ممكن 15 دقيقة من وقتك!!!!؟؟؟ ( متجدد بمشيئة الله)
عندى احساس قوى جدا انى عندى حاجات كتييييير عايزه اقدمها
عندى كلمات واراء وافكار وخواطر وهمسات
نفسى اقدمها من خلال الموضوع ده
فكرة الموضوع بسيطة جدا وهى ان تعطينى من وقت حضرتك
فقط 15 دقيقة مش شرط يوميا ولكن شرط ان تكون 15 دقيقة
فقط وسأكون ممتنه جدا لحضرتك اذا سمحتلى اخذ من وقتك
ليه فيه ناس مميزين وناس تانيه لأ وناس ناجحين وناس
تانيه ليه فينا ومننا اللى بيحقق احلامه واهدافه وطموحاته
وكتير مننا لأ ليه فيه ناس حزينه وتانيه سعيده وناس مطمنه
وناس تانيه مضطربه وناس راضيه وناس تانيه ساخطه
كل ده بس لاننا مش عارفين الطريق الصح اللى يوصلنا لكده
مع بعض هنعرف ازاى هنوصل لكده
انا وانت وكلنا عارفين وعندنا يقين اننا مش هنوصل للامتياز
فى يوم وليلة لازم ناخد وقت وطويل علشان نحقق اللى احنا عايزينه
عايزين ايه ؟؟؟؟؟؟؟؟؟
عازين الامتياز
عايزين النجاح
عايزين نحقق اهدافنا وطموحاتنا واحلامنا
عايزين نبقى سعداء ومطمئنين وراضين
دى غاية كل واحد فينا من وراء الامتياز
وياترى 15 دقيقة كفايه عشان نوصل لكده
لأ والف لأ !!!!!
معقول !! انتى اللى عامله الموضوع وبتقولى كده
ايوا عارفين لييييييييه؟؟؟؟؟؟؟
لان عندى اعتقاد راسخ جدا فى دماغى بيأكد اللى انا بقوله
هو ايه ؟؟
ان اللى عايز يعمل حاجه بيعملها
وان اللى نفسه بجد يحقق حاجه بيحققها
بس بجد وبجد من جواه مش عشان خاطر اى حد
يعنى ايه ؟؟؟
احنا احلامنا مش تابعه من جوانا
لأ انا قصدى لو عندنا الارادة الكافية لازم ما نفقدش الامل
قصدى مش شوية كلام انا كتبتهم وانت قرأتهم هما اللى
هيغيروك من الجذور ويوصلك للى بتتمناه
معلش انا اسفه للى بيقرأ الكلام ده دلوقتى
انا مش بكلمك انا بتكلم مع الشخص اللى عايز ينجح بجد
اللى نفسه بجد يحقق حاجه لاخرته قبل دنيته ، لنفسه قبل مجتمعه
بكلم واحد بيقرأ الكلام ده بقلبه وعقله وكيانه مش بس بعنيه
مش واحد هيقرأ سطر ويسيب سطر عشان يعرف الفكره
ويبادر بالشكر اوالتعليق ويبقى كده مر على الموضوع
مش واحد هيقرأ حلقه ويسيب عشره
مش واحد مش هيقرا حاجه خالص وبرضو يضيف تعليق
الموضوع هيبقى فى اجزاء وكل جزء عدة حلقات
مش عارفه عددهم كام ؟
سنبقى سويا حت تنتهى الكلمات
وينتهى ما عندى لاقدمه لك لكى تصل للامتياز
ممكن بكره ممكن بعد شهر ممكن بعد سنه الله اعلم
وممكن تبقى فيه كلمات بس مفيش الاء
عندى طلب صغير ولكنه عظيم
بوصى كل عضو وكل واحد قرأ الكلام ده
ان لم يقدرربنا انى لا اكمل ذلك الموضوع ان تكمله انت او ذاك
وتعاهدنى الان ان تبحث دائما نحو التقدم والامتياز والتغير الى الافضل
وان تعاهدنى ان يكون لك هدف فى الحياة
وهو مساعدة اكبر عدد ممكن من الناس للوصول الى الامتياز
اتدرون ماذا اقصد بالامتياز؟؟؟؟؟؟؟؟؟؟؟؟؟؟
هو اى شيء يمكننا فعله فى هذه الدنيا
ويعبر بنا الى الفردوس الاعلى
من اخلاق وافكار وتعاملات واعتقادات وافعال واقوال ونظرات
ايه ده موضوع دينى ؟؟؟؟
لأ . انا هخلى كل مواضيع حياتك العامه او الشخصية , الجديه والترفيهية لله
اكلك وكلامك وقراءتك وطاعتك ومذاكرتك وقعدتك على النت ومشاهدتك للتلفيزيون لله
سنربط حياتنا باخرتنا طيلة عمرنا
تنبييييييييييييييييييييييييييييه
انا لست مميزة ولست ناجحة
ولدى من العيوب والنقائص ما اعرفه جيدا
ولدى من الذنوب ما لا اعلمه ولا احصيه
ولكنى عندى يقين اننى قادره باذن الله
على تخطى هذه العيوب وتلك النقائص
وانا لن اتكلم عن النجاح او الامتياز من باب الاهلية او الاستحقاق
ولكنى ساتكلم عنه من باب الحب لى ولكم
والخوف على نفسى وعليكم
هتعاهدنى ولا لأ ؟؟؟؟؟؟
لو فعلا مش فاكر عهد ايه!!!!!!!
يبقى ما قرأتش الموضوع بقلبك
اقراه تانى وعاهدنى الان
يارب وفقهم الى الامتياز فى حياتهم
الروحانية
والشخصية
والصحية
والعائلية
والاجتماعية
والمهنية
والمادية
تحياتى
آلاء الامام
رد مع اقتباس
المشاركة الأصلية كتبت بواسطة D.NOOR
