الدنيا دي وحشة أوي!!!!.....
السلام عليكم ورحمة الله وبركاته ؛؛
عندما رأيتها لم أصدق ما أراه!!
لقد كانت البسمة لا تفارق وجهها كلما أراها ..ولكنها هذه المرة كانت مختلفة تماما....
نعم..لقد كانت منهارة بشكل غير طبيعي ...
وعندما اقتربت منها وسألتها ماذا بها أجابتني بمرارة:
-الدنيا دي وحشة أوي ..كل الناس فيها بتمثل على بعض الحب والاخلاص والتضحية وهما للأسف من جواهم حقد وكراهية ناحية بعض بشكل غريب و من غير سبب ..ومحدش بيقول كلمة الحق مادامت ضد مصلحته ..انا ماعادش عندي ذرة ثقة ف أي حد أبدا وبأفضل انعزل عن الناس وأعيش لوحدي !!
قلت لها :
-الإنسان مايقدرش يعيش لوحده من غير الناس ..وبعدين ايه اللي حصل خلاكي تبقي بالحالة دي ؟؟
أخبرتني تلك الزميلة عما حدث لها ..بعد ما اكتشفت حقيقة الشخصيتين اللتين كانتا في منزلة أكثر من أختيها ..وهي أن احداهن كانت دائما تتظاهر بالبراءة والاخلاص أمامها ...ولكن من ورائها كانت تطعنها في ظهرها وتكن لها كل البغض والكراهية ..على الرغم من أنها لم تفعل معها ما يستحق ذلك ..
وعندما استنجدت بالأخرى التي ظنت أنها أختا لها تخلت عنها..رفضت ان تنطق بالحق بل وانحازت الى الطرف الآخر ضدها ....
والسؤال دلوقتي ..هل عمرك تعرضت لحاجة زي دي ؟؟
ولو كدة فعلا هترجع تثق تاني ف الناس ازاي ؟؟
وليه بعض الناس بيبقى في جواها غل وحقدمن جهة ناس تانية مع أنهم ماشافوش منهم حاجة وحشة ؟؟
طب والادهى من كدة ليه الناس بتتحيز لشخص بعينه و ما بتقولش الحق؟؟؟
دي كدة اكيد هتتحاسب عليه يوم القيامة ..
السؤال الأخير بقى ..طبعا احنا دكاترة كبار ومش هنلجأ لأسلوب الاطفال بتوع الحضانة ونخاصم الناس وما نكلمهمش وكدة ..فياترى لو اتحطيت ف الموقف دة هترجع تاني تتعامل مع اللي كانوا أصدقاءك دول ازاي؟؟
معلش يا جماعة باعتذر عن الاطالة بس انا الموضوع مضايقني جدا ..وبجد نفسي اعمل لها أي حاجة عشان أطمنها ان الدنيا لسة بخير ..
يا ريت يا جماعة أعرف رأيكم في الموضوع دة..جزاكم الله خيرا ..
وختاما..حسبي الله لا اله الا هو عليه توكلت وهو رب العرش العظيم ...
رد مع اقتباس
المشاركة الأصلية كتبت بواسطة Chimera
