انتى طالق.....................ياااااااالله بقى!

[fathybehery]

انتى طالق.....................يااااااااللة بقى!
يا خبر كلمة صعبة اوى

ياترى تحب فى يوم بعد زواجك تقولها

و اية اللى ممكن يوصللك ليها؟

طيب و ايه التضحيات اللى ممكن تعملها علشان ما تقولش الكلمة دى؟

وانتى هل تحبى تسمعيها؟

و امتى ممكن تتمنى تسمعيها؟

و اية التضحيات اللى ممكن تقدميها علشان ما تسمعيهاش؟

منتظر ردودكم

[:|©؛°¨¨°؛©الصيدلى الذهبى©]

انا عن نفسى لا احب هذه الكلمه ولا اتمنى ان اصل الى قولها فى يوم ما والموضوع مش صعب ممكن الكلمه دى تكون نتيجه عدم تفاهم بين الزوجين ولذلك لازم نختار شريكنا بدقه او نتيجه لحظه غضب والشاطر اللى يقدر يتغلب على غضبه ويستعيز بالله من الشيطان والشاطره اللى تقدر تخرج زوجها من غضبه ولا تضطره الى قول هذه الكلمه

[ماهيتاب]

دى كلمة صعبة أووووووووى يادوك
ربنا يكفينا شرها
طبعآ فى حالات خاصة وظروف قهرية فى نظرى يبقى مفيش حل غيرها
بالنسبة للستات يعنى أكيد ده بيكون آخر حل ومفيش حل غيره
والست بتيجى على نفسها عشان خاطر بيتها وولادها
ومش سهل عليها تطلب الطلاق
لكن إذا إستحالت العشرة بين الزوجين
هيكون الطلاق هو الملاذ الوحيد
ومن أكثر أسباب الطلاق عدم التفاهم بين الطرفين إلى حد كبير
وهناك أيضآ زواج الرجل من إمرأة أخرى دون علم زوجته
وحين تكتشف هذا تطلب الطلاق دون تفكير
ومشكور يادكتور على التوبيك الرائع ده
تقبل تحياتى

[..::ciZar_Resala::..]

هقول لحضرتك حبة حاجات حلوة يا دكتور

أولا: أبغض الحلال عند الله الطلاق




ثانيا: أهم سبب للوصول للمرحلة دى هى سوء الاختيار من الأول ..... عشان كده سيدنا محمد عليه الصلاة و السلام حددلنا شوية شروط للمرأة اللى إنت هتتجوزها و أهم شىء "فاظفر بذات الدين ......" و قال كمان "أقلهن مهورا أكثرهم بركة"




ثالثا: لو أنا مختار صح من الأول ...... فى تفاهم ... فى تواد ... فى تعاطف ... فى دين ... فى إخلاص .... فى صدق .... يبقى إيه اللى هيوصلنى للمرحلة دى ؟؟؟



رابعا: ربنا سبحانه و تعالى حددلنا حاجات نعملها لو الزوجة أخطأت منها إننا نهجرهم فى المضاجع و آاااااااااااااااخر حل لو الزوجة ملتزمتش ... إن أنا أطلقها أديها حقوقها كاملة .. حتى لو كانت هى اللى طالبة الطلاق



خامسا: مفيش واحد فى الدنيا يقدر يعيش مع واحدة غصب عنها إلا إذا كان راجل معندوش دم و لا دين و لا احترام لكينونة المرأة




سادسا: مشاكل تانية كتير ممكن تحصل .. زى دخل البيت أو العيال أو شغل الزوج بيتأخر فيه أو إن الزوجة عايزة تخرج للعمل و زوجها مش راضى ...... و لو الزوج زكى و الزوجة متفاهمة .. مع بعض هيقدروا يتخطوها



سابعا: حضرتك بتسألنى أقول الكلمة دى إمتى ؟؟ أنا الحمد لله مسحتها من قاموس الكلمات عندى و مش ممكن أقولها أبدا إلا فى حالة وحيدة و هى "إن الزوجة تكون خاينة و خيانة بائنة واضحة و بدون شك و مع تواجد الدليل"



ثامنا: التضحيات ؟؟ أنا أضحى بكل شىء عشان زوجتى "لما أتجوز إن شاء الله" بس مش من طرف واحد ...... لازم يكون فى تضحيات متبادلة

يا رب أكون أفدتكم ... و تقبلوا مرورى ... و مستعد للردود

[fathybehery]

الحقيقة انا لما اخترت العنوان الصعب دة كان لى هدف.......
الهدف دة هو ازاى انت او انتى هتختار شريك حياتك..

هتقولى طيب اية علاقة اختيار شريك الحياة بالطلاق
دة سؤال جميل.......و الجابة بسيطة.....دايما لما تكون داخل على موضوع او تجربة جديدة بالنسبة ليك و بيكون نجاحك او فشلك فى التجربة دى بيعتمد على اختيارك الاول دة فعلشان تنجح يكون كويس جدا انك تكون مخطط ان هيحصللك الاسوا وبعدين تفكر ازاى تتجنب الاسوا دة

دة طبعا بالاضافة لاستارة اهل الخبرة و خلافة
فانا حبيت احط امامك اسوا الاحتمالات ...و اسوف ازاى هتحلها

و فى الاخر انا عندى ليكم سوية نصاءح هتفيدكم اوى باذن اللة
و عاوز اشكر ال د/ yasser لانة امدنا بشوية معلومات جميلة ربنا يجزية خير

[Eman * SAMPS]

فى الأول عايزة أشكر د/ فتحى على طرح هذا الموضوع المهم .. و شكر خاص لد / ياسر ...
جزاك الله كل خير على رأيك الرائع ..

طبعا " انتى طالق " دى مفيش زوجة أبدا تحب تسمعها إلا إذا كان الزوج لا تحتمل الحياة معه

** بالنسبة للزوج امتى يقولها ؟
فعلا زى ما قال د/ ياسر .. اليقين من الخيانة ..

** بالنسبة للزوجة امتى تنتظر سماعها؟
أولا : لما يكون الزوج بيتصرف تصرفات لا تستطيع الزوجة تحملها
و طبعا منها عدم طاعة ربنا فى أهم الفروض و فشل الزوجة فى معالجة هذا التقصير ..
ثانيا : عند استحالة التفاهم بين الزوجين و شعور الزوجة بأن زوجها لا يثق فيها و دائم الاتهام لها
و لا يراعى ربنا فيها و يعاملها كأنها قطعة أثاث فى البيت..

** بالنسبة للتضحيات :
هى مش تضحيات بمعنى الكلمة ..
إنما ممكن نقول واجبات الزوجة تجاه زوجها و اللى ربنا أمرها بيه من أوامر
و نهاها عنه من نواهى ..
و يتمثل هذا فى قول الرسول صلى الله عليه و سلم :
" إذا صلت المرأة خمسها وصامت شهرها وأطاعت زوجها وحفظت فرجها
قيل لها أدخلي الجنة من أي أبواب الجنة شئتِ "

[fathybehery]

سكرا ل د/em€an على الرد الجميل دة.

و خلونى ابدا تظبيط الحياة من بعد الزواج:
و نقول ان المراة العربية قديما نصحي بنتها نصاءح كثيرة
انا سايف ان اهمها هى(كونى له امة ..يكن للك عبدا)

و اقدر ان اقول للرجل (كن لها عبدا ..و ابا...و ابنا...و راعيا....و كل حاجة.....تكن هى لك...كل ما تتمناة) و الكلام دة عن خبرة

[:|©؛°¨¨°؛©الصيدلى الذهبى©]

و اقدر ان اقول للرجل (كن لها عبدا ..و ابا...و ابنا...و راعيا....و كل حاجة.....تكن هى لك...كل ما تتمناة) و الكلام دة عن خبرة

كلام جميل يادكتور بس بلاش عبدا لان العبوديه لله وحده

[آيه محمد]

في الحقيقه كلمه طلاق دي صعبه جدا انها تتقال او تتسمع
وطالما الاختيار من البدايه كان صحيح يبقي ان شاء الله مفيش الكلمه جي
اولا الدين وضع لنا خطوط رئيسيه في كيفيه الاختيتار وطريقه المعاملهوطبيعه كل من الرجل والمرأه
فلازم يكون كلفرد عارفها كويس عشان يعرف يتعامل ازاي
ثانيا مفيش حياه بتخلو من المشاكل
بالعكس حياه بدون مشاكل ليس لها معني فهي ممله
ولكن درجه الاتفاق ومدي التواصل الفكري والتناقش بين الطرفين مع تقديم بعض التنازلات يلغي هذه الكلمه من حياتنا بل ويجعلها اسعد
تحياتي

[fathybehery]

كلام جميل من د-اية
انما تعالى مثلا نشوف هتعمللى اية لو شريك حياتك مشغول بعملة لدرجة كبيرة

او مثلا كان انسان محترم و لكن لا يجيد ان يعبر عن مشاعرة


او مثلا بيحب انة انت اللى تنظمى كل حاجة فى حياتكم...بمعنى ان انت اللى تقولى ياللة نخرج النهاردة....او ان يوم الجمعة انتى اللى تحطى برنامج ازاى تقضوة معا

الاسئلة دى علشان توضحللك ان ممكن تكونوا انتم الاثنين ملتزمين انما فية فى كل واحد طباع غير الثانى تماما

هنعمل اية بقى؟