تقرير pharmacist care one day workshop

[dr_Eucalyptus]

الســــلام عليكم ورحمة الله وبركاته

اسفه يا جماعه على التأخر بسده بسبب بحث الفايتو كان لازم اخلصوا بردو ...واكيد طبعا هتعذرونى.. انا عارفه قلبكم كبييييييييير ...

ويالا نروح
نشوف التقرير>>>

One Day Workshop
Mansoura .. March 2009

بدأناها

بالترحيب بالحضور

ثم كلمه ا.د/ ماجده أحمد الشربينى

وكيل الكليه لشئون خدمه المجتمع والبيئه

ورائد الاسرة

تلاها كلمه لد/ سعيد شمعه

Chairman of F.P.A

وبعد كده بدأنا ... وأول محاضرة كانت عن

Time Management

واتكلمت عنها د/ هبه مجدي

اتكلمت عن اهميه الوقت بالنسبه لينا .....

وازاى احنا بنخلى الوقت هو اللى يقودنا

بس المفروض اننا اللى نقود الوقت مش العكس ... وعرفنا ازاى ممكن نعمل كده.... وازى ان تخطيط الوقت ده مهم قوى لــتحقيق اهدافنا وعمل انجازات .... واننا مش هنعرف نخطط صح منغير ادارة كويسه للوقت...

وكمان اتكلمنا عن اننا بنتحاسب على كل دقيقه بتمر علينا ... ده بعد ماشلنا ساعات النوم و.. و.. فلازم نستغلها صح فى حاجات تفــدنا وليست تضرنا .

فعلا كلنا مجربين... احنا بنضيع كام ساعه فى اليوم فى حاجات مش هتفدنا على الرغم من قدرتنا على فعل اشياء اكثر افاده .اظننا كلنا لمسين الموضوع ده وبردو عارفينا المقوله المشهورة

""الوقت كالسيف... ان لم تقطعه .... !!!!""
والحمد لله ... الموضوع وصل للناس .... ولاقت المحاضرة استحسان كثير من الحاضرين ...
ودى الصور اسيبكم معاها ....

ودى بعض الصور وللمناقشات مع د/هبه بعد ورشةالعمل

ونيجى لتانى محاضرة عندنا وهى

Selling Skills

واتكلم عنها د/ابراهيم عبد المؤمن

وهو اتكلم هنا فى المطلق .... مش بس من ناجيه العمل والCareer بتاعنا ... وقال انها مهارات لازم نكتسبها ونحاول ننميها ..ومفيش حد هيعلمهالك ..لازم انت اللى تكون عاوز تكتسبها ومع الوقت والتطبيق هتبقى احسن

واد ايه ممكن تفيدك فى معاملاتك مع الناس فى حياتك العامه وفى شغلك

ازى ممكن تتعامل مع اهلك فى البيت وتكون شخصيه ذات اهميه عندهم وممكن يستشيروك فى كل حاجه
واهميه انك تكون متعاون على طول معاهم
وطبعا ده يسهلك حاجات كتيييييييييييييييييير
وبردو ازاى بيها تتعامل مع اصحابك .. وفى الشغل .. وطبعا مع المريض اللى جيلك الصيدليه ولو رايح لدكتور .... الخ
وده كله من غير افراط أو تفريط يعنى كله لازم فى المعقول اكون لين فى التعامل مع الناس واسمعهم واشوفهم عاوزين ايه وبردو من غير ما يأثر على شخصيتى وعلى رايى وازاى فى الاخر اقدر اوصل اللى انا عاوزة لاى حد وباى اسلوب طالما هو كويسوانا مش هضحك عليه ...بس مش طريقه تقلل من قدرى بردو..

وطبعا نفتكر قول الله تعالى "ولو كنت فظا غليظ القلب لانفضوا من حولك "

الحقيقه كانت محاضرة حلوة قوووى واتعلمنا فيها مهارات كتير

والناس كانت مبسوطه .. الحمد لله .

ومرة تانيه اسيبكم ... والصور.

واخرمحاضرة معانا
اتكلم فيها د/ أحمد كرم
وكلمنا عن

Self Confidence

وايه اهميه االثقه بالنفسفى تحقيق اهدافك وطموحات ..... وازى ممكن تعمل حاجات جديده ومجربهتهاش قبل كده .... بس لثقتك بنفسك ممكن تنجح فيه وبتميز كمان...

وعرفنا الفرق بين الثقه بالنفس والغرور وان الثقه دى بتقبى مبنيه على اساس .... بينما الغرور مبنى على فراغ.

وطبعا كلنا نحترم الواثق بنفسه وننفرمن المغرور ... وطبعا انت لما تتعامل مع انسان واثق فى نفسه اكيد بيبقى احسن .... وكمان ليه فرص اكبرفى مجال العمل بحاصه فى هذه الفترة ... ومش هتنجح الا لو كنت متميز ..

واهميه الاعتدال فى الامر ده وكمان اكون واثق فى قدراتى وما خليش حد يأثر عليا تأثير سلبى ... يعود عليا بالتثبيط
ولو عاوز اعمل حاجه لازم افضل وراهها لغايه ماعملها ... مش من اول مرة ازعل واكتئب كام يوم وفى الاخر خلاص انساها ...
ولو كررت وبردو مانجحتش اشوف الخلل فين ؟؟؟!!!! واصلحه.... لازم دايما اقيم كل حاجه بعملها .... مش ممكن انا مخططها غلط!!! او فى النص عملت حاجه غلط يبقى باستمرار اشوف انا ماشى صح ولا ايه؟؟؟ .
وكمان لازم نشجع الناس اللى حولينا انهم يبقوا احسن وده فى الاخر هيعود علينا كلنا...
والحمد لله كل الناس اسمتعت بيها ... واكيد حسوا اننا لازم نتغير (لأحسن طبعا)
بردو اسيبكم مع الصور

وبكده انا خلصت كلامى ... انا عارفه انه كتير بس حولت على قد ماقدرانى اوصلكم كل حاجه ..

وطبعا احب اسمع رأى كل اللى حضروا فى الكلام اللى قولته ...

واللى عنده زياده ما يبخلش عننا

بالتوفيق ان شاء الله

[dr_shaimaa]

انا كنت من الحضور وبجد استمتعت جدا بالندوة وكانت اكثر من رائعة وبجد استفدت كتير وكان التنظيم رائع والحضور هايل وكل الناس كانت مبسوطة وده بجد انجاز لاسرة صيدلى المستقبل صاحبة الاعمال الرائعة والانجازات العظيمة وبجد بتمنى للاسرة استمرار النجاح والتوفيق ودايما كده للامام ..ومستنيين المزيد من الاعمال..وبجد هيكون شرف لاى حد انه يحضر اعمالكم..

[المشمرون للجنة]

السلام عليكم انا كنت من الحضور الحمد لله واستفدت كتيييير وصراحة محاضرة الدكتور احمد كرم كانت فوق الرائعة وكلامه تقريبا ما زال مأثر فيه

وكنت عايزه استفسر عن الشهادةوميعاد استلامها

وجزاكم الله خيرا على هذا العمل الجميل الطيب

[dr queen]

أنا للأسف ما حضرتش الندوة لظروف الرحله انتى عارفه طبعا يا رضـــا
بس أكيد فاتنى كتير زى ما أنا شايفه ،
واضح انها كانت رائعه جدا ،

وأعوضها فى حاجة تانيه ان شاء الله ..


شكـــــــــــــــــرا صيدلى المستقبل ..

[بنت مصر]

السلام عليكم
انا للاسف محضرتش عشان السكشن والمحاضرات بس واضح انه كان يوم جميل وعمل رائع زى ماصيدلى المستقبل عودتنا دايما
شكرا ليكى رضا على عرض اليوم الحلو ده

[yojeena]

انا حضرت الندوة كانت رائعه بجد و كمان كان معايا صديقتي من كليه تانيه كان يوم حلو اوي واكيد استفدت منه كتير

كل الدكاترة كانوا هايلين بصراحه وبالذات د/ابراهيم ...دماغه عجبتني اوي
و د/احمد بجد ممتاز و مستقبله ان شاء الله باهر كل كلمه قالها اثرت فيا
وبردو د/هبه كانت متالقه بسم الله ما شاء الله عليها
و الاجمل اني اتعرفت علي اصدقاء جدد
شغل هايل من جمعيه صيدلي المستقبل وفي انتظار كل ندواتكم الجديده

[BoNbOoNa]

للاسف كان عندي محاضرات وسكاشن طول اليوم و مقدرتش اجي ..لكن تتعوض ان شاء الله
ربنا يجعله في ميزان حسناتكم ان شاء الله
شكرا د\ رضا .. لكي مني اجمل تحية

[Dr nour]

أنا برضه حضرتك الندوه بس للأسف مقدرتش اكملها للأخر بسبب سكشن الصيدلانيات
كنت بتمنى فعلا انى احضر ال Self Confidence وللأسف دى الوحيده اللى معرفتش اتواجد فيها بس يلا خير
وفعلا كان يوم جميل ومحاضره دكتوره هبه كانت جميله قوى استمتعت بيها جدا وبجد مش لاقيه كلمات اشكركم بيها على هذا اليوم الرائع اللى اثر فيا قوى فجزاكم الله خيرا ويارب من نجاح لنجاح دايما

[monosh]

اليوم فعلا كان جميل....

والمحاضرات التلاتة كانت فوق الوصف.....

أوكيد استفدنا منها بشكل كبير جدا جدا....وخصوصا مع د\ إبراهيم.

أمنى انها تتكرر تانى وبشكل أكبر على مدار أكتر من يوم...

مشكورة أسرة صيدلى المستقبل على مجهوداتها المتميزة...

فى انتظار المزيد..

ونفس استفسارى عن الشهادات.

[dr_Eucalyptus]

ميرسى ليكو كلكم يا جماعه
وبجد احنا اللى اسمتعنا بيكوا ...واننا اتعرفنا على كتير منكم بجد شخصيات جميله
و اللى محضرش اومكملش للاخر ... يقدر يعوضها تانى باذن الله
بس بردو أهم حاجه اننا نطبق كل اللى خدناه
لانها تعتبر كلها مهارات لازم تمارس وتطور

وبالنسبه للشهادات زى ما اتفقنا هتكون يوم 9/4 فى حفل الختامى للمسابقات

بالتوفيق للجميع ان شـــــاء الله