حــــال الصيـــــــادلـــــة

[dr.tito]

كلنا عارفين طبعا دلوقتي حكاية ان اي حد بقي بقعد في الصيدلية
سواء معاه شهاده او لا ممكن يكون دبلوم او خلافه لدرجة ان معظم الناس الي ميعرفوش حاجة يقولوا ان
مهنة الصيدلة او كلية الصيدلة معدتش جايبه همها
العيب منبن؟؟؟؟؟؟؟؟؟؟؟؟؟؟؟؟
اولا الدكاترة اصحاب الصيدليات نفسهم بيجبوا ناس عادية يقفوا في الصيدلية
وليه؟؟؟؟؟؟؟؟؟؟؟؟؟؟؟؟؟؟
انا سمعت انهم هيطبقوا نظام معمول به في امريكا والي هو بالطبع
هيرجع لمهنة الصيدلة قيمتها من جديد
وهو ان الطبيب كل ماعليه هو التشخيص فقط وعلي الدكتور الصيدلي ان
يقرأ التشخيص ويصرف الدواء
يبقي بعد كده مينفع يقف في الصيدلية غير دكتور صيدلي
قولوا ارائكم في الموضوع ده
لان كمان الاهالي مش بتوافق كمان يدخلوا اولادهم صيدلة لهذا السبب
ومعظم الي بيروحوا بيبقوا كاتبين طب وان مجتش طب يبقي صيدلة ميضرش
نعمل ايه عشان نغير الفكرة دي؟؟؟؟؟؟؟؟؟؟؟؟؟؟؟؟؟؟

[buffy]

دى نقطة مهمة انا ابن عمى مش بيقولى غير انى هبقى بياعة فى صيدلية انا بتضايق دا عندنا فى البلد واحدة معاها دبلوم واقفة فى صيدلية من زمان الناس دلوقتى بتقول لها دكتورة عجب

[dr.tito]

حاجة تسد النفس مسير الزمن يتغير

[buffy]

يابنى دى مشكلة امة خش نام واحلم ذى ماحنا كلنا بنعمل هما بيقولو كدة غيظ مش عارفين يوصلو لمكانتنا

[LOVELY BIRD]

انا سمعت انهم هيطبقوا نظام معمول به في امريكا والي هو بالطبع
هيرجع لمهنة الصيدلة قيمتها من جديد
وهو ان الطبيب كل ماعليه هو التشخيص فقط وعلي الدكتور الصيدلي ان
يقرأ التشخيص ويصرف الدواء
يبقي بعد كده مينفع يقف في الصيدلية غير دكتور صيدلي

ياريت ده يبقى بجد

[NeScaFE]

انا ابن عمى على طول يقولى .....الصيدلى ده يصنف كتاجر

والله الواحد بيتنرفز جدا........

[pharmacistina]

وهو ان الطبيب كل ماعليه هو التشخيص فقط وعلي الدكتور الصيدلي ان
يقرأ التشخيص ويصرف الدواء

سمعتيي الكلام دة بجد ؟؟

فين بقى ؟؟


طيب هو دة هيحصل هيحصل ان شاء الله لأنه الصح و أنا أعرف و تأكدت كويس انه لا يوجد أحسن من الصيدلي الكفء ليختار توليفة الأدوية المناسبة للمريض ,

هيحصل هيحصل , بس احنا الفكر في بلدنا صعب يتغير حتى لو للأحسن ..

الناس هنا في بلدنا فكرها جامد و متحجر شوية فمش بتقبل التغيير أيا كانت فوائده ..

لكن خدوا بالكم ..

عشان تمسك منصب حلو و تشتغل يا صيدلي , لازم تكون على مستوى عالي و تكون مالي مركزك علميا , مش صيدلي بيحفظ كلمتين ليلة الامتحان ينجح بيهم ..


عايز تحارب عشان مهنتك , كلنا هنحارب عشان مهنتنا و حقنا هناخده ان شاء الله ..

لكن الصيدلي الكويس بس هو اللي هيمسك موضع المسئولية .. مش أي صيدلي

مهو أنا مجيبش صيدلي ميعرفش حاجة في الأدوية و أقوله اختار دواء بناء ع التشخيص .. لاااااا كدة بنظلم الناس أكتر ما هم ضايعين ..

أصلي اكتشفت ان مستوى العك في الأدوية في مصر جااااامد , آه و الله ..

العك في الأدوية سواء من الصيادلة أو الأطباء ..

دة اللي أنا اكتشفته ولا أبرؤ نفسي ..

احنا في مصر مستوى المعرفة الدوائية وحش عندنا ..

فاحنا محتاجين يا صيادلة نتعلم أوي و نتشطر أوي و نذاكر و نسافر نتعلم صح برا مصر ..

و نرجع ساعتها لما أطالب باعطائي حقوقي , يبقى عندي حق ..

علشان بس نتقي ربنا في المرضى اللي بتموت من تسمم الأدوية ..


اللي بنحلم بيه و صعب دلوقت بكرة هيبقى واقع , لكن دة عايز مستويات صيادلة جامدين ..

يللا اجتهدوا ..

[رحيق]

لا لا لا يا جماعة انا مختلفة معاكم جدا
انا صحيح لسا فى اعدادى بس عندى تفاؤل وحماس اكتر من كدة
احنا لية نفسنا ان الناس تقدرنا؟؟
لية ما نجبرهمش على كدة؟؟

ببساطة لو كل واحد فينا استحضر نيتة انة هيذاكر وهيعمل كل اللى يقدر علية علشان ربنا يوفقة ويقدر يبنى مستقبلة ويكون مثال مشرف لبلدة ولامتة هيكون
وربنا هيوفقة وهيكون مميز عن غيرة والناس هتحترمة وهتقدرة بدون مايطلب هو ويتمنى