المشاركة الأصلية كتبت بواسطة O.R.S
السلام عليكم
ازيكم جميعا
عاوزة أناقش معاكم موضوع اللقاءات الطلابية اللي بتتعمل كل أسبوع عندنا في المدرج
الوضع الطبيعي ان دكاترة كل قسم بييجوا المدرج كل يوم اربعاء الساعة 2
عشان يقابلونا ويعرفوا لو فيه مشاكل عندنا متعلقة بأقسامهم والمفروض اننا نحضر عشان نقول رأينا
لكن اللي بيحصل ان الدكاترة ورئيس القسم بييجوا ومش بيلاقوا طلبة
النهاردة مثلا دخل د/حاتم ود/ناريمان ود/منار ممثلين لقسم التوكسو أو الفارما بمعني أصح
وكنا 3 بس اللي حاضرين
أنا وواحدة من مجموعة ب وولد
مش عاوزة أقول لكم عن كم الاحباط علي أوجه الاساتذة وخصوصا استاذنا د.حاتم .
المهم الناس كتر خيرهم سألونا عندكم مشاكل في قسم الفارما؟
طبعا يمكن القسم ده مريحنا نوعا ما وبالتالي كانت الاسئلة عن نظام القبول في الدراسات العليا بالقسم بعد التخرج
يعني طلعنا بمعلومات جديدة وعرفنا ان الفارما في اللايحة الجديدة هتبقي متقسمة علي أربع أجزاء مش زي ما احنا درسناها في سنة واحدة.
لكن خرجوا متضايقين جدا جدا جدا وطلبوا اننا نبلغكم اننا كطلبة احنا الخسرانين
وبالتالي ليه يا جماعة ما نحضرش ونقول رأينا واقتراحاتنا ؟
مستنية ردودكم احنا ليه ما بنحضرش اللقاءات الطلبية؟!
يللا سلام.
اول مرة اعرف الحكاية دى............ان اللقاء الطلابى بيكون اسبوعى
بس شئ جميل انه بيحصل
ياريت الناس تعرف كده........كانت حاجات كتير اتغيرت
بس مفيش اعلان عن مواعيده
انا كنت بحسبه مرة اول السنة وخلاص
....................................
اما بالنسبة لمناقشة المشاكل فى القسم ..ده شئ اجمل..ززممكن يغير حاجات كتير
الخبر اللى اسعدنى فعلا ان الفارما هتتقسم على اربع اجزاء بدل دراستها كلها فى سنة واحدة
وده طبعا بالنسبة لنا موضوع منتهى......عدى وفات
بس انا مبسوط منه لان ده كان حلم ليا.......ز والحمد لله اتحقق
عيب يا سنة رابعة
قال يعنى لو قلت للدكتور ان المعيده بتاع التوكسو الله يمسيها بالخير اخدتنى غياب عشان عشر دقائق تأخير و المواصلات كانت زحمة ووقفت ساعه الا ربع على الموقف عشان اجى الحق السكشن ورايح اكلمها بتبصلى بطرف عنيها وهى بتاكل بسكويت بالشاى وتقلى ملكش غياب عندنامع السلامة كان هيجيبلى حقى منها !!!
.gif "Fop (36)")
