كالعاده.....هنشربها........ساده

[M.elsa3ed]

الأساى...البدايه؟ أم بداية النهايه؟
اللى حصل انهرده فى إمتحان "ليس شيت"الأساى هوه اللى هيحصل معانا تقريبا فى باقى الإمتحانات إذا كان فى يومين مقدرناش نزاكر تقريبا 30 ورقه بصرف النظر عن مضون الورقه إيه بس الواقع بيقول إننا مش هنقدر نزاكر البيو فى يومين ولا الفارما فى تلاته ولا حتى الأساى تانى فى يومين وكمان معاه جزء الإحصاء.
إمتحان إنهرده ده لازم يكون دليل للدكاتره إن الأمر مش سهل عشان كده لازم يراعوا ده فى سهولة الإمتحان أو صعوبته فهل هيكون اللى حصل انهرده بدايه ده مع الدكاتره ولا هيكون بدايه النهايه اللى تقريبا بقت معروفه
بس الظاهر إننا بعد كل إمتحان النظرى هنخرج نقول

كالعاده شربناها ساده

[Sincerity]

ساده وبجد مره اوى اوى
الاحساس اللى عندى ده بجد صعب ..
وابشركم ده فعلا بدايه النهايه واللى شفناه النهارده نموذج صغير
لكل الامتحانات اللى جايه
انا مش بحبطكوا والله بس لازم نعمل حسابنا للصدمات الجايه ..

[dr_smile]

حسبى الله و نعم الوكيل
ده انا على ما كنت بخلص قراءة السؤال واجى ابدأ فى الاختيارات الاقى نفسى نسيت هو كان عايز ايه اصلا
المهم تقريبا كدة هجيب 5
مع احترامى لدكتور شحتة و كل دكاترتنا الافاضل الامتحان كان ممكن ييجى اسهل من كدة بكتير
بس هنعمل ايه بقى ربنا يعوضنا خير فى النظرى ولو انى كدة اتطمنت خلاص

[dr..dody]

يعنى احنا كنا بنبقى ضمنين العملى عشان بنجمع درجات ف حاجات فهمينها

دلواتى بجد هنعمل ايه ف النظرى بتاع الاساى دى نجيب 79 من 80 عشان ننجح بقى ولا ايه

وطبعا لو النظرى شبه الشيت ده تبقى حاجه لوز اوى كلنا هنرتب

[Mohamed Al Gohary]

انا عندي سؤال واحد بس ..




هو سؤال واحد بس ..



ايوه مش هكتر سؤال واحد بس ..






واحد بس ..














هو احنا امتى هنذاكر .. ونحل بقى فى امتحان ؟؟

[BonaBart]

انا كنت جاى مبسوط
وقلت اشكر دكتور شحتة ع الامتحان

لقيت ردود الناس زعلانين

قلت بلاش .... مراعاة لمشاعرهم

بس يا جماعة مش معقول اللى انتوا بتقولوه دا

الامتحان كان كويس ... وفيه فنيات جميلة جدااااا

وهو دا المطلوب .... ولا ايه ؟؟!!!

عكس شيت فارما الكلمات المتقاطعة

اى نعم كان محتاج وقت اكتر من كدا بكتير

بس تخيلوا معايا كدا لو ماكانش الشيت ع النظرى

اكيد معظمنا ماكانش هيفتح النظرى الا قبلها

كانت هتبقى نفس الصدمة ... بل واكبر منها

لان الصدمة ف البابر ام 80 درجة

بس ربنا ستر واتصدمنا بدرى ...
وبردو اكيد استفدنا ... ذاكرنا ع الاقل تلتين المنهج

وماتزعلوش نفسكم ... ربنا يسترها معانا ف بقية المواد

وبالتوفيق يا جماعة

إذا كان فى يومين مقدرناش نزاكر تقريبا 30 ورقه بصرف النظرعن مضون الورقه إيه

بس الواقع بيقول إننا مش هنقدر نزاكر البيو فى يومين ولا الفارما فى تلاته ولا حتى الأساى تانى فى يومين وكمان معاه جزء الإحصاء.

إمتحان النهارده ده
لازم يكون دليل للدكاتره إن الأمر مش سهل
عشان كده لازم يراعوا ده فى سهولة الإمتحان أو صعوبته

فهل هيكون اللى حصل النهاردة بدايه ده مع الدكاتره
ولا هيكون بدايه النهايه اللى تقريبا بقت معروفه

بس الظاهر إننا بعد كل إمتحان النظرى هنخرج نقول

كالعاده شربناها ساده

الكلام دا سليم جدااااااا

الوقت مش كفاية خالص ... ويتوجب على الدكاترة مراعاة ذلك

[M.elsa3ed]

يعنى احنا كنا بنبقى ضمنين العملى عشان بنجمع درجات ف حاجات فهمينها

دلواتى بجد هنعمل ايه ف النظرى بتاع الاساى دى نجيب 79 من 80 عشان ننجح بقى ولا ايه

وطبعا لو النظرى شبه الشيت ده تبقى حاجه لوز اوى كلنا هنرتب

المقرر......هوه المقرر
الدكتور.....هوه الدكتور
المده.......نفس المده
الطلبه......نفس الطلبه
الدماغ......نفس الدماغ
اللى.....................................نفس اللى...........................

الاستنتاج : 1_ النظرى هيبقى زى الشيت بالظبط.
2 _ اللى حصل انهرده هيحصل يوم السبت.
3_ كالعاده.....هنشربها......ساده.
وأخيرا وليس بآخرا أعتقد إن إحنا هنشيل الماده ولا أنا غلطان؟

[د\بوسى ربيع]

متزعلوش يا جماعه باذن الله السنه دى هتعدى بخير عليكم بجد انا بقول الكلام ده وقلبى بيتقطع علشانكم الوقت معاكم ضيق جدا والمواد تقيله بس لعل ده فيه خير ليكم وبجد ياريت كل الدكاتره يراعوا ده معاكم استبشروا خير وباذن الله ربنا هيوفقكم دايما شيتات الفارما والاساى محدش بيحل فيهم فى الترم الاول احنا كنا كده السنه اللى فاتت والحمد لله عدت واحنا بندعيلكم وربنا هيوفقكم بصوا بس للى جاى وانسوا اللى فات

[Mohamed Al Gohary]

قلنا الكلام ده كل مره .. بس وبعدين .. خمسات ضاعت فى الدرجات وقلنا مش مهم تتعوض .. لكن التلاتينات دى تتعوض ازاى

[Messi]

مش انتم لوحدكم يا دكتور الي بيضيع منه خمسات وتلاتينات .....طب انا مثلا بكره عندي ثلاثينايه محترمه في عملي الفيزياء وما ادراك ما عملي الفيزياء ....وياريت علي قد كده وبس لأ ده فيه اسئله شفوي من ث.ع وحاجه ميه ميه يعني