هل يسهل عليك الاعتذار؟

[SHYMAA]

كلنا نخطىء ولكن منا من يشعر بخطئه ومنا من يتمادى
اما من يتمادى فلا حديث لنا عنه
لكن من يشعر بخطئه ماذا عليه ان يفعل؟
لم اجد حلا سوى الاعتذار
حل سهل وصائب من وجهة نظرى
ولكن احيانا اسمع كلاما : كبريائى ,عزة نفسى, كرامتى فوق كل شيىء
كلام لا افهم له معنى سوى التمادى فى الخطا وكلام نردده رغم ان عقولنا متفتحه
فهل انت ممن يسهل عليه قول: اعذرونى لقد اخطات؟ ام لك راى اخر؟



احببت ان ابدا بنفسى واقدم اعتذارا لكل من اخطات فى حقه
وهنا على المنتدى لا اعرف ان كنت قد تماديت فى بعض ردودى ام لا
وان كنت فعلت ذلك فمن المؤكد انه مع زملائى من الفرقة الاولى قد لا اعرف الا اسمائهم
ولكن اذكر انى قد حدثتهم باسمائهم دون ان اعرفهم
وان كنت قد اخطات فلربما ما دفعنى هو احساسى باننا لسنا غرباء عن بعضنا فنحن زملاء عمر واحد ولهذا تعاملت وكاننا اصدقاء
فاعذرونى يا Queen of pain,Mazen,hancock and misoo ان كنت قد تعاملت بعفويه رغم اننا لا نعرف بعضنا



وكمان عايزه اشكر د/ Cizar لانه من لفت نظرى لذلك وذكرنى انه مهما كانت اواصر العلاقة بيننا الا ان هناك حدود لا يجب ان نتخطاها يوما
فاعذرونى ان كنت قد اخطات
واجيبونى ان كنت ممن يسهل عليه الاعتذار ام لا؟

[dano_90]

لو غلطانه بجد اعتذر

لو حسيت اللى قدامى هيقدر اعتذارى هعتذر

لو مريت بالموضوع الجميل ده ومسيبتش رد


اكيد هعتذر

ويارب لو كنت غلطت ف حق حد يسامحنى

[SmSm]

عن نفسي..
طالما شايفة حالي غلطانة بعتذر..
ولكن الأسلوب بيختلف حسب اللي قدامي
لو كان حد قريب مني او مجرد زمايل
وعمري ما اتكبر ابدا عن اني اعتذر لأي حد أنا فعلا غلطت في حقه..لأن في ناس بتفهم الموضوع غلط .. وبتشوف انك لازم تعتذريلها أو انك غلطانه في حقها أو سبب في مضايقتها وبتبقى محتاجة مجرد توضيح للأمور..


بحيكي شيماء على روحك..

[same7]

ولكن احيانا اسمع كلاما : كبريائى ,عزة نفسى, كرامتى فوق كل شيىء

واين كانت كل هذه المعانى حين ارتكب خطأ فى حق غيره ؟
اكيد راح لبهاء.!!!!!

فهل انت ممن يسهل عليه قول: اعذرونى لقد اخطات؟ ام لك راى اخر؟

الحمد لله طالما حاسس انى غلطت
اكيد بعتذر
يمكن الاعتذار بيهدى الامور شويه
لكن عمره ما بيرجع الامور زى الاول دايما بيفضل الخطأ فى الذاكره واى مناوشه او حاجه بيفتكروا علطول

فالواحد المفروض يحاول انه ياخد باله من الاول احسن

شكرا يا شيماء على الموضوع ده

[treka 22]

انا الحمد لله بحاول مخلطش فى حد بس لو غلط بعتذر
على فكرة لو الواحد غلطان ويروح يعتذر بيكبر فى نظر اللى ادامه

[Chimera]

الصراحة انا مش بأعتذر خالص مش فاهم ليه ؟؟!!
بس ممكن لو غلط ف حد اروح بعدها اهزر معاه مثلاً يقوم يفهم اني بعتذر
انما إعتذار مباشر .. مش بيحصل إلا نادر

.,,

[شاوشاو]

لازم الواحد يعرف غلطه بس تفتكر الاعتذار كافى لجرح القلب وخيانه الصديق هيقدر يداويه

[marooo]

لو انا متاكده ان انا الغلطانه اكيييييييييييييييييييييييييييييييد هعتذر thanks shymaa

[M_S_SH]

انا بعتزر طبعا لو انا غلط وما سيبشي الي انا غلط فية الا اما اكون متاكد انة خلاص مش شايل مني

شيماء
هوا انتي ممكن تكوني غلطي انا شايف غلطت بس اني انتي كنتي مفتحة شوية بس انا مش شايف ان انتي غلطي في حد فينا (انا بتكلم عن نفسي) لو كنتي شايفة نفسك غلطي خلاص ياستي انا متقبل الاعتذار .....

[MaZeN]

وهنا على المنتدى لا اعرف ان كنت قد تماديت فى بعض ردودى ام لا
وان كنت فعلت ذلك فمن المؤكد انه مع زملائى من الفرقة الاولى قد لا اعرف الا اسمائهم
ولكن اذكر انى قد حدثتهم باسمائهم دون ان اعرفهم
وان كنت قد اخطات فلربما ما دفعنى هو احساسى باننا لسنا غرباء عن بعضنا فنحن زملاء عمر واحد ولهذا تعاملت وكاننا اصدقاء
فاعذرونى يا Queen of pain,Mazen,hancock and misoo ان كنت قد تعاملت بعفويه رغم اننا لا نعرف بعضنا

على فكرة انا حاسس كده ان انا زعلان بجد لأن الكلام اللي انت كتباه ده هو اللي يزعل فعلا اولا احنا كلنا زمايل و اصدقاء و عمر ما حد ما حس منك بأي تمادي .. و على فكرة اجمل حاجة هي العفوية البعدية عن التصنع و انا عن نفسي مش شايف ان في اي حاجة تستاهل الاعتذار احنا زمايل و اصدقاء و مفيهاش حاجة اذكر انى قد حدثتهم باسمائهم دون ان اعرفهم

ودي فيها ايه يعني اما تكلميها باسامينا هي كده اهانة لينا ههههههههههههههه
وعامة بالنسبة للموضوع
فانا لو غلطان او حاسس ببذرة غلط من نحيتي فانا بعتذر مرة وتانية وتالتة و عشرة ان لزم الامر لغاية ما اللي قدامي يسامحني و نبقى صافي يا لبن