وانت واقف فى الصيدلية(استخدامات جديدة للادوية مع مخلوقات اخرى) ابسطوا بقى..........
بسم الله الرحمن الرحيم
الموضوع اللى هكتبه دلوقتى احترت احطه فى الترفيهى
ولا الصحى فلقيت المنتدى العام ممكن ينفع
تحذير هام
محتويات الموضوع ده ليست لها مصادر علمية لأ وكمان ممكن متكونش صح
يعنى اقرأ وخلاص.gif "Fop (39)")
زى مانا سمعت وخلاص
بعد التحذير نبدأ الموضوعوفى اخر الموضوع بحمد ربنا ان المنطقة اللى انا فيها موجود فيها صيدلية بيطرية
طبعا كلنا عارفين ده ايه.gif "Fop (18)")
دى نقط بيكولاكس الملينة
والناس كلها عارفة كده ماعدا الفراخ اه الفراخ
وعشان كده الناس اللى بتربى فراخ عملت حملة توعية للفراخ ونصحوها بالنقط دى لما يجيلها امساك
مصدر المعلومة:واحدة ست قالتلى انها بتاخدها للفراخ وتحطها فى المية اللى بيشربوا منها واللى اكد الموضوع واحد تانى بيربى حمام بس بيديها النقط فى الفم على طول
اما المعلم اللى فوق ده فالبرغم من استخدامه فى حالات الاسهال الشديدة عند الانسان
الا ان هناك بعض الفقاء بالحيوانات بيستخدموه فى حالات الاسهال لبعض المعيز ده اللى شفته لحد دلوقتى
ولم تتأكد صحة الاشاعات انه بيستخد لحيوانات اضخم من المعزة
اللى بعده.gif "Fop (7)")
ده بقى حبيب الجيم وابطال الجيم(دول غير ابطال الديجيتال)
الامينو زى ماكلنا عارفين ان الابطالدول بياخدوا الاقراص بتاعته عشان يعملهم الجسم
اللى كلنا عارفينه
لكن حقن الامينوا بيستخدمها نوع تانى من المخلوقات
طبعا المخلوق ده هو الصديق الوفى للانسان
الصورة متركبة
وطبعا بيحقنو الحيوان الغلبان ده بيه عشان يزيد وزنه
فالواحد يروح يشتريه عشان يحميه من الحرامية يومين والكلب يبقى
ندخل على حاجة تانية
ده كبسولا التيتراسيكلين وهو زى ماحنا عارفين مضاد حيوى ليه عيوب كتير من اشهرها انه بيمسك فى الكالسيوم اللى فى الاسنان
خدوا بالكوا دا كبسولات لكن لاننا مصريين ومفيش عندنا كلمة مستحيلواخد جه خد منى شريط وقالى ادى الفراخ كام مرة فى اليوم
انا قلت اكمل معاه شكله شخص لطيف
قلتله وانت هتديها للفرخة ازاى
رد عليا ببساطة وقالى هفتح الكبسولة واحط اللى جواها مع الذرة
وطبعا لان معلوماتى فى تربية الفراخ كويسةخدت منه الشريط وبعته لصيدلية بيطرية بعيدة شوية بس عندهم التيتراسيكلين فى اكياس زى بتاعت الفوار
ولسه ...ولسه....
الكلوراميفنيكول قطرة مضاد حيوى ليها خطورة واثار جانبية كتير
لكن الناس بيستخدموها كقطرة برضه للفراخ(الفراخ فى مصر مش سايبة حقها
اخر صنف بقى يمكن اللى فوق سمعتوا عنهم
لكن اللى جاى ده كله كوم والباقى كوم تانى نهائى.gif "Fop (10)")
.gif "Fop (40)")
شوف كل الايموشينات اللى ممكن تتصورها
انا عن نفسى ضحكت والراجل بيقولى انه عاوز اللازيكس (مدر للبول لعلاج hypertension)
لـــــــــ
لـــــــــــــــــــ
الجاموسة
كلكوا هتقولوا جاموسة ايه اللى هتاخد لازيكس
بصوا انا معرفش هو خدها ليها لايه بالظبط
بس اللى اعرفه ان تجار المواشى بييجوا قبل العيد الكبير
ويشربوا المواشى بتاعتهم مية بملح
فتفضل البقرة عطشانه نتيجة الملح فتشرب كمية كبيرة جدا جدا يعنى من المية
فيزيد وزنها فيبيعها بثمن اغلى.gif "Fop (14)")
فتقريبا بعد مالعيد مايخلص بيدوها مدرات بول عشان يخرجوا كمية المية اللى فى جسمها عشان متموتش(ده افتراضى؟؟؟؟)
شفتوا بقى احنا مهمين اد ايه وخصوصا للفراخاكرر الموضوع كله ملوش مصادر وعبارة عن شوية مواقف سمعتها او شفتها وحكيتها
ومش قصدى انى اسخر من اى حد لكن اسلوب الكلام للترفيه فقط
والا كنت هشوف اليوم اللى الاقى حد جايبلى فرخة وبيقولى عندها ايه
.gif "Fop (29)")
رد مع اقتباس
.gif "Fop (27)")
.gif "Fop (43)")
.gif "Fop (2)")
المشاركة الأصلية كتبت بواسطة Dr/HULK
.gif "Fop (28)")
