الكذب الأبيض

[drsherbiny]

وانا بتصفح بعض مواقع الاخبار لقيت موضوع شدني اوي اجيبهولكم الاول وبعدين نشوف ايه رايكم


يختلق بعض الرجال أكاذيب مختلفة يطلقون عليها " الكذب الأبيض " ، وذلك بحجة الوصول إلى صيغة متوازنة للتعايش مع عقول زوجاتهم واستمرار الحياة الزوجية دون السقوط في فخ النكد الذي يشل الحياة ويعجل بنهايتها بأقصى سرعة .

وقد أكدت دراسة حديثة أجراها أحد المراكز المتخصصة في البحوث والدراسات بالولايات المتحدة الأمريكية، أن الرجال أكثر قدرة على حَبك الأكاذيب وصياغتها ، وأكثر خبرة في اختيار التوقيت المناسب للكذب والطريقة التي تنطبق عليها الكذبة فتبتلع دون اكتشاف .

والجديد في الأمر أن الدراسة ربطت بين مستوى الذكاء وبين الكذب فكلما ارتفع مستوى الذكاء كلما .زادت القدرة على الكذب وكلما قلّ مستوى الذكاء كلما قلت القدرة على الكذب.

وقد سجلت الدراسة قدرة الرجل على ممارسة الكذب في أنه بين كل 4 رجال يكذبون هناك رجل واحد منهم لا يتقن الكذب فيتلعثم ويضطرب أثناء قيامه بذلك .

وبالرغم من أن النساء يكذبن أيضاً في بعض الأحيان ، إلا أن الرجال يطورون دفاعات حياتهم في الكذب ويلجأون إليه لينجوا بأنفسهم من غضب زوجاتهم وللتغلب على مصاعب الحياة في ظل الخلاف مع الزوجة



الكلام ده كلام كبير وفعلا بيحصل يا جماعة في مجتمعاتنا وخصوصا مصر انتم طبعا عارفين ان كيدهن عظيم وخاصة في مصر


انا عاوز اعرف راي الولاد في الموضوع ده هل انته ممكن انك تلجا للاسلوب ده في حياتك ؟ وايه رايك في الانسانه اللي بيكون ده اسلوبها ؟


والبنات هل ممكن تتقبلي حاجة زي دي كفكرة ولو عرفتي ان الانسان ده مثلا بيعمل كده هيكون ايه تصورك ؟

[same7]

انتم طبعا عارفين ان كيدهن عظيم وخاصة في مصر

'طبعا عارف دول بيهددونى عينى عينك

انا عاوز اعرف راي الولاد في الموضوع ده هل انته ممكن انك تلجا للاسلوب ده في حياتك ؟ وايه رايك في الانسانه اللي بيكون ده اسلوبها ؟

لا طبعا مش ممكن
والكدب مش هوه اللى هيشيل النكد صحيح هوه ممكن يشيل فى ساعتها لكن لو اكتشفت الكدب اللى لازم يتكشف فى يوم من الايام
هيجى النكد برده
واعتقد ان الحب المتبادل
والتفاهم اللى بينا واننا ناخد الخطوه والقرار مع بعض
يلغى كل الحاجات دى
لان احنا زوجين مش ناقر ونقير
يعنى فى كل حاجه حلوه وربنا ميجبش نكد ويكرمنا بالزوجه الصالحه
ومش هيبقى فى نكد ولا سبب انى اكدب

عمرها ما هتبقى كده طالما فى حب وتفاهم مبينا
لانها ان شاء الله مش هتحتاج انها تبعد النكد

شكرا يا دكتور

[drsherbiny]

فعلا انا في حياتي كلها باعتمد الصراحه وعمري ولا عمري هكذب في يوم من الايام ولا هيكون ده اسلوبي


الموضوع معجبش الناس ليه جايز عشان قولت ان كيدهن عظيم علي العموم الموضوع


منقول حرفيا

[ملكة الدموع]

اولا سلام عليكم
ثانيا ان كيدهن عظيم .... محدش يقدر يزعل منها ربنا سبحانه وتعالى ذكرها فى القران الكريم
ودى حاجه ضدكوا مش معاكوا
على العموم انا اكتر شئ بكرهه فى حياتى هو الكدب
والحقيقه اكيد بتجرح بس اريح ....ده مبدئى
والله اعلم