المنــــظــــر ده مايعـــــديش بسهوله كــــده

[طموح صيدلانيه]

منظر كلنا بنشوفه يا جماعه ..

واحد قاعد فى عربيه أحدث موديل زى الباشا..

وواحد تانى جاى هدومه مقطعه وحالته مبهدله وواقف يمسحله العربيه..

يقوم صاحبنا دايس على زرار ..

ازاز العربيه يتفتح..

ويقوم صاحب العربيه مدي للراجل جنيه ولا اتنين..!!!

ربنا بيقولك المنظر ده ميعديش ..!!

ربنا بيقولك :

(انْظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلْآخِرَةُ أَكْبَرُ دَرَجَاتٍ وَأَكْبَرُ تَفْضِيلًا)

ربنا جعل كل حاجه فى الدنيا درجات..

الجمال درجات..

الذكاء درجات..

المناصب درجات..

وكذلك الاخره..

الميزان درجات..

والمرور من على الصراط درجات..

والجنه درجات..!

الفرق بين الدرجه واللى بعدها زى الفرق بين السماء والارض..!!

تخيل ندمك هيبقى شكله ايه لو اتحرمت من انك تبقى فى درجه اعلى فى الجنه علشان حسنه ناقصاك او سيئة زياده بسبب معصية عملتها ومتبتش منها..؟؟؟

تخيل انك ممكن تتحرم من انك تشوف النبى ...؟؟

تخيل الاسوء من كده بمرااااااااااحل انك ممكن تتحرم من رؤية وجه الله فى الجنه؟؟

وهو الجنه تبقى جنه من غير رؤية وجه الله عز وجل؟؟؟؟

علشان ايه كل ده ..؟؟!!!

علشان ايه يا جماعه؟؟!!

الناس لما عرفت ان فيه تعيين فى كلية الطب ل 50 الاوائل مثلا..بقى الواحد يقعد 6 سنين يفحت فى نفسه ويذاكر من 50 كتاب ومينمش ليالى ..كل ده علشان دنيا..

انما تقول الاخره..كله بيقول ربنا يهدينا..!

زى ما بنقول دايما..يا جماعه مش هيتساوى اللى ذكر ربنا 100 مره مع اللى ذكر ربنا 101 مره..

محدش فينا بيزعل على نفسه مره لما يسمع ان حد بيقيم الليل 4 ساعات مثلا ..؟

او حد بيختم القران كل اسبوع مثلا ..

او بيصوم يوم ويوم..

محدش بيقول ليه انا مكنش كدا..؟؟؟

محدش بيفتكر قول الله تعالى (وَفِي ذَلِكَ فَلْيَتَنَافَسِ الْمُتَنَافِسُونَ) ..؟؟

يا جماعه وانت قاعد عمال تضيع فى وقتك وتقول انا عايز حاجه تقتل الفراغ اللى انا فيه..!

فيه واحد قاعد بيقرا قران..

وواحد بيدعوا الى الله..

وواحد بيتفقه فى الدين..

وواحد بيذكر ربنا و بيصلى على النبي -..

حسانتهم عماله تزيد وانت قاعد فى مكانك..!

كلنا عارفين اننا هنندم يوم القيامه على كل لحظه ضيعناها ..

والله لو وقع فى قلوبنا الاحساس بالاخره وبأهمية الحسنه يوم القيامه ما كان حد فكر انه يتفرج على فيلم او يسمع اغنيه او يرغى فى الموبايل من غير لازمه او يدخل الشات او ..او ....!!

واخيرا..

قال تعالى :
(هُمْ دَرَجَاتٌ عِنْدَ اللَّهِ وَاللَّهُ بَصِيرٌ بِمَا يَعْمَلُونَ)

يا ترى درجتك عند ربنا ايه ؟؟؟؟

====
==
=
منقووول
من منتدى أحلى حياة فى طاعة الله

[مشمشة]

جزاكم الله كل خير د|طموح

(لا اله لا انت سبحانك انى كنت من الظالمين)

[N00R EL _SHAMS]

جزاكى الله كل خير ع النقل المتميز

[طموح صيدلانيه]

جزاكما الله خيرا
وبارك فيكما
أسعدتنى إطلالتكما

[Retag]

جزاكم الله كل خير

[زهرة الياسمين]

بوركتِ د- طموح
انا كملت قراءة وانا باستغفر
ما اشد تقصيرنا
جزاك الله خيرا على التذكير

[Amira Said]

موضوع راااااااااااائع يا طموح،، بارك الله فيكِ

[dr.muslima]

جزاكي الله خيرا

[المشمرون للجنة]

موضوع جميل

جزى كاتبه وناشره خيرا

فعلا الواحد يسعى لامر الدنيا ويتنافس فيه لكنن الاخرة اخر حساباته اذا دخلت فى الحساب اصلا

يمكن لان الناس كلها كده فيشعر طالب الاخره انه فى غربة فاما يثبت بعد وقعات مريرة واما يقع ويصبح من طلاب الدني واعتقد ان هذا حال كثير من الملتزمين الان الا من رحم ربى لان المجتمع كله عليهم

اللهم وفقنا لما تحب وترضى

[طموح صيدلانيه]

جزاكم الله خيرا على هذا الرد الجميل يادكاتره
بارك الله فيكم وزادكم إيمانا وقربا
لاتنسونا من صالح دعائكم