رسالة الى رسالة و الجمعية العلمية

[M_DE3BES]

اودان اقترح عليكم بعض الاقتراحات التى اود ان تنال اعجابكم وان تكون فى برنامج(الجمعية ورسالة)التى اتمنى المشاركة فى انشطتهم

الندوات

1-مستقبل طب الاعشاب والطب البديل فى مصر
2-الفرق بين المستحضرات الناشئة عن اصل نباتى واصل كيميائى وان يحضرها اعضاء هيئة تدريس قسمى العقاقير والصيدلانيات وان شاء الله حتكون ندوة جامدة جدا
3-متطلبات سوق العمل المستقبلى للصيادلة
4- دور الصيدلى فى التنمية البشريةوخلق مجتمع صحى


نشاط اجتماعى

1- ان نقوم بعمل صندوق زكاة الفطر للجمع من الطلبة واعضاء هيئة التدريس وان يكون لة مكان ثابت فى الكلية لمساعدة طلبة الكلية الغير قادرين
2-ان نقوم بحملة التبر ع بالدم ونشكر رسالة على مجهودها فى هذا الشان العام الماضى
3-توعية الفرقة الاعدادية( مصادر المذاكرة-كيفية المذاكرة-شراء ادوات المعمل)


الرحلات

اود ان تكون الرحلات الى الشركات مفتوحة لجميع الطلبةونضيف عليها رحلات الى مكتبة الاسكندرية ومعر ض القاهرة الدولى للكتاب

انشطة اخرى

1-عمل دورى ثقافى بين طلبة الكليةبتكوين فريق من 3-5طلبةوان تكون فى حضوراعضاء هيئة تدريس؟.؟؟؟
2-عمل مسابقةثقافيةعامة خاصة بشهر رمضان
3-عمل معرض مثل الذى اقيم ايام اسبوع شباب الجامعات واللى عندة فكرة يقدمها


انتظر ردودكم ومقترحات اكتر
وفى النهايةاتمنى ان اكون ضيف خفيف عليكم وان تكون هذة المقترحات نقطة فى بحر ما ستقدمونة للكلية هذا العام
والسلام عليكم ورحمة الله وبركاته

e_mail [email protected]

[Alaa_Resala]

اولا يشرفنا تبقى عضو معانا فى الأسرة
وبالنسبة لمقتراحاتك فبعض منها كان فعلا فى مخطط الأسرة
وفى حاجات تانية عايزة ترتيبات على مستوى عالى
يعنى لو نشتغل ككل كل الأسر مع بعضها ومع الجمعية العلمية كمان
واهى فرصة حاجة تجمعنا

بالنسبة لتجميع زكاة الفطر فممنوع اننا نجمع فلوس داخل الكلية

وان شاء الله نقابلك فى الكلية وتعمل معانا شغل جامد
ونناقش مقترحاتك ونعرض عليك الأنشطة المنتظرة فى الأسرة
انا اعتبرتك عضو فى الاسرة خلاص:d

[Eman * SAMPS]

السلام عليكم و رحمة الله و بركاته

شكرا يا د/محمد على اقتراحاتك و نتمنى أنك تكون عضو معانا من أول الترم إن شاء الله ..
** بالنسبة لموضوع الندوة هيبقى صعب الترم الأول ؛ لأن المفروض إن احنا حطينا تصور للشغل الترم الأول بس ممكن بقى الترم التانى إن شاء الله بس انت اللى تكون صاحب الفكرة و ماسك الشغل بتاعها علشان انت أكيد هتكون أكتر واحد متحمس ليها لأنها فكرتك و إحنا هنكون معاك إن شاء الله .

** بالنسبة لصندوق الزكاة ...... الموضوع هيبقى صعب شوية لأن زى ماد/ دعاء قالت ممنوع جمع فلوس داخل الكلية و دة غير أنه نشاط خيرى و الجمعية العلمية من اسمها تكون علمية أكتر من خيرية و دة غير أن أكيد فيه جمعيات خيرية كتير بتعمل الشغل دة.

** بالنسبة لمشروع بنك الدم لم نفكر فى الفكرة بعد و أنت قلت أن رسالة عملتها قبل كدة فممكن نفس الأسرة تعملها.

** بالنسبة لشركات الادوية ..... إن كنا بنعملها لبتوع رابعة و ثالثة فدة لأن فرصتهم فى الرحلات بتكون أقل من إعدادى و أولى و تانية ( ال3 فرق دول فرصتهم أكبر فى طلوع مثل هذه الرحلات فى السنين اللى بعد كدة) و دة لأن الإقبال على الرحلات بيكون كبييير جدا من ثالثة و رابعة فما بالك لو عملناها لكل الفرق ... بس الحل أن عدد رحلات الشركات تزيد و دة من قبل باقى الأسر، أما بالنسبة لمكتبة الإسكندرية و معرض الكتاب مفكرناش فيها قبل كدة , بس هى فكرة حلوة أوى و أنا شخصيا كنت بفكر فيها وممكن نفكر نعملها إن شاء الله .

** بالنسبة لباقى الأنشطة برده ممكن نفكر فيها بس انت هتكون اللى ماسك الفكرة و ماسك شغلها و متخافش مش هنسيبك هنبقى معاك خطوة بخطوة إن شاء الله .

** بالنسبة للمعرض دة هيبقى عايز تجهيز كبيييييير جدا من قبلها و لو اتعمل هيبقى بالمشاركة مع باقى أسر الكلية و هيبقى فى الترم التانى إن شاء الله.

و جزاكم الله خيرا يا دكتور على إيجابيتك و نرجو منك المزيد و شكلك هتبقى عضو active جدا إن شاء الله بس ابقى معانا من أول يوم إن شاء الله علشان تعرف الشغل ماشى ازاى و أهلا بيك مرة تانية كعضو معانا فى الجمعية .