ملاحظات وتنبيهات علي عملي الصيدلانيات

[ameer]

السلام عليكم

اولا :ادوات الامتحان
1-فوطتين
2-علبه موازين
"فيها فراكشن كامله لو ناقص منها اي حاجه حاول تكملها من اي حد من اللي امتحانه في وقت تاني المهم تبقي معاك كامله لان مش مسموح في الامتحان تستلف من اللي جنبك"
3-بيكر 250 مل
4-spatula
5-watch glass
6-glass rod
7-cylinder 10
8-cylinder 100
"في ناس معاها مخبار مدرج تدريجه غلط عامل 40 وبعدين 60 ومش كاتب ال 50 دي هتفرق كتير في حجم التحضيره حاول يكون المخبار مظبوط او ابقي ضيف 10 مل زياده لو عندك المشكله دي في المخبار"
9- ماصه مدرجه 10 مل
10- ورق الموازين
"يكون جاي متقطع جاهز علشان الوقت "
11- زجاجتين فاضيتين
12- اله حاسبه
13- الكارنيه
14- البالطو ده اساسي طبعا
15-قلم
وفي حاجه اضافيه مش اجباري بس للي يحب يخليه في السليم funnel علشان وانت بتدلق التحضيره في الاخر ممكن يقع منك كميه تبوظ كي اللي اشتغلته

ثانيا شكل الامتحان
امتحان عملي الصيدلانيات بينزل لكل واحد تحضيره يعملها فبيجي روشته زي اللي في الكتاب كده
وبيطلب منك
write full report on the following prescription

فبكده انت مطلوب منك حاجتين "جزئين"
جزء نظري :كلام بنكتبه
جزء عملي :وده هنشتغله ونحضر التحضيره ونسلمها

الاول جزء النظري وعليه درجات كتيره ولازم نهتم بيه اكتر لانه هو اساس الشغل واللي من غيره مش هعرف اشتغل العملي

بنكتب 6 خطوات ده المفترض لكن هم غالبا بيقولوا منكتبش خطوات الشغل علشان الوقت وهو ده اللي اتعمل في السنين اللي فاتت لكن محدش ضامن يبقي لازم -مش هقول تحفظ الخطوات- تبقي فاهم الخطوات ولو طلبها منك هتكتبها باسلوبك


ورقه الامتحان هي ورقه عاديه مقاس a4 وش وضهر مش هينزلك اي ورق غيره ومش هتستعمل اي ورق من معاك غيره
يبقي لازم قبل ما تشتغل تكون مخطط هتعمل ايه في الورقه وهتقسمها ازاي علشان تكفي

بمناسبه الكلام عن الورق مش مسموحلك تجيب اي ورق معاك يوم الامتحان سوي ورق الموازين فقط


نرجع لورقه الامتحان بقي :-
الورقه هينزل مكتوب فيها الروشته في جزء صغير
هنيجي تحت الروشته ونكتب الـ interpretation & translation

بمناسبه الinterpretation لازم الارقام تتكتب في مربعات


هنكتب ال interpretationازاي من غير ال calculation ?
يبقي لازم تعمل الcalculation
هتقلب الصفحه ايوه لازم تقلب الصفحه وتعمل الcalculation
وبعدين ترجع تكمل الارقام في interpretation


تحت الcalculation هتكتب ال method of preparation لو هم قالوا نكتبها لو قالوا منكتبهاش خلاص

بعد كده ال comment
وبعدين ال use

الاتنين دول هتحفظهم لكل روشته من للي عندنا في المنهج

الـlabel هتتكتب مرتين مره في ورقه الامتحان ومره علي الـ label
ولازم ناخد بالنا ان الـ label تتكتب صح وميكنش فيها اي شخبطه لو غلط ارميها وحات واحده تانيه واكتبه من جديد مفيش مشاكل


تاني حاجه بقي الجزء العملي:
طبعا بمجرد ما هتشوف الروشته هتحدد نوعها ايه
simple , diffusible ....etc
وده هيتوقف عليه طريقه شغلك حسب الخطوات اللي انت فهمتها- مقلتش حفظتها - من مذاكره السكاشن
وبعد ما تخلص وتحط التحضيره في الزجاجه هتجهز الـlabel وتلزقها عليها ولو الlabel بايظه مبتلزقش زي ماكانت في السكاشن هتحطها تحت الزجاجه وانت بتسلمها وبس

ملاحظات عامه بقي:
الـ calculation
طبعا من الخطوات المهمه جدا لان هيتوقف عليها باقي الامتحان كله الغلطه فيها بجووون
لازم افرق بين الوحدات Zz و Z و flZz و flZ
ولازم احفظ طريقه التحويل بتاعه كل واحده
الـ interpretation
لازم احفظ الاحتصارات اللاتينيه علشان اقدر اترجم الروشته صح
لازم الارقا في الـinterpretation يعتمل عليها مربعات
لازم اخد بالي من حكايه مل و جرام محدش يغلط ويكتب في الsolid مل وفي الlequid جرام

وانا بكتب ال interpretation اخد بالي ان ممكن فيه حاجه هضيفها من عندي زي ال compound poder of tragacanth فلازم اسيب مسافه سطر كده قبل الvehicle علشان لو فيه حاجه هضيفها من عندي اكتبها في interpretation

لازن ناخد بالنا من حكايه اننا بنستبدل ال chloropromazine بـ chloropromazine HCl
فلازم نحفظ الاوزان بتاعت كل واحد فيهم علشان اعرف اعمل مقص واجيب الوزن اللي هستعمله

في الinterpretation بنكتب كل مكون بيبتدي بحرف capital
بنكتب المكونات كامله من غير اختصارات
اي
Chloropromazine hydrochloride
وليس
chloropromazine HCl



في الـlabel هنكتب اسمنا وتاريخ الامتحان


ملاحظه هامه :- كميه ال suspending agent اللي بضيفها في حاله الـ indiffusible لا تضرب في الـfactor
مثلا الcompound powder of tragacanth
بنضيف 2%
فنضرب 2/100 في حجم التحضيره المطلوب required volume علي طول
من غير ما نضرب في الـfactor

[Rania Samir]

جزاك الله خيرا يا دكتور
بالتوفيق للجميع ان شاء الله

[DiNa TaReK]

جزاك الله خيرا يا دكتور

[وردة البستان]

لو سمحتى يادكتور امير هم هيجيبوا الكميات والا احنا اللى هنحفظها بتاع كل تحضيرة

[ameer]

لو سمحتى يادكتور امير هم هيجيبوا الكميات والا احنا اللى هنحفظها بتاع كل تحضيرة

لا الكميات هتيجي مكتوبه في الروشته

[noursaker]

لو سمحتو ياجماعة هي الروشتات الي ان شاء الله هتيجي هتكون واحدة من الي اخدناهم في السكشن ولا ممكن يجيب واحدة ما اخدنهاش يعني تكون شبها مثلا ؟؟؟؟

[ameer]

لو سمحتو ياجماعة هي الروشتات الي ان شاء الله هتيجي هتكون واحدة من الي اخدناهم في السكشن ولا ممكن يجيب واحدة ما اخدنهاش يعني تكون شبها مثلا ؟؟؟؟

هو غالبا نفس الروشتات مع اختلاف الكميات

[Dr_Cinderellaaaaa]

جزاك الله خيرا دكتور أمير
ربنا يوفقنا جميعا يااااااااااااااااا رب

[doctora]

ممكن اعرف ازاى بنتعامل مع الاوزان بمعنى لو جالى مثلا 38.5 ازاى نعملها باستخدام الفراكشن هل تكون بالفراكشن ولا الجرامات وايضا مثلا3.33 ايضا 0.88 ايضا 2.16 وايضا 1.99 يعن انا عاوزه اعرف بصفة عامة لو جالى اى رقم ازاى اتعامل معاه جزاكم الله خيرا ضرووى ارجو الرد

[Rody Omar.]

اضافة كدة يا جماعة كانت قالتها الدكتورة مروة :
لو جاب حاجة مثلا زي الماغنيسيوم كاربونيت ومقالش قبلها حاجة تبقى light لكن لو heavy لازم هيكتب قبلها .
تاني حاجة ممكن ال dram ييجي مرسوم برمز كده عامل زي ال 3 وكمان ال ounce له رمز زي ال dram بس تلت سنات مش سنتين حاولوا تتخيلوها لاني مش عارفة ارسمها .