Collaberation between Physicien and Pharmacist .:: "P" squared project ::.

[Ahm@d Mott@we3]

ُEgyptien pharmaceutical students fedration
Pharmacy profession awareness campaign
pharmacy student survey
presents

"P" squared project

الإتحاد المصري لطلبة كليات الصيدلة
بالتعاون مع نقابة الصيادلة

تقدم

استطلاع راي عن اهم المشاكل التى تعوق التعاون
بين الصيدلى والطبيب في مصر

برجاء ملئ الاستفتاء الموجود بأعلى الصفحة

مع خالص الشكر لتعاونكم معنا

..

[Messi]

فكره جيده يا دكتور.......

[Ahm@d Mott@we3]

منور يا د/ محمد


ياريت أكبر عدد يقدر يعمل الإستفتاء
وأكيد الموضوع مهم جداا
ع الأقل خطوة في طريق حل المشكلة الموجودة بين الصيدلى والطبيب في مصر


..

[*محبة رسول الله*]

طبعا يا دكتور موضوع مهم جدا

وانا اكتر حاجه شيفاها تؤهلنا لده هو اننا ندرس مواد الفسيولوجى والتشريح مع طلبة طب من باب اننا نكون على دراية اكتر

بالتوفيق

[LOVELY BIRD]

فكره جميله وموضوع رائع يا دوك
بس تفتكري حضرتك هيغير حاجه في الواقع؟

[K_LYCAN]

ارجو ان اضيف ان يكون الصيدلى على علم بكل المتغيرات والتطورات الحديثة بخصوص الدواء والمهنة

[white light]

خير فكره كويسه لحل المشكله بين الصيدلى والطبيب بس اتمنى ان المشكله تتحل وده كله فى مصلحه المريض

[تارك الدنيا]

ادينا صوتنا وربنا يجيبه بفايدة


شكرا يا دكتور.

[m_pharmacist89]

اتمنى ان يكون الموضوع خطوة جيدة من النقابة فى سبيل حل مشكلات الصيدلى بالفعل

ولو ان هذا الامر يحتاج الى تطوير مناهج العلوم الصيدلية بشكل يلائم متغيرات المنظومة الصحية فى العالم وفى الوطن العربى بشكل خاص بالاضافة الى تغيير مفاهيم ممارسة المهنة ومشكلات اخرى لا يسع الوقت حاليا للكلام عنها للانشغال بالامتحانات

وباذن الله نفرد لهذا الموضوع المساحة الكافية فى الاجازة

[Sarah Mohsen]

هو اهم مشكلة ان الدكتور دايماشايف نفسه هو اللي يعرف اكتر
وده طبعا حاجةمكتسبه من المجتمع اللي بيعامل الطبيب كأنه هو اعلي واحد
ويمكن كمان بيهمل الممرض اللي بيبقي ليه دور اكبر من الطبيب بالذات فالمستشفيات
ده حتي فمسلسل تافه جايب الدكتوره بتكلم صيدلانيه وبتقوليها انتي اللي تاخدي من علمي يابنتي
فبس ان الطبيب يفهم ان هو ميعرفش كل حاجة وان الصيدلي بيفهم اكتر منه فناحيه الادويه والان كومبتابليتي والحاجات دي

وده طبعاهيجي لو اللي بيشتغل في الصيدلية كان صيدلي اساسا
فمينفعش واحد مش صيدلي يمسك سماعه التليفون ويتأمرعالدكتور ويقوله انت كاتب حاجة غلط
ساعتها حتي لو الراجل ده صح والدكتور غلطان هيتشتم

اناصوت ان كل واحد طبيب وصيدلي يعرف مهامه ايه بالظبط عشان ميتعداش علي التاني
وطبعا لازم يتضمنها المناهج الدراسيه عشان فيه طلبة كسلانه مش هتقعد تدور

واهم حاجة يكون فيه تشريع ان ميشتغلش فالصيدلية غير الصيدلي
حتي لو فيه واحد عنده خبره اكتر

شكرا يا دكتورةعلي الموضوع المهم