لقاء مع د. محمود بكر عميد صيدلة المنصورة

[عامر إبراهيم]

السلام عليكم ورحمة الله وبركاته

أخوانى وأخواتى زملائى وزميلاتى طلاب وطالبات صيدلة المنصورة

مش هتكلم كتير عن حزننا الكبير لهذه المفاجأة الغير سارة التى واجهتنا بإستقالة أ.د / محمود بكر العشماوى عميد صيدلة المنصورة, لأن مافيش كلمات حزن وأسى تعبر عن مدى مصيبتنا

غير :

" إنا لله وإنا إليه راجعون "

ولكن مصيبتنا الأكبر أن نعلم أن هناك ظروف صحية لوالدنا العزيز, و و الله لأن يصيبك ألم لأصعب علينا من أى شيئ ... كما حالنا لو إمتنع أحد أولياء أمورنا عن العمل وإمدادنا بالطعام لظروفه الصحية, فكانت كل إحتياجاتنا أن يشفيه الله ويعافيه مما أصابه غير مباليين بأى أمور الدنيا ...

شفاك الله وعافاك أستاذنا ووالدنا أ. د / محمود بكر

قبل أن يكشف لنا والدنا عن سر هذه المفاجأة

كانت هناك دعاوى من بعض الزملاء :

بإعتصام

بإضراب عن طعام

بمقابلات ومطالبات رسمية لد. محمود للتراجع عن قراره

ولكن صحتك أهم عندنا والله يا دكتور محمود

هدخل فى الموضوع على طول

بما إننا بدئنا نسلم للأمر الواقع ونرى أنه لا مجال للنور من بعيد

إيه رأي زملائنا الطلاب من تنفيذ لقاء ودى يجمعنا مع د / محمود بكر ونتقدم به رسميآ لد. محمود أن نقابله فى إحدى أندية الجامعة أو تخصيص مدرج طلابى للقاء و مافيش مانع من بعض الفعاليات على هامش اللقاء .... إيه رايكم ؟؟؟

مين معانا ؟؟؟

ومين له رأي تانى ؟؟؟

واللى عنده أفكار ممكن نعملها خلال هذا اليوم ياريت يشاركنا على الرسائل الخاصة للإحتفاظ بعامل المفاجأة .... ولكن الأول عايزين نعرف مين معانا ونعرف هل هذا الطلب يناسب ظروف د. محمود بكر أم لا ... و كلى أمل أن يناسب هذا الطلب والدنا الحبيب د. محمود بكر ...

مين معانا ؟؟؟

[Al-Shaimaa]

أنا معاكم يا دكتور في الفكرة دي ان شاء الله

وأسأل الله تمام الصحة والعافية لوالدنا العزيز دكتور محمود

[متفائل]

مش عارف الظرف اللى حضرتك بتتكلم عنه

لأنه د / محمود ادلنا محاضرة فى رابعة التلات اللى فات

لكن الفكرة حلوة جدا و اعتقد إن د / محمود هيرحب بيها

ممكن لقء مفتوح و اقترح أنه يكون مثلا فى نقابة الصيادلة

و لو مش مناسب -لا قدر الله-

ممكن يكون حوار على المنتدى أو مجلة ........

[طيور الجنه]

و أنا كمان معاكم
د/محمود ماشاء الله عليه محبوب جدا مننا
والفكرة جميلة جدا
جزاك الله عنا خيرا

[Amira]

ربنا يشفيه يــــــــــارب

[lovely princess]

ربنا يشفيه يارب

بجد أنا في قمة الحزن على هذه الأخبار

[mayada a7md]

مى تو
اول الحضرين باذن الله

[Dr Deya]

معاكم ان شاء الله وياريت نفهم السبب اكتر من كده

[AbU ElKhAiR-Let`s Go]

ربنا يشفيه يارب

بجد أنا في قمة الحزن على هذه الأخبار

أمين يارب وبصراحه أنا حزين جدا وحسيت ان الدنيا اسودت فى وشى ساعة ما سمعت الخبر ده لكن دى سنة الحياه
ربنا يوفقك ويشفيك يادكتر

[N00R EL _SHAMS]

اكيد طبعا معاكم ان شاءالله انا واصحابى .....ربنا يشفيه يارب