوقتي شغال في الفول والطعمية .. السلطة عبارة عن خضرة وخيار .. واستغنوا خلاص عن خدمات الطماطم

[dr/emooo]

كلام اكثر من رائع بس انا حاسة انه جاى على البنات شوية على فكرة مش كل البنات كدة good luck

[Al-Shaimaa]

بجد الكلام حلو أووووووووووووووووووووووووووي -------- والأسلوب والمضمون أحلى و أحلى--------- تسلم الأيادي ----------------------------------- و أنا متفقة معاك تماماً في كل الكلام اللي قولته

[Dr.A7med]

كلام اكثر من رائع بس انا حاسة انه جاى على البنات شوية على فكرة مش كل البنات كدة good luck

معلش يمكن مش كلهم كدة .. بس أنا فكرتي عن البنات بتزداد سوءا بصورة يومية .. بس يمكن تتغير

و أنا متفقة معاك تماماً في كل الكلام اللي قولته

هو ده الكلام

[NonY]

انا مستغربة اوى ان فى حد معانا بيعرف يكتب كدة
حلـــــــــــو أوى ،،

بس فى حاجات تانية كتير غير الطماطم تنفع على فكرة
ههههههههههههههههه

[dr\h elfe2e]

ههههههههههههههههههههههههههه
حلوه اوى رغم انها جيه على
البنات حبتين تلاته
بس بجد
صح الكلام

[Dr.A7med]

بس فى حاجات تانية كتير غير الطماطم تنفع على فكرة

علي فكرة أحسن .. أنا أصلا مش بحب الطماطم

ههههههههههههههههههههههههههه
حلوه اوى رغم انها جيه على
البنات حبتين تلاته

سمعت صوت تفييص؟