your career is our mission

[dr/elmallah]

كل واحد مننا عايش ونفسه يحقق حلمه ...واغلبنا الحلم بتاعه انه لما يتخرج من الكلية يلاقى مكان كويس يشتغل فيه .... بس فيه مشكلة وهيا الفرق بين اللى بندرسه و اللى المفروض بيخلينا مؤهلين اننا نشتغل فى حياتنا العملية وبين اللى بنقابله فى حياتنا العملية عشان كده عملنا منتدى فى الكلية تابع لادارة الكلية مباشرة وممثلة فى الدكتورة ماجدة الشربينى وكيلة الكلية
واسمه (E.T.O.P )
وده عبارة عن اختصار ل
Employment & Training Opportunities in pharmacy
عبارة عن تجمع لطلبة وخريجى كلية الصيدلة بنحاول نزيل الفرق بين الحياة العملية والنظرية عن طريق اننا نعمل دورات تدريبية تؤهلنا للعمل فى الصيدليات والشركات وعن طريق اقامة ملتقى توظيفى فى الكلية عن طريق اننا نحاول نجيب الشركات وسلاسل الصيدليات الكبرى فى الكلية فى الملتقى التوظيفى اللى هيتنظم فى الكلية فى منتصف شهر ابريل عشان الطلبة يقدموا ال c.v عشان يتدربوا & والخريجين عشان يلاقوا فرص عمل


انتظرونا قريبا جدا والاعلان عن اول الكورسات اللى هننظمه... واللى راعينا اننا نبدأ فى الكورسات من تحت الصفر من اول مجالات العمل الصيدلى
وازاى اكتب السيرة الذاتية
وازاى اقدر اجتاز من مقابلة العمل مرورا بكل الكورسات اللى ممكن نحتاجها

انتظرونا قريبا مع الاعلان عن اول مرحلة من الكورسات فى كلية صيدلة

غير حياتك ETOP مع

your career is our mission

[@Noh]

مجهود عظيم يادكتور بس أنا حاسة ان 90% من الكورسات أو الدورات التدريبية اللى بتتعمل بتكون مركزة على العمل فى الشركات وده صعب بالنسبة للبنات فياريت الاهتمام بمجالات العمل الأخرى , بس هى فعلا فرصة عظيمة أشكركم على مجهودكم فى تنظيمها وان شاء الله تكون فكرة ناجحة.

[dr/elmallah]

بالنسبة ان التركيز بيبقى على الشركات لان الاغلب دلوقتى بيتجه للشركات ... بس احنا ان شاء الله هنراعى ان كل الكورسات والملتقى التوظيفى اللى هيكون فى منتصف شهر ابريل يكون فيه مجال الصيدليات والمجالات الباقية ... دا غير ان كتير من مواضيع الكورسات زى التسويق ومهارات البيع تنفع للشركات والصيدليات زى بعض ..

وشكرا جدا جدا على مرورك على الموضوع وتعليقك الجميل وربنا يسمع منك ان شاء الله .

[dr-aya]

الفكرة حلوة جداً و إن شاء الله تتوج بتنفيذ هايل
ربنا يوفقكوا و يوفقنا معاكوا طبعاً

[dr/elmallah]

ان شاء الله هنحاول على قد مانقدر ان التنفيذ بتاع الفكرة يبقى كويس ... ومحتاجينكم معانا لاننا مش هننجح من غير ماتبقوا معانا شكرا يا د / آية على مرورك وعلى التعليق

[ABO El-DAHAB]

والله شغل جامد اوي اوي يا شباااااب ... ...وبجد رسالة شكر لكل الناس الي تعبت في تنظيم هذا الحدث الضخم ...بالتوفيق ان شاء الله

[dr/elmallah]

الله يكرمك يا ابو الدهب يارب وشكر ليك انتا كمان ماانتا واحد مننا .... دا انتا اللى مخلص مع شركة ...... يا كبيييير ان شاء الله هانت ويوم الاحد والاتنين الجايين نشوف ثمرة تعبنا ومجهودنا