يا ترى إنتى بتحبى ربنا ؟ كلام من قلب إلى قلب
يمكن لما قرأت العنوان في الأول ، حاولتِِِ تطنشيه ، ونفسك قالتلك متقرأيش المقال ده ، لكن غصب عنك حاجة شدتك ليه ، بدليل إنك بتقرأيه الآن ،
صحيح مش ده إلي حصل ؟ ؟؟
عارفة ليه ده حصل ؟؟؟؟؟
أقولك أنا ، لأن في قلب كل إنسان منا حبل دايما ً بيشده لطريق ربنا ، يمكن أنت ِِ بتشدي من الجانب التاني ، ويمكن تحاولي حتى تقطعيه ، بس غصب عنك هو موجود ، ومهما حاولتي هو موجود ، عارفة ليه ؟
سمعت الآية : وَنَفَخْتُ فِيهِ مِن رُّوحِي ، يعني إنتِِِ بداخلك روح من الله ، إللي بتحركك للطريق المستقيم ،
عرفت إنك بتحب ربنا ، واتفقنا على ده ، مهما حاولت وقلت أنا وحشة ، أنا بعيدة جدا ً ، كل الناس أجمعوا إني وحشة ، ده بالعكس الملتزمين بينفروا مني .....
بس أنا هقولك وبرغم كل ده ، إنت ِِ فيك ِِ جواك إنسان بيحب ربنا ،عشان كدة أنا بخاطب فيك ِِِِالإنسان ده ، بخاطب فيك الإنسان إللي زهق من المعاصي ، ثقلت عليه ، زهق من الغفلة ، بخاطب فيك ِِِ الإنسان إللي في ظل المعصية بيرفع راسه للسما وبيقول يارب توب عليا، يارب اهديني ، بخاطب فيكِِِ الإنسان الحائر ، التعبان إلي حاسس إن الدنيا مقفلة وصعبة ، وحاسس إن مش أمامه غير إنه يعصي ، الشيطان وغوايته ، نفسه اللي مش سيباه ومصعبة عليه الموضوع أوي ، هواه وحاجات بيحبها ربنا نهى عنها ، والدنيا مليانة فتن ....
لكن برغم ده كله ، إنتِِِِ واعظ ربنا جواكِِِ ، إللي بيخليك أقوى من كل الفتن مهما كانت ، ومهما قويت ، صدقيني ... إنت ِِِ تقدر تتغلب على كل ده ، تتغلبِِِ على شيطانك لأنه أكيد ضعيف ، ربك قال : إِنَّ كَيْدَ الشَّيْطَانِ كَانَ ضَعِيفاً ،
مصدقة ولا لأ ؟؟؟
ايوة الشيطان ضعيف وإنت ِِِ تقدري تتغلب عليه ، بحبك لربنا ، بدعائك ليه ، بقربك منه ، ناديه ، ناجيه ، قوليله يارب بحبك ونفسي أقربلك ، أعني غلبني على شيطاني ، ونفسي ساعدني أتغلب عليها ،
وصدقيني هي جولات ، يوم نفسك تكسب ، وأوعى تيأسي ساعتها وتقولي أنا الطريق ده مش بتاعي ....
لأ أنا كل شوية هفكرك ، إنت ِِِ بتحب ربنا ، وفيك ِِِ من روحه ، خليك قوية ، إنت تقدرِِِِِِِ .... لو كسبتك مرة ، هتكسبيها الي جاية ،
ولو هواك في غير إلي بيحبه ربك ، إفتكري
إنه حبيبك ، وتذكر إن المحب لمن يحب مطيع ، لازم تطيعه ، وتسيب كل حاجة بتحبيها وهواكِ فيها ، عشان إنت بتحبيه ، وتقوليله يارب يارب يارب سيبتها عشانك ، عشان بحبك ، يارب ساعدني ، يارب قويني
، صدقيني مش هيسيبك أبدا ً ، لأنه قال :
قال الله تعالى : إذا تقرب إلي العبد شبرا تقربت إليه ذراعا وإذا تقرب إلي ذراعا تقربت منه باعا وإذا أتاني مشيا أتيته هرولة،
شفتي ،
هو كمان يحبك ، ويريد أن يتوب عليك ،
أما سمعتي قوله تعالي :
{وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً } النساء27
عرفتي إن هو يريد أن يتوب عليك ِ ، والمؤامرة عليك ، لتجعلك تضلي وتميلي عن الطريق الصحيح المؤدي للجنة .
أختي الغالية , انا أحبك في الله ، ووالله أنا خايفة عليك ِ مثل نفسي تمام ، يمكن تقولي خافي على نفسك ، وسيبيكي مني ، ملكيش دعوة ، إنت مش بلغتي خلاص مع السلامة ،
لكن هقولك تاني أنا بحبك في الله ،
هقولك يا أختي كام رسالة ربنا بعتهالك وطنشتيها ، مستنية أي رسالة عشان تفوقي وترجعي لحبيبك ؟؟ ،
كتير بنسمع أخوات إلتزموا بسبب حد من صحابتهم ، ياترى إنت مستنية رسالة زي دي ؟؟؟؟
، طيب من أدراكِِ ، مش يمكن إنت ِِِ إللى تكون رسالة لصحابتك ؟؟؟؟؟
مش يمكن إنت ِِ إللى تكون عظة لغيرك ؟؟؟
ياترى إنت ممكن تغامري على جنة أو نار لو إنتظرت الرسالة دي؟؟؟؟
ياغاليتي ، بالله عليك ، قرب لحبيبك إللى خلقك ربنا ، بلاش تطنش رسالتي ،
لو عايز تطنش
، طنشي غواية الشيطان
وقولي أنا أقدر أمشي للطريق الصح ،
طنشي هوى نفسك ،
وقولي أنا عايزة هوايا يكون على مراد ربنا ،
ولو شهواتك مش هاينة عليك ، وفاكر طريق الإلتزام صعب ، وكله خنقه .....
صدقيني أجمل حب هتلاقيه بينك وبين أخواتك في الله ، في المسجد ،
هما دول فعلا ً الصحبة ، الصحبة إللي تقربك للجنة ، مش تبعدك عنها ، يكفيك إنه حب هيكون لك ظل في يوم لا ظل إلا ظله
فرسولك قال :
عن أبي هريرة رضي الله عنه عن النبيقال سبعة يظلهم الله تعالى في ظله يوم لا ظل الا ظله ... ورجلان تحابا في الله اجتمعا عليه وتفرقا عليه ...
سيبي اللي ماشية معاه ... و تذكري أن من ترك شئ لله عوضه الله أفضل منه ، يرزقك بزوج ، يكون لك ونس وسكن ،
ولو متضايقة من بعض الملتزمين لسلوكهم ، أقولك حاجة غاليتي ، عمر الملتزمين ماكانوا حجة على الدين نتعلل ونسيب طريق ربنا عشانهم ، ولو في إعتقادك إنهم ليس مثال جيد للدين ، حاولي تكون إنت ِ الملتزمة ، الي تحبب الناس في الدين وخلي شعارك دايما ً انا عايزة أقرب لربنا وأكون نعم القدوة ...
وصدقيني لو اتضايقتي من شوية منهم ، نفس الأشخاص دول لو قربت منهم هتحبيهم ، ولو حسيت فيهم تشدد ، ماهما برضة بشر ، وبيخطئوا ، ومحدش فينا معصوم ، بلاش ننظر للشئ الوحش وخلينا نبص للجزء الحلو في الناس كلها .
غاليتي جه وقت الفراق ، ويمكن الفراق صعب , لكن استودعك الله الذي لا يضيع ودائعه .
__________________
الملائكة منشغلة ببناء قصرك
تعرف ليه ؟؟؟
لأنك منشغل بذكر الله ,
منقوووووول
رد مع اقتباس
المشاركة الأصلية كتبت بواسطة monmona
