مســـابقه الابداع الأدبى .....

[dr_Eucalyptus]

بانتظـــــــار المواضيع ...... عاوزين نشوف المــــواهــــب .......

[ms_Belladona]

بجد شغلكم متميز جدا يارضا التيرم دة
ربنا يوفقكم

[dr/noony]

ما شاء الله ايه الشغل الجااااااااااامد ده ؟؟؟؟
والمنتدى ما شاء الله مليان شعراء
يالا ورونا المواااااااااااااااااهب

[dr_shaimaa]

مجهود هايل يحرز هدفا لاسرة صيدلى المستقبل صاحبة الانجازات والاعمال المتميزة التى لطالما تركت البصمة فى عقولنا وتركت لافكارنا العنان لكى تنطلق سابحة فى ارجاء احلامنا ووفرت لنا المساحة لكى نبدع وننمى موهبتنا
وبجد مسابقة هايلة واكيد سوف نجد العديد من المواهب والابداعات الفنية فمصر ولادة وكلية صيدلة الام التى تنجب العديد من الموهوبين والمتميزين ..تمنياتى لاسرة صيدلى المستقبل بالمزيد من التقدم والى الامام دائما

[pharma princiss]

السلام عليكم
ايه يا جماعه فين الشعراء بتوع منتدانا يللا مستنيين الشغل
وبعدين المعرض قرب عايزين نقدر نجهز الموضوعات علشان نقدر نعرضها فى احسن صوره
ولجنه التحكيم تاخد وقتها كمان
وكمان احنا ماأعلناش عن الجوايز علشان تكون مفاجأه بس على العموم انا بشجعكو بس
الجوايز مابين كتب صيدلانيه لا غنى عنها لاى صيدلى وكورسات تانيه انت ممكن تختار الكورس اللى يناسبك من الباقه بتاعتنا
الجوايز طبعا مقدمه من مؤسسه pharmacist care للتدريب والتوظيف وان شاء الله فى جوايز معنويه مقدمه من الكليه كمان

[omima ramadan]

يسعدني أشترك معاكم

هو كان عمل نزلته قبل كده علي المنتدي ده

اسمه: صغير ولكن...!!!


(في زيارة طفل فلسطيني مصاب بمستشفي مصري)

دخلت عليه
نظرت إليه
ملاك برئ
وفي عيونه.....
صقر جرئ

قربت منه وقلت أواسيه
لقيت ابتسامته مقابلاني
بتحضني
محاوطاني
ولقيت جروحه قدامي
بتكوي قلبي...
وتلوم عجزي وهواني

سألني......
ليه الدمع في عيونك؟!
أجبته.....
أصل جرحي أذاني
جرح العجز يا ولدي غلب جروحك قدامي.

يا عم............
قتلوا أبويا وأعمامي
وهدموا بيتي وأحلامي
لكن هرجع
هرجع لوطني وبلادي
وهرجَّع أرض أجدادي.

أصبحت يتيم يا ولدي
عش في وسط أولادي.

هكون يتيم يا عمي
لو ضاعت أرضي وبلادي.

أنا راجع....
راجع لسماها وبحارها
راجع لترابها وأحجارها.
راجع لهواها وأشجارها.

راجع.......
وهرجَّع بحصاها شرفها.
وهرسم ضحكة علي شفاهها.
وهمسح بإيديا دموعها.
وهداوي آلامها وجروحها.

راجع.......
وهعزف بعودي علي ضفافها
أحلي غنوة تفرحها.
وهستني قدوم الفجر....
مع عصافيرها وأطيارها.
وهستني قدوم الشمس.....
تغسل ليلها وظلامها.

هيقتلوك يا ولدي..
يبقي شهادة بنطلبها
ويلامس جسدي جسدها
ويذوب عشقي في ترابها.

جيت أواسيك يا ولدي
لقيت كلامك واساني
وخفف عني ونساني
آلام عجزي وأحزاني.
وبشرني بجيل جديد
هيرجَّع قدسنا تاني

أميمة رمضان
الفرقة الرابعة

[dr_Eucalyptus]

يسعدني أشترك معاكم

احنا أسعد طبعا يا اميمة ...

الكلامات جميله ..... والمعنى مؤثر .

أيوه كده عاوزين باقى المواهب تظهر.

بانتظار المزيد ...